![]() |
يـا غـايـبــه بـلـلـه مـا هـزّك الــشـوق؟!
قـولـي ولا تـقــولـيـن غيــر الحـقـيــقـه دام الهـوى مافيه لاهـل الهـوى ذوق؟! كـــل واحــدٍ مــنّـــا يـــروح بـطـريـقـه محمد العواد |
|
آآآمين والمسلمين أجمعين |
وضـعي يابـو عارف مهـو وضعـي العام مستانس وعنـدي فـراغ وفضـاوه الـيــوم بـالصــدمـات وصـــدوف الايــام عـاملـني زماني بعـنـف وقســاوه والـواقـع اللـي يشـبـه اضـغاث الاحـلام مـا ذقـت بايـامي لـعيشـه حــلاوه ضِحْـك الـزمـن خـدّاع وان طال مـا دام يصفي ويقلب عـجّ عقـب الصفاوه محمد العواد ---------------------------- يا محمد العواد والله ماتلام واجهت من ميلات وقتك قساوه وحطمت بسلاح الصبر كل الارقام تحطيم مفهوم الحظر للبداوه عز الله انك بالمهماة ظرغام بينك وبين الضعف حرب وعداوه قاومت بايمانك صواديف الايام وعند الشدايد للتوكل حلاوه ياشاعرٍ ترفض حضورك بالاعلام لك في محيط الجزل ثقل وحفاوه مشفي الجرواني |
حان الوداع ووادع القلب غاليه أقفى يقول اني على البعد مجبور يقول لو غيرك من الناس مابيه قلبي على الفرقا مسيّر ومامور قلت اطلب الله لك من اليوم وادعيه يستر عليك ويجعلك دوم مسرور محمد العواد |
يالعبد لاتبدي على الناس سدّك للسرّ برمج كلـمـة السـرّ برمـوز الحـاجـه الـلـي للمهـونه تحـدّك تنعاف لـو بيّن على حالك العوز والحظ لوهو دايم الدوم ضدّك هزيمتـك حـاول تصدّاه بالفوز محمد العواد |
صباح الخيرات...
ذي ابيات راقت لي اتمنى تعجبك.. وحبيت انزلها بمتصفحك الجميل.. يالله ترحمنّا وتصلح لنا الحال يا غافر ذنوب البشر والخطايا . اغفر لنا الزلة قبل شهر شوال وأقسم لنا يا رب خيّر العطايا.. اخيراً صح لسان شاعرها. |
اقتباس:
الله الله ابيات رائعه وقويَه فعلا ذوق اي شي يروق لك يالشامخه يروق لي بصدق صح ذوقك ياذوق كم يسعدني وجودك ومرورك واضافاتك |
الساعة الآن 09:02 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir