عهود الصداقة

[فواز البقمي]

لا شك في نفسي من الوقت ساموح =ولا شك في نفسي عتب واحتراقه
أسير الهاجس طواريق وامزوح= واسير المعنى بفن ولباقه
حق الخوي واجب أساويه بالروح= أحفظ له حقوقه وحسن العلاقه
أدمح له الزله واقول مسموح =وارعى عهود المعرفه والصداقه
درب الجماله ما يبي هرج واشروح =يبي عزوم ارجال تعشق نطاقه
ولا المقفي مالنا فيه مصلوح =طرد المقفي من سلوم الحماقه
ماني على شرواه بمكثر النوح =ولاني على شرواه راعي شفاقه
من يتبعه محصولها حفنة جروح= ويصبح على ما قيل راعي طفاقه
كلٍ بوقته له تفاكير واطموح =وانا هوى نفسي من الطيب باقه
يقوله اللي خيل بروقٍ تلوح =ورعادها دندن وفيه إصطفاقه
تلوفها ريح الهبايب على شفوح= تسوقها من غير كيف ورواقه
القاع منها صار ما كن به ضوح =وغديت مثل اللي كسِر عظم ساقه
يخشى عواقبها ويخشى على صروح= وبيت الوفاء ينهار كامل رواقه
وقبل الختام وقبل ما سري يبوح= اهدي التحايا الوافيه للرفاقه

[محمد الروقي]

أدمح له الزله واقول(اله) مسموح

اشهد بالله انك غنيت وعرفت تغني
وشهد انك مثل ماعرفتك بالجزاله لا عدمتك
صح صح صح لسانك لين تقول بس قصيدتك شتت تفكيري يالفواز

[مطلق الفليت]

صح السانك


وعتلا شانك




مبدع يافواز




تحياتي

[شاعرة نجد]

صح لسانك يـ الشاعر

ولاهنت على هـ النص الجزل

تقديري’,,

[محمد الـفراج]

فواز


صح السانك وعتلا شانك

وافيه من وافي

تقبل مروري

[أحلام رماديه]

:
:

صح لسانك وألف لاهنت
عنوان جميل ونص أجمل
معنى ومغنى

سعيدين بشوفتك فواز بعد فتره من إنقطاعك
ألف مرحبا فيك وحياك

[علي الزهيري]

فواز البقمي

صح السانك وعلا شانك

اكثر من رائعه بكثير

تقبل تحياتي

[المنصور بن ماجد]

فواز البقمي

صح لساااانك مدد بلا عدد

ابداع وامتاع لا محدود

تحياتي لك

[فواز البقمي]

أدمح له الزله واقول(اله) مسموح

اشهد بالله انك غنيت وعرفت تغني
وشهد انك مثل ماعرفتك بالجزاله لا عدمتك
صح صح صح لسانك لين تقول بس قصيدتك شتت تفكيري يالفواز

هلا وغلا

بأخوي \ محمد الروقي

مهما بلغ انتاجي من الجزاله ... الا اني ما زلت طالبآ في بحر ابداعك سيدي الكريم

وصج بدنك وكلك ياذيبان

ولا هنت يالقرم

ولكن لي طلب بسيط ارجوا "إنك ما تتحسس من طرحي فأنت عندي فوق الشبهات والله شاهد على صدق قولي وتبقى فكرة يترجمها الشاعر في ابيات ليس الا ولا تمس أمن أحد على الأطلاق ولك تحيتي واحترامي

أخوك الصغير

[فواز البقمي]

صح السانك


وعتلا شانك




مبدع يافواز




تحياتي

الشاعر \مطلق الفليت

صح بنك وكلك ولا هنت يالنشمي

واشكر لك حضورك الفاخر

ولا خلا ولا عدم


تحيتي

[فواز البقمي]

صح لسانك يـ الشاعر

ولاهنت على هـ النص الجزل

تقديري’,,


شاعرة نجد

صح بدنك وكلك ولا هاان راسك أختي الفاضلة

أكرمتيني بإطلالتك البهيه وتوجتي مشاركتي بجضورك العاطر

لا خلا ولا عدم


تحيتي واحترامي

[فواز البقمي]

فواز


صح السانك وعتلا شانك

وافيه من وافي

تقبل مروري





محمد الفراج

صح بدنك وكلك ولا هنت يالقرم

على حضورك لك امتناني


تحيتي

[فواز البقمي]

:
:

صح لسانك وألف لاهنت
عنوان جميل ونص أجمل
معنى ومغنى

سعيدين بشوفتك فواز بعد فتره من إنقطاعك
ألف مرحبا فيك وحياك


الآنيقة\ أحلام

صح بدنك وكلك وسلمت يمناك يافاتنه

وكلي أمتنان لحرفك الانيق الذي صافح متواضعتي بكل هذا الأطراء

لا عدمناك يالغلا وعسى السعد فالك



أما إنقطاعي لم يكن جفاء .. ولكن كان للظروف دور بارز أبعدتني لفترة ونسأل الله السلامة



لك تحيتي واحترامي

[فواز البقمي]

فواز البقمي

صح السانك وعلا شانك

اكثر من رائعه بكثير

تقبل تحياتي


الشاعر \ علي الزهيري

صح بدنك ولا هنت يالنشمي

اشكر لك حضورك الكريم

ولا خلا ولا عدم


تحيتي

[فواز البقمي]

فواز البقمي

صح لساااانك مدد بلا عدد

ابداع وامتاع لا محدود

تحياتي لك


الشاعر\ بن ماجد

صح بدنك وكلك ولا هااان راسك

اكرمتني بحضورك

وعساك سالم


تحيتي