ابيات من ذهب لشعراء رواسي نجد

[علي الزهيري]

الاخوه الاعضاء

السلام عليكم ورحمة الله وبركاته

فكرة المووضوع
.
.

بيت أو أكثَر .. توقفتم لديـّه .. وأثرَى ذآئقتكم

لشعرآء .. شبكة رواسي نجد الادبيه فقط..

وذلك من خلال متابعتكم لشعراء شبكة رواسي نجد الادبيه

الابيات التي ستضاف لشعراء غير متواجدين في شبكة رواسي نجد الادبيه سيتم حذفها

[علي الزهيري]

انا اشهد ان حال المفارق عند خلق الله فضوح=من واجهك من دون ما تخبره باللي بك درا

ناصر الحميدان

[محمد الـفراج]

متى علــــى الله يــــــزيـــــن الــــوقــت ونـــــشــــوفه

وروي عـــــــروقـــــن بـــــعــــد مــــا صــــد ضــــمـــيــانه

محمد الروقي

[محمد الـفراج]

مــــا ودي ابــــــدي خـــــفـــايـــا الـــــفس مــــهـــما يـــصــيــر

وخــــاف تــــبــــطـــي وبـــــيـــن لــلــمـــــلا شـــــــانــــــهــــا

علي الزهيري

[الصيرمي]

مدآم من عآش لو طآل آلزمن هآلك = آلرجل تمشي وقبر آلعبد يدنيله



محمد آلرووقي ..



علي مشكور على هالفكره الممتازه ..

[علي الزهيري]

اسعد الله ان بعض الغتر فوق الحريم=واشهد ان المقنعه مالها غير الرخوم

سعيد القير

[محمد الروقي]

مشكور ياعلي وبيض الله وجهك

ولشاعرة نجد بيننا مكانة



تهاجر بي اطيور الشقا مالها مصلوح= وهاجر ونا ما ادري على وين هالروحه

[محمد الروقي]

وشوف فيه الجار موذي الجاره=ونبينا وصا على سابع الجار
ناصر الحميدان

[علي الزهيري]

انته ما ترضى احد يكويك=وش لون يازين ... تكويني

محمد الفراج

[أحلام رماديه]

:
:

فكره ممتاز فعلا

يقول الشاعر بدر العيباني:

كل همي أعيش العمر لحظة هنا

تكفى حس بغلاتك هذا بيت القصيد

:
:
:

[الصيرمي]

:


بيتين تسوى قصآيد .. للشآعر هزآع آلعآصمي .


يقوول :



لآصرت في صحتك وآلحآل مستور = يغنيك عن بعض آلرفآقه رفآقه
مآنتب على طرد آلمقفين مجبور = آمآ آلوصل وآلآ بلآآآش آلعلآقه

[ابراهيم القربي]

اصدق واصادق واحب ونيتي كتاب=بيض النوايا صحايفها ويدرون




الشاعر/ علي الزهيري

[علي الزهيري]

ماقول لـك ياصاحبـي ماتألمـت
من غيبتك لكـن حيـل الله أقـوى

يوسف الغنامي

[الأصيلة بنت أبوها]

أطردك ياغرام ٍ مالي عنك غنـا=وأنت تقتل مشاعر من وريد لوريد

ماكسبنـا وراك الا دروب العنـا=لا لمحنـا النهايـه نبتدي من جديد

بدر العيبانى

[النجلاء]

من لامنـي قلـت اص وسمـع حلايـاه
وصفه غـدا منـه اسـود الـراس شايـب
بـالــغــنــج مـامــخــلــوق ســـــــوا ســـوايــــاه
وكـبـر دللـيـل انــي مــن الغـنـج ذايــب
والــوجــه يــاشــري مـــــن الــوجـــه شـــــراه
هـــــو والـقــمــر اشـــــك يـمــكــن قـــرايـــب
والـعـيـن يـاويـلــي مــــن الـعـيــن ويــــلاه
اثـر الـهـدب والعـيـن راس المصـايـب
والصـدر ياسمـي مــن الـصـدر سـمـاه
اصابـنـي مــن ركــزت الـنـهـد صـايــب
والخصـر كــن الاكــل عامـيـن مـاجـاه
خـطـر انكـسـاره مــن بسـيـط الهـبـايـب
والـــــــردف لـنــفــنــوف شـــالــــه ووطــــــــاه
مـكـشــوف ســاقـــه ونـســتــر بـالــذوايــب


ابيات من قصيده لشاعر

محمد الروقي

[النجلاء]

الـلـيـالــي لـــــو تــشــيــن ولـوتـزيــنــي
مـايـمــوت الادمــــي مـــــن كـثـرهـمــه
ماذبحـنـا مــن عـلــى مـــر السنـيـنـي
كــــــل عـــــــام يــمــرنـــا بـكـبـرمـطـمــه
مـؤمـنـيــن وسـاكـتــيــن وصـابـريــنــي
لـيـن يجـلـى كــل ضـيـق وكــل غـمـه
نـرتـكـي لـلـوقــت بـالـضـلـع المـتـيـنـي
لـيـن نــارد بالـرشـاء مــن كــل جـمـه
والـهــواء الـلــي ياجـمـاعـه مبتلـيـنـي
الــزمـــان يـبـعــثــره وأرجــــــع ولـــمـــه


ابيات من قصيده لشاعر

محمد الغنامي

[النجلاء]

وارســلــتـــلـــك قـــــلــــــبٍ شـــــغــــــوفٍ لـــــــــــردك
ارجـــــوك ردك لايـــجـــي هـــجـــر وعـــتـــاب
ابـــطــــى جـــوابــــك جـــــــاك مــنـــهـــو يــــلــــدك
كــل المعـانـي صــك مـــن دونـهــا الـبــاب
لـــوكــــان قــلــبـــي مــــــــن غــــلاتــــك بــــيــــدك
حــــــرٍ يـــعـــاف الـــهـــون لـلـمــجــد طـــــــلاب
ون جـــار وقــتــك هــــان مـنـهــو يــضــدك
اذكــــر رفــيــقٍ كـــــل مـاشــنــت لـــــه طـــــاب
اســمـــح لـــــي ارحـــــل لـوحـيــاتــي بـــحـــدك
امـــوت فـــي الـقـمـه عـلــى راس مـرقــاب

ابيات من قصيده لشاعر
هزاع العاصمي

[النجلاء]

يامـاخـذتـنـي غــصــب عــنــي دخـيــلــك
رديــنـــي لـنـفـســي إذا الــلــيــل طــــــراك
ولا خـذيـنــي دام مــــوت أنـتــمــي لـــــك
ولا أمـــــــوت 2000 مـــــــره بـــذكــــراك
أنـــــا بــكـــل أحــوالـــي أســمـــي قـتـيـلــك
وأنــتــي ولــــع قـلـبــي وعـيـنــي تــمـــراك
يــلـــي جــديــلــك لـــيـــل وآنــــــا خـلـيــلــك
ومن نور وجهك زان لي حلو مسراك
عـــــن لـــــذة الـخــثــرات كــفـــى قـلـيـلــك
وأرويـــت مـنـهـا قـلــب فـالـعــز ضــــراك
نبـضـي وحـرفــي بـالـولـع سـاقـنـي لـــك
وأيـقـنـت بـآنــي خـــارج حـــدود الإدراك
ودي أعيـشـك لــو دقيـقـه وأجـــي لـــك
وأدفــع ثمـنـهـا عـمــر عـاشــق تـحــراك


ابيات من قصيده لشاعر
محمد القسامي

[النجلاء]

يــاطـــول لـيــلــي عـــلـــى خـــرمـــة فـنـاجـيـلــك
بـبــدع لــــك اجــمــل درر بـالـحــب مـنـحـوتـه
الـجــرح فــــى خـافـقــى يـغـلــى كــمــا هـيـلــك
ويـنـزف نـزيـف الجـريـح الـلـى قـــرب مـوتــه
قـطــع عــــروق الــغــلاا والـحـيــن بشـكـيـلـك
مـن صـدة اللـى هجـر واحـرق لـى كـروتـه
مــــــن بـــعـــد مـــانــــى ولــيــفـــه يالله دخــيــلـــك
غــــديــــت كــــنـــــى مـــــــــع الايـــــــــام مــبــهــوتـــه
الصدر ضايق /حزن / مظلم كما ليلك
مـايـسـكـنــه كــــــود كـــثـــر الـــهـــم وســكــوتـــه



ابيات من قصيده للشاعرهـ / الأ صيله بنت ابوها

[النجلاء]

هلا ياروح يافوح البخور ومعدن اطيابي



هذاك اللي يعطرني واشمه وانتشي وياه



هلا ياعين ملقاها كسر كل النظر والشوف



مثل العمى هو نذر شوفه لنورعيون من يهواه



انا ماكون من دونه حقيقه لاحشى ماكون



خلقني ربي وحطه وسط جسمي لجل احياه



احبه من هنا لاخر محطات العمر واخر سنيني



مثل جذع النخل عشقي نبت في تربته وارواه





ابيات من قصيده للشاعر / علي العصيمي

[أوهــام]

*

*

*

الـــــخــــــوه الـــــــــــي مــاتـــشـــيـــد عــــــلــــــى ســــــــــــاس
ودك عـــــواصـــــيــــــف الــــــــزمـــــــــان اتــــهــــدمــــهـــــا
وأيــــــامــــــك الــــــــــــي مـــاتـــبـــيـــن لــــــــــــك الــــــنــــــاس
اخــــــيــــــر مــــنــــهــــا يـــــــــــــا ابـــــــــــــن ادم عــــدمــــهـــــا


أبيات للشاعر / محمد الروقي

[ولد شقراء]

ياصغيـر السـن كـان القـصـد تفتـنـي

يالله دخيـلـك مـــن الفـتـنـه وراعـيـهـا



لاشفت زولك لعب في راسي الجني



اصـارع جـنـون راســي لـيـن اهديـهـا



انــــــا دخــيــلــك بـغـنــجــك لاتـجــنــنــي



لاتقـصـرخـطـاك والـنــظــرات تـرمـيـهــا



تطعني ان رحت واليـا جيـت تطعنـي



ماخفـت ربـك قلـوب الـنـاس تدميـهـا



مـانـي بطـيـب ولانـــي مـنــك متـهـنـي



دام المياسـم بـنـار الـشـوق تحميـهـا



لاشـفـتـنـي صـــــد ولاســـــب والـعــنــي



مسبـتٍ مـن شـفـاك الـعـذب راضيـهـا



مالـك ومـال الهـواء ياصغيـر السنـي



دور على نـاس مـن كبـرك تهاويهـا



وأبك الهواء قد طواني طيت الشنـي



وأسقـانـي الـمـر حاضـرهـا وماضيـهـا



خلانـي أبـدي بــراس الـرجـم وأغـنـي



وأجـــاوب الـــورق لاغـنــت بغـانـيـهـا



مـجــروح وجـــروح قـلـبـي مايطـيـبـنـي



ولافــيــه دكــتــور بـعــلاجــه يـداويــهــا




الشاعر/ محمد الغنامي

[النجلاء]

عـــشـــق الـــغــــلا يــنــرســـم قــيــفـــان شــعــريّـــه
لاصـــار مـلـهـم قـصـيــدك ســيــد احـبـابــك
الــــحــــب فـــــــــى خـــافـــقـــى مـــلـــيـــون بــالــمــيّـــه
نــاظـــر عــيـــون الــغـــلا تــلــقــى بـــهـــا بـــابـــك
مـهــمــا قــطــعــت الـــوصـــل بــبــقــى شـمـالــيّــه
القلـب بيـت ٍ خـضـر مـزهـر ومتشـابـك
ومـهـمــا الـلـيـالـى قــســت بـاحـكــام جـبـريّــه
تــبــقــى ولــيــفــى وانــــــا بـــمــــوت واحــيــابـــك
مـشــاعــر الـــشـــوق عـــنـــدى نـــارهـــا حـــيّـــه
تشعل خفوق ٍ نطـر والوصـل ماجابـك
يـالـلــي زرعــــت الــغــلا فــــي صــــدر راعــيّـــه
واسقـيـتـه الـشـعــر واثــمــر كــيــف يـهـنـابـك
مـشــاعــرى جـــــات لـــــك بـبــيــوت عـفــويّــه
عشرة بيوت ٍ شكت من طولة غيابك

ابيات من قصيده للشاعره

الاصيلة بنت ابوها

[النجلاء]

جـــيــــت كـــلــــي لـيــتــنــي مــاجــيـــت كــــلــــي

لـيــتــنــي وقـــفــــت أطــــالــــع مــــــــن بــعـــيـــد



وش حصل لي من طريقي وش حصللّي؟



غــيـــر حــيـــره بـــيـــن أريــــــد ومــــــا أريــــــد



بــيـــن ثــقـــل خْــطـــاي والــصــبــر الـمـمــلــي



وبـــيــــن نـــــــار الــبــعـــد والــقــلـــب الـعــنــيــد



والــخــيــال الـــلــــي تـبَــعــنــي مـــثــــل ظـــلــــي



واحــتــكــر فـــكـــري بـــســـورٍ مـــــــن حـــديــــد



مـــــــــرةٍ يــــشـــــرق ســـمـــايــــه وأســفــهـــلـــي



ومــــــــرةٍ يــــبــــدأ شــقـــايـــه مـــــــــن جــــديـــــد



يـانـســيــم الــلــيــل ســـولـــف لــــــي وقــلــلـــي



واحـــقــــن الــمــطــلــوب مــــــــع دم الــــوريــــد



يــاعـــســـى الـتـفــكــيــر والـــحـــيـــره تــــولـــــي



ويـــاعـــســـى بــــكـــــره ومـــابـــعـــده ســـعـــيـــد



ودي أمـــســــح مـاكـتـبــتــه فـــــــي ســجـــلـــي



وآخـــــذ الـــلـــي رااح مــــــع ســــــاع الــبــريــد



وأطــــوي أوراقـــــي عــقـــب مـاجــيــت كــلـــي



وأتـــعـــلــــم مـــــــــــن خـــطــــايــــه وأســتـــفـــيـــد


الشـــآآآآعره

شـــآآآآعــرة نـجـد

[النجلاء]

قهرتيني الله يقهرك عن بنات الحور
مثل ماقهرتيني عن الصدر لاضمّه





قصيده قديمه حرّكت في الضّمير شعور
وصارت جروح القلب ماهيب ملتمّه




يقولون لي ماجور من وين انا ماجور؟
بعد راح ظني يخطي الدرب ويخمّه





وانا اللي من اوّل شوري اللي عليه الشّور
وبعد ماعشقته طاح من عالي القمّه




بعد كنت باني له بوسط الضمير قصور
وكنت احسب ان حبّي معه يجري بدمّه





وحلم المحبّه راح من خاطري معذور
عذرته بعد شفت الغرابيل من يمّه





صبرنا وطال الصبر والأعظم المستور
ياكبر القهر عيّا على الصّدر لااضمّه


ابيات من قصيده لشاعر
بندر بن ربيعان

[النجلاء]

كنت احسب انّك عن جميع العرب غيـر
ليـن اكتشفـت اللـي خفـى مــن ملامـحـك
والــيــوم مــــا بــاقــي لــــك أيّــــات تـقـديــر
لأنّـنــي مـــن قـبــل غـلـطـتـك ، نـاصـحــك
لــــن كــــان خـانـتــك الـجُـمــل والـتـعـابـيـر
ومـا عــاد تــدري ويــن تلـقـى مصالـحـك؟
رح عني .. الله .. يكتب اللي به الخير
مـانــيــب لا شــامـــت ولانــيـــب مــادحـــك
تـــــراي مـــؤمـــن بـالـقــضــاء والـمـقــاديــر
وخــســارتــي فـــــــدوه لــتــالـــي مــرابــحـــك
لــكـــن لــيـــا لاحـظـتـنــي حـــــزّة اعـصــيــر
ارجــــوك لا تــاقــف وتــدعـــس مـكـابـحــك
لاعــــاد يــطــري لـــــك بـشــوفــي تـفـاكـيــر
دار الــزمــان و روح مــانــي مـسـامـحـك!
مـــادام حـبـلـك طـــاح فـــي جــمّــة الـبـيــر
لا انــتـــه بـخـاسـرنــي ولانــيـــب رابـــحـــك

ابيات من قصيده لشاعر
عبدالله بن طلال

[النجلاء]

بــــان الـجـفــا والــحـــب بـــــان إنــدثـــاره
مانالنـي عـقـب الـوصـل غـيـر هـجـران
يــاعــونـــت الله تـحـسـبـنـهــا شــــطــــاره
عـقـب الـمـوده صــرت جـاحــد وخـــوان
مــاعــادبــي والـــشــــوق قـــفــــا نـــهــــاره
ساحت معاني الشوق في قلب تعبـان
حــتـــى الـشــعــر مـابــيــه جــعــلــه وداره
مـعـادلـي فـــي بـــدع الأشـعــار سـلــوان
أمــــا يـجــيــك الــقـــاف يـنــطــق وقـــــاره
والا بـلاش الشعـر مــن غـيـر وجــدان
حــتـــى الــغـــرام إلــلـــي تــعــنــت قــــــراره
مابيـه لــو ليـلـي عـلـى ألـكـوع سـهـران
مـشـكـاي لله فـــي الـحـشـا شـــب نــــاره
جدد جروحي وانصهر صوت الألحان
وهـــــذا الأمـــــل قــفـــا وغـــيـــر مـــســـاره
ولاني على بعـده مـن الشـوق ولهـان
والــقــلــب دوت صــرخــتـــه وانــكــســـاره
طفـت اشموعـه وبـتـدى لـيـل الأحــزان
يـاقـلـب وان حـسـيــت بــعــض الــمــراره
خـلــك عــلــى مــلــواك والــســر كـتـمــان


ابيات من قصيده لشاعر / هزاع العاصمي

[النجلاء]

الـــــخــــــوه الـــــــــــي مــاتـــشـــيـــد عــــــلــــــى ســــــــــــاس
ودك عـــــواصـــــيــــــف الــــــــزمـــــــــان اتــــهــــدمــــهـــــا
وأيــــــامــــــك الــــــــــــي مـــاتـــبـــيـــن لــــــــــــك الــــــنــــــاس
اخــــــيــــــر مــــنــــهــــا يـــــــــــــا ابـــــــــــــن ادم عــــدمــــهـــــا
والـمـجـلــس الــــــي مــايــجــي فـــيـــه مـــجـــلاس
ربـــع(ن)ســــوالــــفــــهــــم مـــــــــعــــــــــك تـــحــــتــــرمــــهــــا
خــــلـــــه لــــيـــــا جـــــــــا فــــيـــــه واشــــــــــي وبــــــــــلاس
مــــالــــك بــــنــــاس(ن) طــيــبــهــا فــــــــي لــحــمــهـــا
ســج الـقـدم و انصـحـك لا تـرخــي الـــراس
الــــــــــــرازق الــــــــــــي جــــابــــهــــا مـــــــــــــن عــــدمــــهـــــا
وبعـض العـرب لا يعجبـك بـشـت ولـبـاس
مـــــاهــــــو بــــكــــفــــو الــــــــــــي اتــــــســــــرح غـــنـــمـــهـــا
وانصحك عن عذراً تجيب الك الافلاس
فـــــــــــي غــيـــبـــتـــك لـــلــــعــــود يـــقــــشــــر نـــســـمـــهـــا
لـلـبــاب عــــن ضـيـفــك تــحــط الــــف تــربـــاس
تــــخــــاف تــنـــقـــص لــقـــمـــة(ن) مــــــــن لــقــمــهــا
والـــجـــار لاتــنــســاه فــــــي ضـــيـــق الاتـــعـــاس
جــمــيـــلـــة(ن)تـــرفـــعـــك مـــــــــعــــــــــه اغــــتــــنــــمــــهــــا
وصــل القـرابـه لــو بـهــم بـعــض الانـجــاس
ابـــــــن الــمــواصـــل لـــــــو بـــهــــم مــــــــن هــدمـــهـــا
وســجـــد تـــــرى الـمـعـبــود قــطـــاف الانــفـــاس
عــــنــــده نــعـــيـــم ونـــــــــار(ن) انــــتـــــه وضـــمـــهـــا


ابيات من قصيده لشاعر / محمد الروقي

[النجلاء]

لاتحسب أنـك تغيـب شـوي عـن بالـي
تـراك فـي كـل بـادي صبـح تـطـري لــي




أذكــــرك فــــي لــمــة الـعـربــان ولـحـالــي
مدري وش أنته بعد عرفك مسوي لي



سحرنـي الـرمـش مــدري حـبـة الخـالـي
ولاثــمـــانٍ تـــحـــت جـــمـــر الـمـعـامـيـلـي



ولا بــعــيــن أشـــقـــرٍ فــــــي مـاكـرٍعــالــي
مـسـتــوحــشٍ مــاتــدهــواء بالـمـحـابـيـلـي



ولاأســودٍ فــوق خـصـر مضـمـره مـالــي
ولابــــصـــــدرٍ كــبــرحــجـــم الـفـنــاجــيــلــي



عـرضـتـنـي للـتـهـالـك والــخــلا الـخـالــي
وأنت تعرف بالصراحه ويش تعني لي



قطـعـت حـبـل المـواصـل يـابــري حـالــي
وأنـــــا تـمـسـكــت بـحــبــال الـمـواصـيـلـي



تــصــد عــنـــي وتـنــشــد مــيـــن قـتــالــي
وتـنـام ليـلـك وأنـــا الـلــي سـاهــرٍ لـيـلـي




ابيات من قصيده لشاعر / محمد الغنامي

[النجلاء]

الوقت جايـر والعيـون الحزينـه=سالت مدامعها على خـد مشتـاق
وقلـبٍ فقـد غاليـه ربـي يعينـه=فـي داخلـه نـارٍ توقـد وحـراق
يسري مع الونـات زايـد ونينـه=ونين ساطي فـي محانيـه دفـاق
تفـرق الخـلان وبيـح كنيـنـه=خطير قلبي ياعرب صـار منعـاق
يذكـر زمـانٍ لـه تعـدت سنينـه=ايام حلـوه مابهـا جـور وفـراق
تكفـون يالخـلان موجـع حنينـه=من عقبكم دنيـاي ماعـاد تنطـاق
الليـل ينبشلـي جـروحٍ دفيـنـه=والهم طاولني إلى حـد الاشـراق
جرحي عميق وبعضكـم عارفينـه=واللي فقد غاليـه للحيـن مافـاق
طبـع الليالـي بالمفـارق عوينـه=الله حسيب الوقـت ياكثـر مابـاق
المـوت حـق وكلـنـا ذايقيـنـه=مؤمن ولكن ويش اسـوي بخفـاق
يالله يالـلـي كلـنـا مرتجيـنـه=تلطف بعبدٍ من عناء الوقت مـاراق
ورحماك ربـي كـل وقـتٍ تزينـه=وتجبر بدمعه من عناء الوقت تنراق
وارفق بقلبٍ هيضـه دمـع عينـه=في داخله جفت اغصونه والاوراق



الشاعر / هزآع العاصمي

[النجلاء]

مــرّت سـنـه والقـلـب (مِـحْـرِمْ وصَـايـم)
يِـخـيـلْ بَـــرْقْ الـوصــل حـولِــك ويــمّــكْ
أحــيــان جــــوّه عَــــجّ واحــيــان غــايـــم
وحـاديــه وقـتــه عــــن مــواريــد جــمّــكْ
مـيّــت عـلــى شــوفــك ومــغــرم وهــايــم
ودّه بــقــربــك ، و إيـتـمــنّــى يــضــمّــك
وإن طـعـتـنــي دامـــــه يـــــردّ الـنـســايــم
(إلحق عليه) ان كان وضعـه يهمـكْ؟
مــا عــاد يسـمـع فـيــك نـاصــح ولايِـــم
اهـــــل الـــــدوادي و الــكـــلامْ الـمـنَــمّــكْ
انــــا و عــذّالـــي مـــــا غــيـــر إنـتــزايــم
ولا أسمـح لأحــد منـهـم بكلـمـه يـذمّـكْ
وان قـلــت دلّــونــي عــلــى حــــلّ دايــــم
قالوا لي: (إنسه والعوض بنت عمّكْ)
مـتـى عـلــى الله يـصـبـح الـحــظ قـايــم
بــقـــدرة كــريـــم انــــــه عــلــيّــه يــلــمّــكْ
بأمـره .. يسوقـك مـن يسـوق الغمايـم
مــن بـعـد مانـبـدي عـلـى أبــوك وأمّـــكْ
بالمـال , وإن عيّـوا , حَذفْـنـا العَمـايـم
تـجــي مـعــي لازمـــك بــأطــراف كِــمّــكْ
نــفـــرح بـجـمـعــة شـمـلـنــا و إنـتــلايــم
وننـسـى الـعــذاب وكـــل هـمّــي وهـمّــك
كنّـي بيـوم (النصْـرْ) وأنــت (الغنـايـم)
لاصِـرت فـي بيـتـي .. بلحْـمِـك ودمّــك


قصيده لشاعر / عبدآلله بن طلال

[مرهف الاحساس]

رووووووووووووووووووووووووعه يا النجلاء


صح لسان شاعرها وسلم لنا الذوووق الراقي

[النجلاء]

الــمــقــاصـــيـــد شــــــــــــدة والــــــحــــــروف ابــــجــــديــــة
مــــــن يـــفـــك الــطــلاســم قــــــدم راع الــطــلاســم
جــبــتــهـــا مـــــــــن هـــجـــوســــي بـــيـــنــــه ومــخــفـــيـــه
ويـــــش بــيـــن الــمـــوده والــحـــزن مــــــن قـــواســـم
لا تـقـولــون وشــهـــي كــيـــف صـــــارت كــذيـــه
الـــبـــلا لا غــــــدا تــرجــيــح الاهـــــــداف حـــاســــم
لاطــمــعـــبـــي ونــــــــــا نـــفـــســــي عـــــزيـــــزه عـــلــــيــــه
والطروب الكذوب مع اقشر الوقت راسم
وده انـــــي لــــــه انــــــزل عــــــن شــــــداد الـمـطــيــه
وصـبـح المـاطـر الــي فـــي جـمـيـع الـمـواسـم
قــــــــال ابــيـــهـــا تــصـــيـــر الـــقـــصـــه الــســرمــديـــه
تــنــشـــهـــر لا كـــتــــبــــت احـــداثــــهــــا بــالـــمـــراســـم
مـــــادرا انــــــي مــــــن الــــــي يـحـتــمــون الـحـمــيــه
مـــاطــــري لـــــــو تـــعــــدا وادي الــصــبـــر يــــاســــم
دام رجــلــي مــــع الـــــوارد عــلـــى جـــــال طــيـــه
مـاعـلـيــه ولــــــو هــبــهــب مــــــن الـــنـــاس نـــاســـم
ودام ضــــلــــع الــرغـــامـــه مــايـــلـــن مــــنــــه فــــيــــه
كيـف يقعـد عـلـى صــدري مــن الـهـم عـاسـم
افــهـــمـــوهـــا مـــــــــــن الــــــــــــي مــــايــــكــــدر خــــــويــــــه
شـابـع(ن)مــن ذراعــــه مــارجــا خــيــر جــاســـم
مــــا الـتـفــت يــــم جــــاره لــجــل شـــــوف الـبـنـيــه
الــــنــــقـــــا والــــطــــهـــــاره بـــالـــضــــلــــوع امـــتـــقــــاســــم
ابــــــــــــــدوي(ن) تـــــــهـــــــزه طـــــبـــــخـــــة الـــشــــاذلــــيــــه
بـــيــــن ربــــــــع(ن) تــــدســــم بــالــعــلــوم الــمـــداســـم


الشاعر / محمد الروقي

[النجلاء]

ليدتني طير لو ضاقت كفخـت الجنـاح
ادرج الـــحـــوم وكـــفـــخ بــالــهــواء ســبــقـــي
لين اشوف الزمان الي من العين طاح
انــدثـــر مـــــن هــجــوســي مـابـقــالــه بـــقـــي
اتـــتـــبـــع بــعــيـــنـــي بــــــــــارق شــــــــــرق لاح
وجـــلـــي الـــهـــم عـــنـــي والــعــنـــا ورهـــقــــي
كـــــل مــاهـــب نـســنــاس تـبــعــت الـــريـــاح
بـيـنـي وبــيــن صـلـفــات الـهـبــوب سـبـقــي
فـــي طـــولا الـهـضـاب الـزامـيـات الـمــراح
وحـــمـــد الله وشـــكـــر كــــــان راح زهـــقــــي
قلتها يـوم صـدري مـن عنـا الوقـت فـاح
والـــمـــعـــزي يـــــعـــــزي فـــالـــغــــرام الـــنـــقــــي
مــات بــس المغـنـي ياحـمـد مـــا اسـتــراح
محـرق لجـل ابـا ارضـي كـل يـوم ورقـي

الشاعر / محمد الروقي

[عبدالله بن طلال]

بيض الله وجهك يا نجلاء

ودمتي نبراس للذوق الرفيع

[النجلاء]

الــبــارحـــه بـــالــــراس مـــثــــل الــشــقــايــق
واغـمــض عـيـونــي ابــــا الــنــوم وافــــوق
بـيـنــي وبــيــن الـعــيــن بـشــتــي شــلايـــق
مــــن تلتـلـتـنـا لــــه غـــــدا كــلـــه شــقـــوق
ابـــــي الــدفـــا والــعــيــن تــبــغــى اتـــوايـــق
وليـلـي ســرى مـابـيَّـن لصـبـحـه اشـــروق
وقــافــك بــثــوب الـهـجــس فــتَّــح بـنــايــق
بعـد كسـد سـوق الشـعـر فــك لــه ســوق
وابــــــــي مــجـــاراتـــه ولانــــيـــــب طــــايـــــق
مجـهـول يطـمـح فـــي مـجــارات مـرمــوق
ياسـعـيـد مـعـهـم مـــا بـقــي لــــي عــلايــق
الا ان حـــبـــه تـــارســــن كـــــــل مــعــلـــوق
دقــــــات قــلــبــي مـــنـــه تـــاقـــف دقـــايــــق
ليـا طـروا لـي وارجـف الصـدر مـن فـوق
مــــن خــوفــي انـفـاســي اتــــروح دفــايـــق
والــف فــي ذرع(ن)مــن الـخـام مـطــروق
عــلــوم الـغـوانــي يــابــو تــركـــي وهــايـــق
سـمـن بـعـسـل لـكــن بـــه الـســم مـدفــوق
والسـيـل لاانـحـى مــا احــدن لـــه بـحـايـق
وما اقفى به امس اليوم ماهو بملحوق
لـــو ســقــت خـمـسـيـن لــقــوات وحـقـايــق
وخمسـيـن خلـفـه سقتـهـا لجـلـهـا ســـوق
يـــا جــعــل مــالــك يــابــو تــركــي عــوايــق
وفــيـــت مـــــا هـفــيــت يـــاراعـــي الـــنـــوق
تـرفــع لــــك الـبـيـضـا بــــروس الـشـهـايـق
لبنيوس بـارض الطيبـات اصـل وعـروق
وتــــمــــت ولاظــنـــيـــت تــبـــغـــى لــحـــايـــق
صدى لصوت سعيد من راس ابن روق


الشاعر / ناصر الهواوي

[هزاع محمدالعاصمي]

رائعه النجلاء ماقصرتي وتروين الذائقة بلا شك
من خلال ماقدمتيه وتقدمينه مررت من هنا لتسجيل اعجابي هنا

اجمل وارق تحية

[النجلاء]

شعرائنا المميزين
عبدالله بن طلال
وجهك ابيض وهذه من ذوقك ولطفك لاعدمناك
هزاع العاصمي
الروعه تكمن في زيارتك الفاخر
تقديري لكم
النجلاء

[النجلاء]

فــــــك الـــرمـــوز ورد لــــــي مـافـهـمـتــه
وبالهـون لاترسـل جوابـك علـى طــول
حرفـي علـى صــدر السحـابـه رسمـتـه
مسترسلـه وأنطـر مـن اللـيـل مـرسـول
مـابـحـت لـــك مــاجــاا ربــــع ماكـتـمـتـه
فوق المشاعر حارس الامن مسؤول
والـلــي وصـل,بـيـنـي وبـيـنــك قـسـمـتـه
قسمة صريحه,لاحكت تصـدق القـول
جـانــي مـبـاشـر عـ.الـهــواا واستلـمـتـه
ومـــازاال صـنـدوقـه مـعـطّــل ومـقـفــول
ضـيّــعــت مـفـتـاحــه وأنـــــا مـاوسـمــتــه
حــتــى الاثـر,مـاشـفـت جـــــرّة ولازول,
بــاقــي مــعــي خــــط الـقـلــم لاعـدمــتــه
يروي عرووقي لو من الحول للحول
وأنـخـاه لـــو تـفــرض مـآسـيـه صـمـتـه
واستمطـره لــو هــو مشـفّـر ومجـهـول
مـــدري ظلـمـنـي الــحــس,والا ظـلـمـتـه
مستعجبـه,وان قلـت معقـول معـقـول!



الشاعره / شاعرة نجد

[النجلاء]

الــوضـــح يـاشــيــن ضـالـمـهــا
بـــيـــن الـمــديــنــه وصـبــخــاهــا
وش ذنمـبـهـا يــــوم تـحـرمـهـا
مـــــــــن ديــــــــــرةٍ زان مـــرعـــاهــــا
الـــــــوضـــــــح ودّك تــشـــيّـــمـــهـــا
مـاهـو عـلـى السـيـد مفـلاهـا
مـــــع فـــجّـــة الـــنـــور جـهّـمــهــا
لاروّحــــت تــجــدل اخـطـاهــا
وضــــحـــــا شـــــنـــــاحٍ تــقــدّمـــهـــا
يــــــابـــــــعـــــــد والله مـــــعـــــشّـــــاهـــــا
تـــبــــي لـــهــــا نـــــــاس تـكــرمــهــا
تمشي على كيف مشهاها
فــي فيـضـةٍ نـبـت خمخمـهـا
مــتـــشـــابـــك ونــــــاقــــــعٍ مــــــاهــــــا
هــذا هـــوا الـوضــح وفهـمـهـا
والــــحـــــال والــــمـــــال يـــفـــداهـــا
بـــه نــــاس تــرمــي عمـايـمـهـا
تشـوش بالـعـرض لرضـاهـا
احـــبّـــهـــا حــــيـــــل واحــشــمـــهـــا
لــــــوكــــــان مــــــانـــــــي بــــويّــــاهـــــا
والــنـــفـــس مــــانـــــي بــلايــمــهـــا
حـــــــب الـمـغــاتــيــر يــشــعــاهــا

الشاعر / مساعد الجليدي

[النجلاء]

يا(بـلـبـل) الـغـصــن الـمـدلــدل فــــي مـتـاهــات الــظــلام
قـــــل (لـلـكـنــاري) يـسـتـبـيـح الــســـرّ بـالـلـيــل الـبـهــيــم
قــل لــه قـبـل يـشـرق شـعـاع الـصـبـح ويـبـيـح الـكــلام
اصــــدح بـصــوتــك لاتــخـــاف ولا تُــضـــام ولا تِـضــيــم
اعــــــزف بــصــوتــك يـالـكــنــاري لـلـلـخــيــال ولــلــحـــلام
يـمـكـن تـلاقــي خــيــر والـخـالــق عــلــى خـلـقــه عـلـيــم
و خلّ المساء للدوح ..و الورقاء .. ومجروح الحمام
وخـــل الـسـهـر لـلـنّـاي.. والـرقّـاصـه ..وعـبــد الـحـلـيـم
وتـعــال يـــا البـلـبـل وتلـقـانـا ..عــلــى احــســن مــايــرام
(حــنــا مُــلــوك الــجـــوّ) فـالــجــوّ الـطـبـيـعـي والـسّــديــم
مـــا نسـتـظـل الـــرّاك ..ولاّ فــيّــة اغــصــون الـبـشــام..
مقـيـالـنـا روس الــرجــوم .. وقـصـدنــا بـــــاب الـكــريــم
نــمـــوت جـــــوع ولا نــدغـــدغ رغــبـــة الــنـــاس الـلــئــام
ونشـبـع بِـشَـمّ إخشومـنـا .. لــو مـانـذوق الاّ النسـيـم!
جنحـانـنـا بــيــن الـجـبــال .. وروســنــا فــــوق الـغـمــام
وغايـاتـنـا فــــوق الـلـحــون .. وفــــوق تــرديــد الـرنـيــم
فيـنـا اللاصـالـه راسـخـه مـــن قـبــل حـــام وقـبــل ســـام
ومــن قـبـل ربّـــي مـــا يـطّـلـع مـــن ضُـلــوع آدم حـريــم
ودامـــــــك مـــــــدرّس يـالــكــنــاري لاتــــلــــوم ولا تــــــــلام
درّس لـحـونـك يـــا عـذيــب الـصــوت لـلـطـيـر الـغـشـيـم
لاتـفـرض الحـونـك حـسـب عـرفـك عـلـى عـالــي مـقــام
و( إخفـض جناحـك )يـا طُـوَيْـر الـحـب دام انّــه سلـيـم
,
’
الشاعر / عبدآلله بن طلال

[النجلاء]

قــالــو مــدحــت وقــلــت يــازيــن الاشــعـــار
لاصار ف اهل الطيب والعرف والكار
الــمــدح ف الـطـيــب يـنــومــس قـصــيــدي
ونــــا عــلــي انــقــا هــــل الـطــيــب وخــتـــار
الـمــدح فــــي مــــن لاق مــدحــه نـوامـيــس
اقــولـــهـــا مــــــــن راس مــاجــاتــلـــي شـــــــــار
بـــس الـعـلـوم الـيــوم غــيــر امــــس يــاقــوم
مدح ام ردف{ن} ماكست قومهـا العـار
مــــــــن عــــــــزوة يــــاحــــي هــــــــاك الـقـبــيــلــه
لاحـــك عـــود {ن} عـــود وشـتـبـت الــنــار
بــنــت الـكـبـيـر الــــي يــعـــرف الـمـواجـيــب
راع الــــــدلا ل الــصــفــر والـــبـــن وبـــهـــار
حــلــحــيــل حـــــــــلال الـــعـــقـــد والــنــشــايـــب
لا صعـبـت الصـعـبـات والـعـاقـل احـتــار
والـــحـــر مــــــن وكـــــــره تــطــيـــر الــحــرايـــر
اقــولــهــا عـــــــن عـــــــرف مـــانــــي بـــهــــذار
يــاجـــاهـــل فــيـــهـــا تـــســـمـــع وش اقـــــــــول
ون كــــــان مــاوفــيـــت فــالــمـــدح مـــعــــذار
انـــــــــا اشـــهـــدنـــك فــالــمــواقــيــف رجــــــــــال
يــابــنـــت يــــالــــي لــــــــك مــــعــــزه ومــــقــــدار
لـيــتــك كـسـبـتــي مـــــن بـعـضـهــم عــمــايــم
يـــوم انــهــا فــــوق الـبـعــض مـابـهــا خــــار
لـــكـــن فــعــلـــك مـــــــن فـــعــــول الـنــشــامــاء
ونــتــي مـــــع الـخــفــرات مـمـلـوحــة الـــــدار
مـاقـلـتـهـا لـــــي فــيـــك بـــعـــض الـمـطــامــع
لـكــن اقـــول الـمــدح فـــي مـوقــف صــــار
تـكـفـيـن كـــــان الــمـــدح مــاشـــاش راســـــك
بعض البيوت اطـول ولـك انتـي قصـار
’
’
الشاعر / محمد الروقي

[النجلاء]

ثار ..! بركان المشاعـر يوم قابلت الحنان
والحمم نار ٍ بصدري انصهر منها الشعور
.
وأصهلت خيل القصايد ، والنظم للقاف زان
وابتدت في ساحة المعنى رحا أشعاري تدور
.
قلت ياريم الفلا ، في مدحك ، إن جاد البيان
فالمحاسن مع خصالك ، ما تكفيّها السطور
.
فيك .! ميزات ٍ تنافس ، لابسات الكهرمان
والتواضع بك تمّثـل ، في غيابك والحضور
.
وفيك شارات لملاك ٍ ساكنة بأعلى الجنان
والكِبِر حاشاك عن دربه وعن مشي السفور
.
نظرتك معنى الرضاء لوما نطقتي باللسان
وبسمتك ، نفحة أمل ، للي فقد طعم السرور
.
لو تكرّمتي .! وكفـّك صافحـت كف الزمان
انقطع طوق الليالي ، وانتثر، عقد ، الشهور
.
وانحنت لك ، هامة .! العزة ، بكل الامتنان
وأشرقت شمسك وأظلم عقب نورك كل نور
.
خطوة أقدامك إذا داست ،على جدب المكان
تنبت .! آثار القدم ، من عقبها ورد وزهور
.
والرزانة في سماء طبعك ، تحلـّق .! باتزان
وتنثر ، مزون المحبة ،، نوّها ، رشّة عطور
.
أنتي للعمر الأمل ،، لو ما وصل ، برّ الأمان
وأنتي له طوق النجاة إذا غرق وسط البحور
.
ما حد ٍ غيرك .! بها لدنيا ، لها الخـّفاق لان
دربي ودربك سوا ، إذا انقطع ، جسرالعبور
’

’
الشاعر / محمد ابن عمار

[النجلاء]

دخـيـل عيـونـك الـسـودي,فـلا تـذبــح نـديــم الـجــود
دخـيــلــك يـابــعــد روحــه,تـــرا مـســاعــد عــلـــى بــالـــه
يسج الرجل ويرودي,على شانك غظيظ العود
يـــــمــــــر الـــــعــــــرق والـدوحــه,مــداهــيــلــك ومــــدهــــالــــه
خــيــالــك دوم مــاجــودي,يــروح بـلـحـظــتــه ويـــعــــود
يــحـــن الـقــلــب وش نـوحـه,حـنـيـن الـــعـــود لـعـيــالــه
يــمــيـــن الله وشـــهــــودي,اذا هـــبّــــة هـــبــــوب الـــنــــود
مـــشـــاعـــر فــــيـــــك مـشـفـوحـه,وقـلــبــي زاد غـــربـــالــــه
نــديــمــك جــــــاك مــحــدودي,ولابــه يــالــغــلا مــنــقــود
عسـاك تعالـج جروحه,بكـحـل الـرمـش وضـلالـه
عــقـــب فــرقـــاك ولـهـودي,عـلـيّـه كـــــل يـــــوم تــــــزود
رسـمـتــك بـاالـهــوا لوحـه,وغـصـنـن صــــب شــلاّلــه
هـواي وســاس مقصودي,قبـالـك واشـقـرٍ مـرجـود
تـــفـــلّــــه فــــــــــل وتــلــوحــه,عــلــى عـــنـــقــــك وســلــســـالـــه
,
,
الشاعر / مساعد الجليدي
نديم الجود

[النجلاء]

الشعـر كـلـه تلبـيـة صــوت داعــي
ومعناه شرح لمختلج صدر راعيه
رصيد هجس ويصرفه فكر واعـي
على القلم بلسانـه الفصـح يمليـه
ملـقـوف تـاتــي مـفــردات سـواعــي
يــــم الـخــفــوق بـذكــريــاتٍ تـبـكـيــه
تدعي مواته داخـل الصـدر ياعـي
جــــرحٍ يـسـمـنـه وجـــــرحٍ اتــداويـــه
تـزيـد باسـقـام الـقـلـوب الـوجـاعـي
وكــلٍ يـبــوح بـكــل مـاكــان يخـفـيـه
مـــرات يـاتــن للـمـصـايـب نــواعــي
يمـدن علـى الدالـه ولاعـاد يمـديـه
اطول منه خطوه وصمله وباعـي
لـومــد للمستـقـبـل الــواعــد ايــديــه
لهن بروض الشوق دايـم مراعـي
وشعـيـب يـاوجـداه يـرعــن مفـالـيـه
وللحزن تشعاهن صدورٍ وساعي
بـس الفـرح مــا يستحـبـن مراعـيـه
لـلـذم ملهمـهـن كــذوب وشجـاعـي
ويـحـط بالمـذمـوم مــالا وجــد فـيـه
وشيطانهـن للمـدح سيـد مطـاعـي
يــغــر مـمـدوحــه وتـكـبــر هـقـاويــه
’
الشاعر ناصر الهواوي

[النجلاء]

كـل ماغنـت علـى خضـر الـورق قمـريـه
نقـضـت كــل الـجـروح المـرمـسـه بغـنـاهـا
قـمـت اجاوبـهـا وفـكـري يضـرسـن رحـيــه
وتــذرف الـعـيـن الشـقـيـه يامـحـمـد مـاهــا
مـن سبايـب عنـق ريـمٍ شفتـهـا عصـريـه
يـوم مـرت مسرعـه ثـم قـصـرت فـخطـاهـا
شــالــت الـغـطــوه ولــــدت يـامـحـمـد فــيـــه
نظرتٍ من عينها الخرساء عجت اقواها
رمـشـهـا مـثــل الـرمــاح مسـمـمـه مـبـريـه
لـو تطـب بحـرب مايحصـى عـدد قتـلاهـا
مـاتـقــلــد بـــالــــف تــركــيـــه ولا ســـوريــــه
الله الـلــي بـالـجـمـال الـيـوسـفـي غـطـاهــا
بنت شيخٍ ٍفرق عن هـذي وعـن هذيـه
مهـرةٍ حتـى الـثـراء شـفـقٍ عـلـى ماطـاهـا
مـن سلايـل روس قــومٍ يحتـمـون الهـيـه
لابــةٍ يـفـرح بـهـا المضـلـوم لامــن جـاهــا
محتـمـيـن حـدودهــم بالـشـلـف والـهـنـديـه
ويدفون الروح دون الوضح في مفلاهـا
والـبـيــوت مـشـرعــه والــنــار دايــــم حــيــه
والضيـوف يكرمـون مـن السميـن لحاهـا
يـابــو فـيـصـل لاتـلــوم الـقـلـب فـالـروقـيـه
دام قـلـبــي تـلـتــه مـعـهــا عــســاه فــداهــا
’
الشاعر / محمد الغنامي

[مساعد الجليدي]

دكت مجاهيم الليالي حناياي = والهم مبطي مع صدودك زبنها
تارد على قلب نبض فيك باقصاي = ذودٍ من الضيقات تنصا وطنها
ترعى مفالي حدب الاضلاع برضاي = ولا صدرت قام الخفوق وحضنها
تأخذ وعد قبل انها تعلن اقفاي = لامسى علي الليل مانام عنها
وتلفي وتستدني من الهم مركاي = وتعزف على ضلوع الوجع بي لحنها
صوت الجفاء لاعانق احساسه الناي = سيطر على نبض العروق وسكنها
يسوق فنجال العنا يم يمناي = واشرب وهو طربان يامر وينها
اسج مع طيفه على طول مسراي = واشري من الضيقات وادفع ثمنها
ولاعانقت دمعة وله طارف شفاي = اذوق طعم الهم والحزن منها
وغصه نِوت تفضح على الواقع ابكاي = ساقت على محجر عيوني ضعنها
لولاي اغني وافهق الراي بالراي = ماكفكفت ضيقات صدري كفنها
متى تعود وتمتلي بك زواياي = واترك خيول الشوق تسحب رسنها
واطوي عن العد الرهاويه ارشاي = واضم شام احكايتي مع يمنها
على دروب الصبر شف جرت اخطاي = لو مرها عج البطا .. مادفنها !!

شظايا الشمس

[النجلاء]

يـاسـيـفـنـا الـمـســلــول .. والــشــعــب سَـــلّـــه
تــقــطـــر شـفــايــاهــا ب لـــــــون الـمـعــالــيــق
سـلــمــان يـالـحـاكــم تــــــرى الــشــعــب كِـــلّـــه
بـايـعــك .. والـبـيـعـه عــلــى راســـــك إتـلــيــق
حــــنّــــا فـــــــــدا رُوس الــــرجـــــوم الــمِــطــلّـــه
وحنّا الفياض .. وراسك اطـول مـن إطويـق
إنــهـــج بـشـعـبــك عـــــن ظــــــروف الــمــذلّــه
تــــراك عــقــب الله .. تــبــا تــفـــرج الـضــيــق
الــــــــدار صــــــــار بــــهــــا ثــلاثـــيـــن مِــــلّـــــه
و روس النـخـل بـاضــت عـلاهــا الغـرانـيـق!
والله مـــانـــبـــغــــى مــــــواتـــــــر و فـــــــلِّـــــــه..
نبـغـى الامــان وذِكـــر ..ربـــي عـلــى الـريــق
و إن كـــان فـــي بـعــض المـجـالـيـس شِــلّــه
يابو فهد .. في يدك (الاجرب) مع (الميق)
فــــــي حــــــرزك الاجــــــرب وتـــقـــدر تــسِــلـــه
وتـحــت امـــرك (الـمـيـراج) يـابــن المطـالـيـق
وحـــنّــــا جـــنــــودك والــعــهـــد مـــــــا نِــحـــلّـــه
و بيـعـتـك .. تـبـقــى مــــن كــبــار الـمـواثـيـق
’
,
الشاعر / عبدالله بن طلال

[النجلاء]

يـا صاحبـي كـل بــاب (ن) و إلــه مـزلاجـه
لا تـقـفـل ابــــواب وصــلــي لــــك ومــيــرادي
و انــا عـنــادك صـحـيـح احـيــان محـتـاجـه
مــا بـيـن جِــدّك و مـزحـك يـعـزف الـشـادي
و مـيـزة عـنـادك لـيـا عـانــدت فـــي حـاجــه
تحـصـل عـلـى مـــرادك و تمنـعـنـي مـــرادي
و قــدرت تسـطـي عـلـى فـكــري ومنـهـاجـه
لـــو مـنـهـج الــجــد ســــردادي و مــــردادي
و مـا ابـيـك تـزعـل وطـرفـك تعـقـد حجـاجـه
سـلـهـام طـرفــك يـصـيــب ويُــفــرِح فــــوادي
قـــل لـيــه بـلـسـم جـروحــي تـقـفـل ادراجـــه
و تنـبـش قـديـم الـجـروح وتـجـرح جـــدادي
و الـشـوق لـــه نـــار رغـــم الـبـعـد وهـاجــه
مــع ســاري اللـيـل دق الـشــوق الأوتـــادي
و إن قلت لـي كيـف شـوق ولا بـه مواجـه
قلـت إن لـك شــوق فــي قـربـك والإبـعـادي
لـلـشـوق ذكـــرى وريـشــة رسـمــك سـراجــه
والــروح تبـقـى السفـيـره و الـصــدر نـــادي
أُمـــــرح بـنــاديــك يــــــا نــبــعــه و ثــجــاجــه
و ساقي الزروع العطاشا و اعلن اعيادي
,
,
الشاعر / كديميس السيحاني

[النجلاء]

الوقت جاير والعيون الحزينه ... سالت مدمعها على خد مشتاق
وقلب فقد غاليه ربي يعينه ....في داخله نارن توقد وحراق
يسري مع الونات زايد ونينه....ونين ساطي في محانيه دفاق
تفرق الخلان وبيح كنينه ....خطير قلبي ياعرب صار منعاق
يذكر زمانن له تعدت سنينه ...ايام حلوه مابها بعد وفراق
تكفون يالخلان موجع حنينه ...من عقبكم دنياي معاد تنطاق
الليل ينبشلي جروحن دفينه ....والهم طاولني الى حد الاشراق
جرحي عميق وبعضكم عارفينه ...واللي فقد غاليه للحين مافاق
طبع الليالي بالمفارق عوينه ...الله حسيب الوقت ياكثر ماباق
والموت حق وكلنا ذايقينه ...مؤمن ولكن ويش اسوي بخفاق
يالله ياللي كلنا مرتجينه ....تلطف بعبدن من عنا الوقت ماراق
ورحماك ربي كل وقتن تزينه ... وترفق بدمعه من عنا الوقت تراق
ورفق بقلبن هيضه دمع عينه ...في داخله جفت اغصونه والاوراق


,
,
الشاعر / هزاع العاصمي

[هزاع محمدالعاصمي]

كل الشكر النجلاء على اهتمامك وحرصك
يعطيك العافيه

[النجلاء]

الله يعافيك ياهزاع
وتستاهلون شعرائنا الغالين

[النجلاء]

خاطره علها تروق لكم




يـامـا بـراسـي يـارواسـي مــن افـكــار
ويـامـا بقـلـب مـحـدثـك مـــن طـــواري
قلقان من فقده و اهوجس ومحتار
مسـار (تـك الخلـق) صايـر اجبـاري
المنـتـظـر لـوهــو بـجـنـه عـلــى نــــار
يـقــول ابـــن قـــزلان عـنــه انـتـحـاري
صارت عقوبه لـي هالايـام الاسفـار
ليـا قلـت اقـام اليـوم لــه جــد طــاري
حفـلـة زواجـــات وتـمـشـي ومـسـيـار
وعـن مـا يجينـي منـه ماهـو بــداري
المشكله فـي صـوغ الاعـذار بيطـار
ولو ماقنعت ارضـى واسجـل اقـراري
رايـق و يخلـط لـي حـالاويـه بـامـرار
وبالصـدق لرسـوم الوفـا بــه مــواري
الوجـه بـدر النصـف والسـاق جمـار
يـســري عـلــى طـلــة مـحـيـاه ســـاري
والعين عيـن اللـي بعـد شافهـا طـار
حــر شـهـرٍ ضـــاري بـصـيـد الـحـبـار
والجيد جيد اللي سمع رمـي وانـذار
مـن شـاف زولــه قــال مـالـه امَّــاري
.........
يقول الشاعر ناصر القزلان
للعشق بعيون الهواوي مواري=صعوبة الضحكه وكثر الهواجيس
تجلس معه كنك تشوف انتحاري= ايجهز الناسف ويستاذن ابليس
.........

الشاعر ناصر الهواوي

[النجلاء]

سيف التجاهل )



تعال سولف عن اللي صار بغيابي
ووصف لي الهم وادري فيك سامرته

تعال دامك تقول ان جيت تحيا بي
وانا وجودي بدونك ماتصوووورته

تعال واقراحروف الشعر بكتابي
واقرا كلامٍ عيوني بك مسطرْته

الشعر لامن كتبتك جابك اسهابي
ويشح عن وصف غيرك يوم دورته

اقْبل و شرّع لحبك يالغلا بابي
يامالك اول شعوري ... تملك آخرته

انت الغلا وانت كل الناس واحبابي
وانت الهناء كان(تبغى العلم ) وثمرته

ربحت قلبك فداك الكون واتعابي
ويكفيك قلب بصدق الحب عمرته

غلاك لو هو مع الصده تردى بي
طبع الوفا بي جبله ،،، ماتخيرته

شمل المشاعر بهجرك صارت احزابي
و(مكابري) جاء(يسولف )بس تعذرته

يرضيك صدك طوال الليل يهزأ بي
والخاطر اللي عشق طاريك كدرته

قمت اتظاهر معك في برد الاعصابي
يومن سيف التجاهل يدك مشهرته

لبست صمتي ولكن قدّ جلبابي
شوقٍ عليه الله اكبر ماتحاقرته

ماغيرك احد ظفر ياهيه باعجابي
واعجاب غيرك ترى ماني مدورته

مابي اسكر عن رياح الغلا بابي
بمتد في خافقٍ بيدي شابرته
,
,
شظايا الشمس

[النجلاء]

الصوت بقلمي :
عبدالله بن طلال






يــابــو عـبـيــد الـبــارحــه رحـــــت لـلــمــول
ابـغـى اتقـضّـى لــي مــن الـسـوق حـاجـه
ماغار ابا اشريها وابا امشي على طول
مـــا احــــب زحــمــات الــعــرب والـلـجـاجـه
وفـجـأه وانــا مــع بـايـع العـطـر مـشـغـول
لمـحـت شــيء .. وصــار فــيّ إرتـجـاجـه
جـتـنـي تـهــادى الـريــم مـربـوعـة الـطــول
ديـمـة سـمـاء .. وانــا بـصـدري عـجـاجـه
قالت سلام .. وصرت مدري وش اقول؟
و اكـيــد طـاحــت مـــن يـديـنــي زجــاجــه!
قالـت هـذا انـت افـلان ماهـوب معـقـول؟
يالـلـصـدف !.. مـكـتــوب يــــوم انـتـواجــه
وكـلامـهــا مــغــري وخــاثــر ومـعــســول..
يــصـــبّ فـاســمــوع الـكـئـيــب انـفــراجــه..
تـقـول تـذكـرنـي ؟ وانـــا اقـــول لا احـــوّل
مـــا انـســاك .. لـكـنّــي تــركــت الـعـواجــه
فـي ذمّتـي ثنتـيـن .. واصبـحـت مسـئـول
وتـايــب و طـــرد الـحــب مــاهــب ولاجــــه
وجـانــا السـكـرتـي كـنّــه الـشـيـخ بـهـلــول
يـمـشـي وهــــو شـكـلــه مـعـقّــد إحـجـاجــه
ومشـيـت يـابــو عـبـيـد والله عـلــى طـــول
كِسَرت عطر .. وما استفدت اي حاجه!




الصدى بقلم ابو عبيد :





يامرحـبـا تـرحـيـب بـالـعـرض والـطــول
صـافـي مصـفـى حـلـو مـابـه سمـاجـه
من غيمته على الصفـا عـذب زهلـول
مـع مـاي ورد مـن المصـايـف نتـاجـه
ومن بعد ذا مانيب انا عنـك مسـؤول
وانـت عربـي لـك مــخ مانـتـه خـواجـه
الـعــام انـــا لاقـيــك بـالـمـول مــذهــول
راع الامـــن حـابـسـك داخـــل سـيـاجــه
تهـرف ليـا لـك لاح مـن بعـد شمـلـول
هاجـسـك سـاهـر مــا يـطـفـي سـراجــه
اضحك على ردك له وطـق بـي جـول
مـن هــو يـقـول انــك تـركـت العـواجـه
لوهو صحيح ان كان ما رحت للمول
لـك عقـل باطـن نـاجـه بـصـدق نـاجـه
ويبيـن مـا لهلمـت مــن فـوقـه هـمـول
يـوم اعتـرض لـك قلبـك احتـر صاجـه
وعن فزعتي لـك معـي حجـه ومدلـول
عـنــد الطـبـرانـي وعــنــد ابــــن مــاجــه
صحـيـت فــي قصـتـك غافـيـن يــازول
اشـــوف جـــا بالـفـكـر لـهــم ارتـهـاجــه
ذكـرت مـن يبلـج باشافـيـه عــن لــول
يـــذيـــب جــلــمــود الـــفـــواد انــبــلاجــه
ولا اظـن لـي فيـك انـت قـوه ولا حـول
لولـك فزعـت الصبـح جـالـك صجـاجـه

[النجلاء]

الـبـارحــه جـفــنــي عـــــن الــنـــوم مــصـــدوف
بـــيـــن الــمــرامــش مـــثــــل شـــــــوك الـــكــــداده




مــــــن واهــــــجٍ بـــيـــن الـمـعـالـيــق والـــجــــوف
عـــــــن جــــمــــره الــغـــربـــي تــطـــيّـــر رمــــــــاده




عـــلـــى ولـــيـــفٍ دونـــــــه الـــبــــاب مـــــــدروف
حـسـبــي عــلــى الــلّــي حــيّـــره عـــــن مـــــراده




ادعـــج غـنــج والـبـطـن ضــامــر ومـلـهــوف
كـــــــــن الـــغـــظــــي مـــمـــنــــوع شـــــربـــــه وزاده




عـــن جـمـلـة الـخـفـرات عـنــدي بـهــا نــــوف
عـــيــــن اشــــقــــرٍ مــــربــــوط قــــــــرّب هــــــــداده




والــعــنق عــنــق امــذيّــرٍ شــــاف لــــه شــــوف
زولٍ لـــمــــح لـــــــه بـــيــــن عـــــــرق وحــــمــــاده




وجـــدي علـيـهـا وجـــد مـــن شـيــل مـكـتـوف
واصــبــح سـجــيــن وشـــــاف ظــلـــم الأفـــــاده




صــــــدّر قــــــراره ظـــلـــم وعــيــونــه اتـــشــــوف
قـــــالـــــو قـــــصــــــاص ولـــقّــــونــــه الـــشــــهــــاده




مــومــن صـحـيــح ولادخــــل قـلـبــه الــخـــوف
والـسـيــف ضـــــك ولاظــهـــر مـــــن اغــمـــاده




وصاحت اجموع الناس طوفٍ ورا طوف
وجـــــــاه الـطــلــيــب وفـــــــك ربــــطــــة اقــــيــــاده




مـوقـف يـهـز (http://www.hwamir.com/vb/showthread.php?t=30358)اشـعـور (http://www.hwamir.com/vb/showthread.php?t=30358)مــن (http://www.hwamir.com/vb/showthread.php?t=30358)حـولــه (http://www.hwamir.com/vb/showthread.php?t=30358)اوقـــوف
الله كـــتـــب لــــــه طـــــــول عـــمــــر وســـعــــاده




الله يــجـــيـــب مــغـــيـــزل الــعـــيـــن مــــزفـــــوف
واحــــــط عـــضـــدي حــــــدر خـــــــده وســـــــاده




بـاالـســنــه الـسـمــحــه امــســاكــنٍ بــمــعــروف
ســــنّــــه بــــهــــا الــمــعــبــود حــــافـــــظ عــــبـــــاده





التوقيع مساعد الجليدي
نديم الجود

[النجلاء]

ياثـاعـلـة قـــرنٌ عــلــى الـمـتــن مــرجــود
ويــصــيــر لا هـــبـــت شـــمـــال الـلــحــافــا
اصـغـي بسمـعـك لــي تــرى مـابـه قـيــود
فـــي الـنــاس مـبـلـي والمـعـافـى مـعـافــى
واستنـشـقـي حـرفــي لــيــا هــبــت الــنــود
زفـــرة شـهـيـق الـصــدر عـقــب اعتـكـافـا
عـــــودٌ مـعــتــق زاكــيـــه ريـــحـــة الـــعـــود
يـفــوح فـــي الاســـواق لــــو مــــا يـشـافــا
غثـه سميـن وبـعـض خـلـق الله شـهـود
لــو مــاش مــن بـعـض الـعـبـاد اعـتـرافـا
اسـتـمـطـري ديــــمٌ بـــــلا بـــــرق ورعـــــود
يـــــدور حـــولـــه مــــــا لــحــقــه الـجـفــافــا
الـهـام احاسيـسـي مــن عيـونـك الـســود
تــورق بــه غـصــون السـنـيـن العـجـافـا
والطيـف يطـلـب هجـسـي الــزود ويــزود
ومــالـــت زمـالــيــق الـخــضــار انـعـطـافــا
عايشـت صمـت الليـل مـع غفـوة العـود
يـــوم الـجـنـوب عـــن المـضـاجـع تـجـافـا
وسبّـق بنـات الـريـح مــع قــوم صـاهـود
صــريــرهــن يـــرهـــب قـــلـــوب الـضـعــافــا
لـــــو راقـبـوهـنــه وابــــــو زيــــــد مـــوجـــود
مــــن صـــــد جـــــاه الأمـــــر بـالإنـصـرافــا
و ليـا انتخـن بالـعـود شـمّـر عــن زنــود
وكـمّـل فـروضـه فــي الـسـعـي والـطـوافـا
و استنـزفـن حـبـر القـلـم دم يـــا سـعــود
واســتــوقــدن نــــــار الــضــلــوع الـنـحــافــا
و الـشــط أمـــان لـزايــم الـمــوج والـطــود
لـــلـــحـــق عــــقـــــل ولــلــجــزافـــا جــــزافـــــا
يا ما غـرق مـن طـرس مـا قيـل معيـود
ويــامـــا بـــنـــات الــفــكــر قـــفّـــن عــيــافــا
ويـامـا بنـطـق الـحـق قــد قـيـل مـحـسـود
ويــــا مــــا الـحـقــوق أثــــارت الإخـتــلافــا
ويامـا علـى أمــواج البـحـر حــدد حــدود
ويـامـا نُـحـت فــوق الصـخـر نـظـم قـافـا
مبداء امتطيته و اعرف الدرب مسدود
وشــعــري هــوايــه مــــا كـتــبــت احـتــرافــا
قـلـبـي وسـمـعـي والـبـصـر كـلـهـا جـنــود
لـرصــد الـحــدث ومـتـابـعـة مــــا يـضـافــا
ويـفــور دم , ومــــا وجــــد مِــنّــه يــجــود
و لـلــنــص تـنـسـيــق الـنــمــط والـتـفــافــا
و انـا اعتـرف ماجابـن الـزرع محصـود
وبــنــات فــكــري مــــع حــروفــي تـصـافــا
ولا جـرهــدن فـــي مـعـركـة ضـــد نـمــرود
ولا حـــــــررن بـــصــــره وكـــابــــل ويـــافــــا
و سـيـفــي يــــراع يــفــر ويــكـــر ويــعـــود
لا يـسـتـمــع عـــــاذل ويـــرفـــض يــخــافــا




,
,,
كديميس السيحاني

[النجلاء]

عيـنـي مـعــاد تـلــد فـــي الـشــي الـقـديـم
دايــــم عــلــى الــشــي الـجــديــد مـوايــقــه
والله هـو اللـي بـس فـي حـالـي علـيـم
ســبـــحـــانـــه الـــعــــالــــم مـــــاهــــــو خـــلايــــقــــه
والـســارق الــمــزاح جــعــل امــــه عـقـيــم
شـــلــــع قـلــيــبــي صـــــــدق مـــــــن عــلايــقـــه
انــــا اشــهــد انــــه يــاعــرب ورعٍ غـشـيــم
خــلـــى الـفـيـافــي فـــــي عـيــونــي ضــايــقــه
دام استـبـاح الـدمـع مــن عـيـن اليـتـيـم
مــــــــــــاء دم شــــــريــــــان الـــيـــتـــيــــم بـــعـــايـــقــــه
والله لــو انــك شـفــت عـيـنـه ياحـكـيـم
لـتــعــرف وش مـعــنــى الـعــيــون الـبـايــقــه
مـــــع صـــغـــر ســـنـــه مـاهـقـيـتــه مـسـتـقـيــم
يــمـــوت فـــــي ذبـــــح الــنــفــوس الــرايــقــه
لــــيـــــا وقـــــــــف مـــاكـــنـــه ألا عـــــنـــــق ريــــــــــم
ولـــيــــا مـــشــــى كـــــــن الــنـــعـــال تــضــايــقــه
امسـيـت لاجسـمـي ولاعـقـلـي سـلـيـم
لانــــايـــــمـــــه عــــيـــــنـــــي ولاهــــــــــــــي فـــــايـــــقـــــه
كسر ضلوعي مثل تكسير الهشيم
وايــقــنـــت فـــــــي حــــبــــه وفــــــــي حــقــايــقــه


,
,
الشاعر محمد الغنامي

[النجلاء]

عبدالله بن طلال




يـاريــم انـــا عـدّيــت روس المـراقـيـب
ومـرقـاب خـلّـي فــي ديـــارن غـريـبـه
مـن دونهـم حاديـنـي الــدّاب والـذيـب
وتـعـبـت وأتـعـبــت الــذلــول النـجـيـبـه
احباب و أغراب وعلى منهج الطيب
رغـم ان فرقـاهـم هــي اكـبـر مصيـبـه
ياريـم مانجهـل عـن السـلـم والطّـيـب
ايـضــا ولا نـرضــى الـقـهـر والغلـيـبـه
تعـبـت وارسـلــت الـعــرب بالمطـالـيـب
وعــــادوا ولاعـيّـنــت مـعــهــم ذهـيــبــه
ولو الهوى يوخذ بروس المشاعيـب
يمـديـنـي اسـرجــت الـرّمــك للحـبـيـبـه
وقالـوا لـي إختـر فالبـنـات الرعابـيـب
إجـــزم ونـلـقـى لـــك جـمـيـلـه وأديــبــه
قـلــت اتـركـونــي مـاتـفـيـد الاطـابـيــب
مـاغـيـرهــا لـلـقـلــب يـــوجـــد طـبـيــبــه
انـــا نصـيـبـي يعـلـمـه عـالــم الـغـيــب
ابـــا انتـظـرهـا لـــو صـبــري غصـيـبـه




الشاعره / ريم الفلا




يا ابو طلال الحب ما قيل لي عيـب
و عـنــد المشـاكـيـل البـعـيـده قـريـبــه
ان مـا تعبـت اجـل سوالـفـك اكـاذيـب
ومحشوم عن درب الخطا و المعيبه
الـحـب مـــا يـرحــم طـــوال الاشـانـيـب
ولا حـن مـن تاخـذ مـن العـود طيـبـه
سلوم اهلنا ما تجي الشـك و الريـب
وحـنـا هــل الطـالـه والاريــا الصليـبـه
الظـاهـر ان المشـكـلـه ف المـنـاديـب
والا مــن ابـوهـا عـســى الله حسـيـبـه
بكـره اليـا اخذوهـا علـيـه الخطاطـيـب
قــام الـهـواوي يشتـمـت مــن نصيـبـه
لـو للزمـن يضحـك تصنـع و تركـيـب
مـا طـاح مـن عيـن المولّـع صحيـبـه
وان هابـوا اللـي يُوصِلـون المكاتيـب
صـــارت حـيـاتـه مـــن رداهـــا رتـيـبــه
اصبـر ولا لـك عــن هـواهـا مجانـيـب
لـــو تـدفــع ايـــام الـسـعــاده ضـريـبــه

[النجلاء]

رقيت امس في راس ابرق{ن} يحذب المهتاض
يــجــيـــب الـمــغــنــي لا رقــــــــاء هــــيــــض مــكــنــونــه
شـعــانــي شــمـــال الــبـــارق الــــــي لـعـيــنــي نــــــاض
لـــــــــو انـــــــــه بـــعـــيـــد الـــــبـــــدو عــــــــــادة يــخــيــلــونــه
وخـص{ن}لـيـا هـبــت هــبــوب الـجـنــوب وكــــاض
ولا حــــــال عـــج{ن}يـــدرق الـــشـــوف مــــــن دونــــــه
احـــدهـــم يـــقـــول اجـــــــزم بـــهــــا كـــــــل واد فـــــــاض
تــجــيــكـــم عـــســـوســــه عـــــقـــــب بـــــكـــــره يـــعـــدونــــه
شـعــانــي وهـــــز ضــلـــوع قـــلـــب يـــبـــا الـمـنــهــاض
يـــبــــا مـــربــــع{ن} مـــــــن غـــــــب ثـــامــــن يـعــشــونــه
لــيـــا ســرحـــت مـــــن حــيـــد ســفـــوة بـــــلا مــريـــاض
يـــكــــود الــمــســـاء الـــــــي مــــــــن تــعــبــهــا يــبــاتــونــه
عـلــى جـــال مـحـكـار{ن} تـــزل الـسـنـه مــاغــاض
بــــحـــــر لـــــــــو تـــهـــبــــد فـــــيـــــه مـــاغـــيــــرت لـــــونـــــه
ثــلاثـــيـــن حـرش{ن}لـونــهــنــه بــــيـــــاض الــــبـــــاض
تــــلافــــت لــشـــاعـــر مــولافــت{ن}عــلـــى الـــحـــونـــه
نـســن ريـحــة الـضـرمـه وطـــق الـعـصــا لـلـحــاض
وخــــــــــــــط الـــمــــقــــيــــر والـــــســـــواويـــــق وجـــــنـــــونـــــه
طـلـيـقــات مـــــن شــبـــك حــديـــد يـجــيــب امــــــراض
فــــحــــلــــهـــــا يــــــــقـــــــــادي دربــــــــهـــــــــا مــــــايــــــردونــــــه
يــقـــب الـهــديــر مـــــع الـعـشـايــر طـــــوال عــــــراض
رقــــــــــاب جـــــرايـــــد والـــخـــشــــم مـــــيـــــل عـــرجـــونــــه
انــــــــــا والـــــخـــــوي الــــــــــي مـــــخـــــاواه مــايـــنـــعـــاض
مـــطـــيــــع الــحــبـــيـــب وكـــــــــــل ربـــــعــــــه يـــــودونــــــه
مـكـامــيــل بـالـعــزبــه ولا فـــيــــه نـــقــــص اغـــــــراض
وجــيـــب مــكـــان الـســعــن فـــــي طـــــارف اركـــونـــه
حلـيـب البـكـار الــي رعــن مـــن خـضــار الـــراض
تـــــشــــــم الـــنــــفــــل مــــــــــــن در حــــــلــــــو يــحــلــبـــونـــه
ونــــــاســـــــه ولا يــطـــريـــلـــنـــا لـــلـــبــــلــــد مـــــــركـــــــاض
مـــــكــــــان جـــمــــيــــع الــــــــــــي بــــحــــالــــي يـــحـــبـــونـــه
,
,
الشاعر محمد الروقي

[النجلاء]

هـبــي علـيـنـا يـــا هــبــوب النـسـانـيـس
هـبـي عـلـي مـــن هـــم صـــدره دوابـــه
وفكـره سـري بـه وابعدتـه الهواجـيـس
والليل موحش واستضاق الفضاء به
سـهـراان يـسـبـر بالـنـجـووم الـمـراويـس
بـيـنــه وبــيــن الــنــوم حــــرب وحــرابـــه
كـنـه وري البـيـبـان ضـمــن المحـابـيـس
سجيـن واقفـي وسـط سجنـه شبـابـه
تلـخـبـطـت عــنــده جـمـيــع المـقـابـيـس
يحسـب وتالـي الوقـت ضيـع حسابـه
يسـمـع بقلـبـه مـثـل وخــز الدبـابـيـس
مــن وقـتـه الـلـي شــاف مـنــه الـغـرابـه
وقـتــن يـعــز الااش ويــطــاوع الـهـيــس
ويعصـي الكريـم الـلـي عـزيـزن جنـابـه
كـم واحـدن عـزه وعـبـي لــه الكـيـس
لـكـن حسـاافـه مــا يـجــي الا الـزلابــه
شحـيـح مـالـه فـــي دروبـــه النـوامـيـس
لا قــيــل حــيـــا بـــــه ولا مـرحــبــا بـــــه
لـي صـار مـا يشبـع بـطـون المفالـيـس
ولا الفقـيـر الـلـي وقـــف عـنــده بـابــه
دنفوس يحسب من كبار الدنافيـس
ماله مع اهـل الطيـب علمـن رقـا بـه
عمر الرخـم مـا حـام فـوق القرانيـس
وعمـر الثعـل مـا دل مسـري الذيابـه
نـعـيــش بـالـدنـيـا عــــزازن واشــاويــس
وان جـار حمـل الوقـت زدنــا صـلابـه
نـرضــي بمـقـسـوم الله ونـلـعـن ابـلـيـس
لـــي قــــام طــيــر الـبـيــن يـنـعــق غــرابــه


الشاعر/حمد بن سايمه اليامي....

[محمد الروقي]

اختيارات موفقه
ذوووق يعطيك العافيه

[النجلاء]

الله يعافيك يالروقي من ذوقك
تقديري لمرورك الشامخ
النجلاء

[قبله الفراشه]

روووعه واحساس

[ماجد بن رتيق]

أبيات راقت لي


قولوا لرعـيان الغـنم لايـنـامـــون=اشـوف بالمرعى مواطي ذيـابه
قولوا لهم خذوا الحذر لاتغـفـلون=كـم غـافـلٍ اصبـح حـلالـه نهـابه
قـولوا الـذيابه بالغـداري يغـيرون=والجوع ينسيها الخطر والمهابه
والذيب مايومن على مايـقـولـون=يغـرس بارقاب الفرايس نيـابـــه
تلقون ضرب انيابها كنها طعـون=وجر المخالب مثل جـر الحـرابـه
اقـسم برب البيت ماني بمجــنـون=ولاني ردي الاصل ولاني زلابــه
اشـوف أشـياءٍ لـهـا ما تـشـفـون=تغيب عن بعض العـقـول النجابـه
اقول قـولي والخـلايـق يعـرفــون=خير الملا من قـبـلـنا قـد حكى به
لابــد مـايــومٍ إلى الله تـعـــودون=وكلٍ يبي يُسأل عن اللي رعى بـه
اللي رعـوا بالشر للشر يجـنـون=واللي رعى بالخير يجني ثـوابــه


احمد بن عبدالرحمن العريفي



(نديم المجره)

[ماجد بن رتيق]

جديدي من خلال هذا المكان الجميل بوجودكم جميعاً

جيت المكان ولا بقى غير ماضية =وهيض علي ماكان في الجوف خافي
سارح مع الهوجاس ويامنا فية = ايام حلوة ماعليها اختلافي
الله يذكر سجتي بة وطارية =يوم الليالي من عناها عوافي
وذكرني اللي بالمودة مصافية = ياما دعيتة كلي احساس دافي
ماقد خبرت إني من الوصل ناسية =رغم الجروح ابداخلي كنت وافي
أرق ورفق واتتبع مماشية =واجيه عاني من على الرجل حافي
لا و عذابي يوم اعلن تجافية =اونس بقلبي من جفاة ارتجافي
غاب وتغيب وابعدت به مشاهية= واشوف باب الوصل غطاة سافي
عزالله إن الهجر بانت موارية = وقلب المولع نوره العام طافي
جاتك وقلبي في رجاء من يواسية =ياريف قلبي طال وقت التجافي

اجمل وارق تحية
اخوكم هزاع العاصمي

[ماجد بن رتيق]

خلك على النيه ولاتشكي الحال=وربك كفيل بالخفاء والسريره
واللي بصدرك لاتسمعة عذال=كلن على فاله بيلقى مصيره
حلو الكلام يسد عن بعض الاقوال=والغث يحسب للوجيه الشريره
الشعر مثل الغيم ماطر وهمال=والقاف يكفي صاملة عن كثيره
ياقلب لاتنشد عن غياب رجال=خلك بقدم القوم قود المسيره
هزاع العاصمي

[ماجد بن رتيق]

رقيت بْخيالي فوق قمة مشاريفك=وغنيت يوم الشوق من خافقي غنَّى
وشربنا دلال الكيف,من كيفي وكيفك=على جال ضوٍٍّ تشتعل والحطب منا
جمعنا القدر من غير علمي وتوصيفك=ياليت القدر يتبع هوانا ويضمنّا
على قاربٍ تحكم مسيره مجاديفك=تسوقه شهر فووق ازرق الموج ماونّا
وأغني جديدي وارتوي من سواليفك=مـ .غير البحر والليل ونْجومه وحنا
تمادى غلانا وان سرى الليل مع طيفك=سجنت العواطف لاتغادر مساكنّا
نكابر على حْساب المشاعر وتصريفك=ونْشوف ايدِي الحرمان بالرمح تطعنا
طلبتك ظلام الليل,تسعف مواليفك=قبل لانموت وتروي الراويه عنا !!
=شاعرة نجـــــد

[شاعرة نجد]

^
^
شكرا جزيلا شاعرنا
ولاهنت على النقل,من ذوقك طال عمرك

تقديري,’’

[ماجد بن رتيق]

خذني معك.. خذني على ظهر السحاب
ويّـاك .. حـتّى الـوقت لـه إحساس غير

بــك يـتـسع هـالـكون ونـجوب الـرحاب
نـسـرج خـيـول الـحـلم تـحـملنا ونـطـير

اسـقـيك بـيـديني ..شـهد ..لـذّة شـراب
يــالـلـي غــرامـك أوّلـــه مــثـل الاخــيـر

أرســم مـلامـح صـورتـك مـثل الـسراب
الــلـي تـخـلـل خـافـقـي..واصبح مـثـير

واكـتب غـرامي واحـفظه وسط الكتاب
تــقــراه بـحـسـاسـك ونـفـحـاتـه عـبـيـر

تــرقـد امـانـيـنا عــلـى فـــرش الـرّغـاب
كــنّ الـولـه ف اقـلوبنا طـفل(ن) صـغير

مـابـيـن كـلـمة آاه.. وحـضـور.. وغـيـاب
فـــاض الـحـنين وخـالـط الـعـبرة زفـيـر

يـكـفـي الَـــم.. يـكـفي مـعـاناة وعــذاب
و الـعـمرلو تـحـسب مـحـطاته.. قـصـير

ضــاع الأمــل يـاصاحبي والـشَّعْر شـاب
أنــطـر قــطـارات الـوصـل يـمّـي تـسـير

وان ازعـجك بـوحي رغم صمت العتاب
خـذنـي عـلـى قــد الـعـقل حـسبة غـرير

بـعض الـقصور ان جـيتها مـثل الخراب
والــكـون حــالـه بــعـد مـانـرحـل مـريـر

تــتـقـاتـل الأنــفــس وتـالـيـهـا تــــراااب
نـغـفل ولا نــدري مـتى الـفرقى تـصير!!
؛
ريوف القوافي

[ماجد بن رتيق]

يالله يامـنـشـي الـصّـنـوف الـكـايـنــه
ومـعـلــمٍ أوّل بــشـــرك اسـمــاؤهـــم

يـامـرجـيٍءٍ خـلـقـك لـسـاعـه ءآيـنــه
تـنـطــق بـأفـعــال العـبــاداجـســادهـم

ءآياتـهـا الصـغـرى مـضـت والبـايـنـه
كــبــرى وفيهـا الـمـهـدي ودجّــالـهــم

بشّــربـهـا فـتـن الـقــلــوب الـغـابـنــه
الجـــاحـديـن بـمــا عـطــى خـلآّقـهــم

نـجّـي برحمـتـك الـقـلـوب الفـاطـنــه
يامنجـيـن مـوســا بـأمــر اغـراقـهــم

الـدّيـن ماغـيـرك شـرعــت منـايـنــه
للمسـلـمـيـن المـرتـضـيـن إلـهــهــــم

هــذي البـلادالـلـي بـخـيــرك زايـنــه
أرض انبيـائـك والـرسـول ختـامـهــم

صـانـت مـشـاعـر ديـنـهـا وأمـاكـنـه
مـن رجــز عبّاد الـوثـن واظـلامـهـم

كرّمـتـهـا بـأطـهــر بــقــاع الـكـايـنـه
قبـلـة هــل الإســـلام فـــي بلـدانـهـم

جـــرّة خلـيـلـك والـحـجـر ومـئـآذنــه
ءآيــات أوّل بـيـت لــك يـبـنـى لـهــم

أمّـنــت بـرحـابـه نـفـوســن راكــنــه
لعبـادتـك رغــم اخـتـلاف اجنـاسـهـم

وبطيـبـه الــروض المـكـرّم سـاكـنـه
المصـطـفـى بـرسـالـتـك لابـلاغـهــم

فـيـهـا بـلــغ بـالـدّيـن كـــل مـأآمـنــه
ومنـهـا بـــدأ تاريـخـهـم وامـجـادهـم

أمّـــة بـمــا كـلّــل علـمـهـا مـئـامـنـه
أورثـتـهـا زمـــزم و فـيــه شـفـاؤهـم

مـن بعـدمـا كـانـت قــرى متشاحـنــه
وحّــــد بــهــا عبـدالـعـزيـز لـوائـهــم

ردّالـريـاض احـلـى زهــور مـدائـنــه
وأيّـيـدتـه بـنـصـرك و لـــمّ شـتـاتـهـم

غـرســه جنـيـنـاه وثــمــار جـنـايـنـه
عـــز القـبـائـل واسـتـحــق ولائــهــم

شعبٍ على رغـم الظـروف الـراهنــه
شـامـخ بـوجـه المعتــديـن و داؤهــم

مـايـوم ننـقـض عهـدنـا و ضمـايـنـه
لــلّــه ولــلّــي شـمـسـنــا بـظـلالـهــم

شــعــب وفــــي ولاتــعــد مـحـاسـنـه
المملـكـه بـكــل الـجـهـات اوطـانـهــم

أوّل مـشـاكــل عـصـرنــا و كـمـائـنـه
فـكـر اليـهـود ) مضيّيـعـيـن كتـابـهـم

غــزوٍ يـسـخّـر بالـغـوانـي المـاجـنــه
بـحـرٍ مــن الـغــيّ امـتــلأ بشبـاكـهــم

كــم سلّـطـوا سـكـيـن غـــدرٍ جـابـنــه
تـطـعـم بـــدمّ المسـلـمـيـن حـرابـهـــم

كـفّــار للـنـصــر الصلـيـبـي ضـامـنــه
حمـلاتـهــم صـــرّح بـهــا إعـلامـهـــم

دستـورنـا القـرءان و ربّــي صـايـنــه
مايبدّله بـ ( فرقان حق !!) إلحـادهــم

زادوا علـى السـبــع الكبـائــر ثـامـنــه
ومـلـعــون مـعـهـم مـتّـبـع فـرقـانـهــم

والثـانيـه ( ذاك السفيـه .. و زبـاينـه )
و الخـايـب و مــن يلتـحـق بركـابـهــم

هم زمـره بـ شــرّ الدســائــس كامنـه
ولابدمـا تــذري الـريـاح اعـشـاشـهــم

بصـدورهـم أرض الحســد و مـدافـنـه
ومراتــع الشّــوك ازهــرت باعماقهـم

أقــوالــهــم وافـعـالــهـــم مـتـبـايـنـــه
أوّل طـريـق اصـلاحـهــم إفـســادهــم !

تسعـى لفتـنـة شعبـنــا .. و متراهـنـه
علـى الغنيمـة مــن جلـيـل مصـابـهــم

أفـكـارنـا دايـــم و هـــي متـضـامـنــه
هي في غنى عـنهــم و عن حركاتهـم

واصلاحـنـا مـاهـو بـكــفّ صهــايـنـه
تحشــد لحـرب المسلمـيـن اعتــادهـم

أو مـعــولٍ بـايـدي الـنّـوايـا الـدّاكـنـه
إصـلاحـنــا فـــي دحـــر معتـقـداتـهـم

والثالثه ( زيـف الـولاء ) و معادنــه
رايـــة جـهــاد مـلـوّوحــه بـأفـاقـهــم

إن الـجــهــــاد لمـبـتـغـيـن عـدائــنــه
ركــنٍ إذا نــادى الجـمـوع إمــامـهــم

ونـادت بـديـن الـحـق طغـمـه خاينـه
للديـن و استحلـى الغريـر اصواتهـم

قـــومٍ بـنـزعــات الـغـلــو مـتـعـاونـه
تـأويـلـهـم حــلّــل لــهـــم إرهـابـهــم

صــوّر لـهــم إبـلـيـس جـنّــه فـاتـنـه
أذّن بـهـم وإلــى الجـحـيــم اقـتـادهـم

درب الجهـل أحـرق نـفـوسٍ واهـنـه
تـغــرس بقـيـعـان الـوحــل رايـاتـهـم

ســـذّج بـالافـعـال العـقـيـمـه شـايـنـه
فــي ظنّـهـم ديــن الله بيسـمـى بـهــم

نـهـجٍ لــه جـمـــوع الخليقــه دايـنــه
عـــاري ولا يـسـتـر دجـــى نـيّـاتـهـم

نـور الصّبـاح المدّعـى .. و مكـامـنـه
نـــارٍ شـرارتـهـا نـشــت بـاوكـارهــم

ياربعـنـا يـااهـل الـخـيـول الصّــافـنــه
حــنّــا بـتـوفـيـق الإلــــه اعــدامـهـــم

وان جنـد الـشـيـطــان كــــل قـرائـنــه
عـهـــدٍ عليـنـا نبـيــدهـم واعـوانـهــم

يبقى سجين الفـكــر ( لعبـة سـاجنـــه )
و الــحـــر مايـثـنـيـه نــبــح كـلابـهــم

أرواحـنــا دون الـوطــن تـتـحاضـنـــه
بــرجــالٍ يـعـطّـــر ثــــراه دمـــاؤهـــم

ذادوا عـــن ارواح الـعـبـــاد الآمـنـــه
و بـيّـن بسـاحــات الـشــرف إيمانـهـم

الــديــن أحـكــامــه جـلــيّـــه بـايــنـــه
ماهـو بحاجــة مـن عمـت أبصـــارهـم

وصـلاة مـن كـوّن صـنــوف الكايـنـــه
علـى شفـيــع الخـلـق فــي ميعــــادهـم
عبدالله الصقري

[ماجد بن رتيق]

http://s01.arab.sh/i/00094/tkceho6ozj9b.jpg

[ماجد بن رتيق]

http://up.1sw1r.com/upfiles2/tp928352.jpg

[ماجد بن رتيق]

http://up.1sw1r.com/upfiles2/86r31938.jpg

[ماجد بن رتيق]

http://a.top4top.net/p_323q9lrv0.jpeg