شبيه الريم !!! صوتية

[كديميس السيحاني]

,
,,
,


http://www.shy22.com/dldm7i82060.mp3.html

,
,,
,




ليـه الحيـا دام الامـر بالاسـم والدنيـا زوال=وين الميانه ياشبيه الريـم والطـرس انطـوى
ياليـل لا ياصبـح والا اقـول ياوقـت الـزوال=ان كان دربي طال والطرقة, ترى الحال انطـوى
اعيش غربه في زمان الصمت واحلامي خَيَـال=حتى مع احلام الزمن يصغر خيالي في الهـوى
احلم بوصلـي للثريـاء فـوق غـرّات الخِيـال=واعيش معها في مدار الكون بأنفـاس الهـوى
وفي العلم يابعد الثرياء ماحصل معهـا اتصـال=لـو التناجـي بيننـا قصـة بــلا راوي روى
ولو جيت احاول لإستماع الصوت في علم إتصال=اشوف ميرادي بعيد وصـدر ضامـي مـا روى
البن يحمس في المحاميس ويقـدّم فـي الـدلال=مقياس كيف لزعفران وهيـل للـراس الـدوى
ياقايـدة للغيـد زود الجـرح مـن زود الـدلال=والنبض في صدري من سهوم الموده لـك دوى
اما اسعفي مجروح روح الحال ناحل ماش حـال=بالوصل عن قرب وظلام الليل من نورك ضـوى
ادني وخلي كل بعـد وكـل ظـرفً قبـل حـال=ينزاح من دون الحدود , ليا بغى وصلك ضـوى
قلبي تجـرّه يمـك حبـال السوانـي والمحـال=لو قلت عل بصمت ما قلت إلك يالغالـي لـوى
وإن كان للضامي تقول اليـوم ميـراده محـال=مانيب منهو ساعـة الشـدات لذراعـك لـوى

[أحلام رماديه]

:

:

صح لسانك
ماشاء الله .. رائعه بمعنى الكلمه

السيحاني :
أعتبرني أحد القاعده الجماهيريه لك (:

تقديري

:

:

[الجـوووري]

.
.
وانهمر الشعر عذوبه
وزلزل الابداع اركان المكان
صح لسانـك
أسجل إعجابي
!
.

[محمد الروقي]

كديميس السيحاني

للجزاله قمم لا يعتليها الا القليل من الشعراء

فقد بلغت شواهيق القمم فصح لسانك الى رضاك


سجل مروري وكل التقدير

[محمد الـفراج]

صح لسانك وعتلا شانك

قصيده جزله ولاهي غريبه عليك الجزاله

تقبل

مروووووري وحتررررامي

[أحمد السليمان]

أبداع ليس مستغرب من شاعر شرواك

صح لسانك حتى ترضى وبعد

[كديميس السيحاني]

:

:

صح لسانك
ماشاء الله .. رائعه بمعنى الكلمه

السيحاني :
أعتبرني أحد القاعده الجماهيريه لك (:

تقديري

:

:



الأخت / احلام رمادية

صح كلك و لا هنتي

نورتي متصفحي بمرورك العطر

ويسعدني كونك من جماهير حرفي

دمتي بخير

تحياتي لك

[شاعرة نجد]

الله يصح لسانك يـ ابومنصور

ولاهنت على هـ النص العذب والشيله الفااخرهـ

تقديري لك’,,