أقرب شاعر نبى نجرب

[أحمد السليمان]

مساء الخير للجميع


مجرد محاوله الله يستر ههههههه



يامرحبا بسمي وبسم الكرامه=ترحيبة ٍ فيها كرم حاتم الطي
سمحان وش به بالشن في سنامه=عقب الهدر يرغى مثل هاذي وذي

[محمد الروقي]

صح لسانك

وينك ياكديميس ولا الفراج

انا ابي اقطعها عليكم كل شوي رايح مشوار

كديميس والفراج والزهيري وينكم وسعيد القير الليل

[علي الزهيري]

مرحبا بالجميع والله يجملنا


سلمت يااحمد ياسليل الزعامه=والله يجملنا وتارد على المي
سمحان ما لحقه قصور وملامه=يشيل حمله ماتوانا وهو حي

[محمد الروقي]

صح لسانك يابو محمد

اليل والقهوه علي شد حيلك يا احمد

[علي الزهيري]

صح بدنك يابو حميد

والله يحييك وين الباقين

[أحمد السليمان]

الصاحب اللي ماجلهنا كلامه=يمشي على وضح النقى ماهو بسي
يلو ح برق الخير وسط الغمامه=وللحين ماشفنا نواوير وحلي

[أحمد السليمان]

حياك الله يابومحمد وحي الله الجميع

[علي الزهيري]

صاحبك لا تلحقه ذم وتهامه=لاطالت الايام تلقاه لك خي
السيل بعد البرق غطى العدامه=والشجره اللي يابسه جالها في

[أحمد السليمان]

البيت البيض يالولد له علامه=واللي سواتك بالمواقف يكفي
ترى المذمه من عروق الشهامه=وهداج في تيما ولاهو بمخفي

[علي الزهيري]

المعذره على التاخير


طماع ولطماع ضيع حمامه=ترا الطمع يا احمد توليه لا شي
اللي وعدنابه خذه في تمامه=توك وتبغي تاخذ اللي بعد لي

[أحمد السليمان]

مال الطمع في تالي الوقت قامه=مكسب يميني واضح ٍ للعرب ضي
راع الوعد وافي ونقص جرامه=ماودنا نطوي مسافاتكم طي

[علي الزهيري]

المحرم الى احرم يجود حرامه=يطوف بالكعبه ويسعى ويدعي
النقص نقص العقل واكبر ملامه=تجحد عطى الاجواد يااحمد وتخطي


كل عام وانتم بخير

نبي نكمل العشر الاواخر على خير
اشكر اخوي احمد على رحابة صدره
ومن خلال هذه المحاوره البسيطه وجدته
شاعر محاوره بارع
دمتم بخير

[أحمد السليمان]

وأنت بصحه وسلامه ياعلي

والدعوه كلها أمزوح وانا أخوك وتشرفت باللعب معك

وصح لسانك شاعر كبير ومبدع


تحياتي