|
يا حبيبي لي على صدك عتاب غير طيبك ما يبرهن طيبتك عند من عذبت قلبه بالغياب نقطة الضعف الوحيده غيبتك نديم القوافي |
ما تدري انك كل ما غبت و ابطيت يضيق خلقي ويتعكّر مزاجي وانك بعد غيبتْك ياغبت ثم جيت صرفت لـ اوجاع الغياب العلاجي قلي بقلبي يالغلا ويش سويت هو ليه ما يضحك لغيرك حجاجي بيني وبينك كل ما شفتك اقفيت يولّع بصدري فتيل السراجي نديم القوافي |
نديم القوافي
صح لسانكـ يالجزل مبدع قليله في حقكـ لا عدمتكـ |
ياهلا وغلا
صح بدنك لاهنت ما على شرواك زود انت يامحمد شاعر شهادتك شهاده ووسام على صدري الله يسعدك |
ياللي لـ اشهر منطقه في ديرتي لك على ظاهر مسمّاك انتساب في غموضك سر زود حيرتي وفي خفوقي لك مودّه وانجذاب حتى لو ما اظهرْت عندك غيرتي واضح اني في سهم حبك مصاب ما انت حولي ولا انت من عشيرتي وكنّك اقرب للجسد من الثياب ليت ربي معمي(ن) بصيرتي عنْـك وعن جاير عذابك يا عذاب عفت لاجلك من تمنى جيرتي والجزاء من حضرتك طول الغياب طالت بحلم اللقاء مسيرتي ومدري لو انك على الواقع سراب ➰نديم القوافي➰ #محمدالعواد |
ودي ولكن حال من دون ودي حظٍ معك عيّا يجـيـني على الكيف كل شي دونك ياهوى البال ضدي وماني لدارٍ غير دار النقاء ضيف نديم القوافي #محمدالعواد |
روح ولو ماكنت أبي غيرك إنسان عسى صواديف الزمن ما تصيبك اصبحت انا وياك في حكم الاخوان هذا نصيبي وانت هذا نصيبك نديم القوافي #محمدالعواد |
الله يمسي كل الأجواد بالخير
بعد المساء بثني عليكم سلامي يوصل محمل بالمعزه وتقدير على الجميع بدون ذكر الأسامي...،، |
|
صدود
ملكة رواسي الشكر والعرفان على الحضور الطيب والمرور العطر |
تعال شف حالة نديم القوافي
من فن حرفك داوه بجرعة إحساس ما عنْك والله ياهوى البال خافي لـ اجلك ورب البيت عاف أقرب الناس كذا تعذب صاحبك بالتجافي!! وعلى أقل تقدير ما تقول لا باس!! نديم القوافي محمد العواد |
نـيّـتـي بيضاء ومقصدها نزيه صادقه مع الجميع و صافيه صاحـبي من طيب مبداه اشتريه ولذكاه وموهبته الوافيه يا رفيقٍ كنت أبيه وكنت أجيه في غموض إحساس نبض القافيه يا كثر ما اجيه شرهانٍ عليه وشرهتي بالنفس تبقى خافيه يدري في حبي ولكن مدري ليه ما يصارحني بـ اجابه شافيه نديم القوافي |
في كهربا الاحساس صار التماسي
وهيض خفوقي يالغلا للكتابه ذوقك ذهب واذواق غيرك نحاسي ما بين خلق الله وبينك تشابه انت الذي في ظرف وقتٍ قياسي صرت اخذ بطرح القصايد حسابه واصبح وجودك شي ضروري واساسي عندي ومثلك ما اتحمّل غيابه اخذتني من بين ربعي وناسي وارتحت لك من دون كل القرابه بيني وبينك ما يترجم احساسي غيرك ومن لا يفهمه ما درابه نديم القوافي محمد العواد |
الله يحفظك يا غلاي و يصونك ياللي بقلبي ما يضاهيك مخلوق ما للشعر داعي و قيمه بدونك لبى حروفك لبى الاحساس والذوق مشتاق يا ريم الصحاري لعيونك وروحي دفعها للقى دافع الشوق ➰نديم القوافي➰ محمد العواد |
عن واقع الشوق لخيال التلاقي خذني بلطف وضمني لحضن الاحلام ➰نديم القوافي➰ محمد العواد |
أنت الذي يسقي عروقي سلامك
منزلْك في روحي وقدرك على الراس نلت الغلا كله ونلت احترامك تفرق ورب الناس عن ساير الناس أخلاقك بذوقك ومنطق كلامك هزّت تداول بورصة سوق الاحساس نديم القوافي محمد العواد |
وداعتك يا طير كتمان الاسرار رح له ووصل له سلامي وقلّه أرجيه رجوى القاع لوسوم الامطار واشتاق له شوق الغريب لـ محلّه ➰ نديم القوافي ➰ محمد العواد |
|
|
شيخة الغيد ملكة رواسي لاعدمنا هالمرور وهالحضور تقديري وامتناني |
ابيه و غيره يعلم الله مابيه وفي واقعي ما هو مفارق خيالي ما انساه وماني لو تناسيت ناسيه اسهر على رجوى لقاه الليالي وغلاه ما هو بكل الاحوال خافيه للساري أوضح من الجدي الشمالي ➰نديم القوافي➰ #محمدالعواد |
ما تفيدك بحال تقصيرك معاذيرك لا تعتذر لي خلاص ارحل عن ايامي اهديت لك قلب ما اهديته لاحد غيرك واهديت لي صدّ دمّر مركب احلامي ➰نديم القوافي➰ #محمدالعواد |
ياللي اخترقت بوندوز الذات ذاتي وهكرت قلبي بشفرة الحب تهكير اصبحت تسوى في حياتي حياتي ولا غيرك احدٍ يمتلكني من الغير نديم القوافي #محمدالعواد |
ماجور يا راسٍ صواديف الازمان عَجْزَتْ تبيّن من عَيَاكْ انكسارك اصبر ومهما عشت بـ هموم واحزان صمتك ولا شكوى هوانك وعارك خلك تموت بـ واهج العز ضميان ولا تشوف بعيون الحقير احتقارك ➰نديم القوافي➰ #محمدالعواد |
قل لي متى بعيني اناظر لعينك ؟؟ متى يجي للـواقع المـر تبديل ؟؟ متى يجيبك للتلاقي حنينك ؟؟ مليت من تكرار كلمة "تساهيل" #محمدالعواد |
خذني شعر عانِقْ شعوري بـ شعورك واحضن حروفي ياهوى البال بـ حروف أنسب حليف لـ كبريائي غرورك وامرٍ وراثي فيني وفيك معروف #محمدالعواد |
يا سراب الحب ما تروي ظماي تحت شمس الهجر ما اصفى منبعك يجبر الله في ردى حظي عزاي تهت في صحراء المعاناه اتبعك #محمدالعواد |
ما كنت ماخذ على ارض الواقع حسابك وكنت أتصرف معاك بكل عفويّه واليوم يؤثر على روتيني غيابك وصدتك ماهي على كل حال عاديه #محمدالعواد |
تعال فتّش في حنايا ضلوعي ما راح تلقى يعلم الله غيرك ماني بقربٍ غير قربك قنوعي عسى مصيري يرتبط في مصيرك ➰نديم القوافي➰ #محمدالعواد |
خذني شعر عانِقْ شعوري بـ شعورك واحضن حروفي ياهوى البال بـ حروف أنسب حليف لـ كبريائي غرورك وامرٍ وراثي فيني وفيك معروف #محمدالعواد |
محدن بياخذ وسط قلبي مكانك=من فيه غيرك يستحقّه من الغير مهما حرمني منْك واقع زمانك=تبقى بـ عشّ الحب يا حبي الطير حتى لو افقد في غيابك حنانك=ابذكرك كل ما تذكرتك بخير انا ادري اني مستحلٍّ(ن) كيانك=وانك تمنى لكسر الاحلام تجبير وانك مثل ما عفت ناسي عشانك=عفت البشر لاجلي ،، فدتْك الغنادير لا تحسب محمد اليا غبت خانك=ما زال يرجي لواقع البُعد تغيير محدن بياخذ وسط قلبي مكانك=ولا فيه غيرك يستحقّه من الغير ؟!! ➰ نديم القوافي ➰ محمد العواد |
ابـ اسألك من باب تحقيق الاحلام متى بـ لقاك انهي مسيرة غيابك إلى متى يعني على مر الا عوام وانا اتبع بـ صحراء الأماني سرابك على الاقل من منطلق وصل الارحام ما يقطع بـ مغليه حضرة جنابك مع اللأسف جفّت من الحبر الاقلام ما باقي اكتب غير خاب الرجى بك #محمدالعواد |
تدري وش اللي يهيّضني لمجاراتك عذب المعاني وقوّ ابياتك الجزله وعشقي لقصيدك وتوظيفك لـ كلماتك خلاني اعشق فراق الناس والعزله ➰نديم القوافي➰ #محمدالعواد |
يا شبيه الشمس في عز النهار غير نورك وش ينوّر دنيتي خذ عباراتي بـ عين الاعتبار أنت حلمي بـ الحياه و منيتي ➰نديم القوافي➰ #محمدالعواد |
أنا معاك أوضح من الشمس للعين ينبيك عن مبدا وضوحي وضوحي أقسم قسم باللي خلقنا من الطين انك بمجرى دم قلبي و روحي ➰نديم القوافي➰ #محمدالعواد |
تعال ياللي عليك الروح ولهانه أبيك تقطع ضمى اللهفه وترويني انت الذي صدّه وتأثير هجرانه واضح وظاهر بـ عيني من سهر عيني ➰نديم القوافي➰ #محمدالعواد |
اليوم قلبي عقب عامين ريّحته يوم اني ابديت لـ اغلى ناسي احساسي جيته و بالحب علّمته و صارحته في موقفٍ يحبس من الربكه انفاسي ➰نديم القوافي➰ #محمدالعواد |
يا شمس كفّي ظلام الشوق عن عيني متى شروقك ينوّر ظلمة غيابك ؟!! يا شمس مدري وش اللي بينك وبيني على سواحل محيط الود وش جابك ما بين حلمي وواقع قسوة سنيني و حرفٍ يزلزل كيان الروح بـ سنابك أخيل برقٍ كثر ما هو يناديني ؟؟؟ يقول راجع على ارض الواقع حسابك !!! وانا على حدّ مذهب شرعي و ديني لك منزلٍ عن جميع الخلق يزهى بك ما فيه غيرك و رب البيت يعنيني من فنّك اللي تملّكني ،، الى اهدابك ليتك على صدق نيّاتي تعذريني يكفي وجودك على كل حال و اعجابك ➰نديم القوافي➰ #محمدالعواد |
خذني شعر عانق شعوري بـ شعورك واحضن حروفي يا هوى البال بـ حروف أنسب حليف لـ كبريائي غرورك وامرٍ وراثي فيني وفيك معروف ➰نديم القوافي➰ #محمدالعواد |
يـ اللي بـ الاحساس ناداني وناديته لبيه والناس يا اغلى الناس يفدونك من فيه غيرك تمنيته وحبيته اشريك لو بعت كل الخلق لعيونك #محمدالعواد |
| الساعة الآن 08:10 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir