القير - بن كوثان - بن هباش

[سعيد القير]

القير

يابوسميي ولّم البن والكيف=للضيف والعاني ولعوال خالك
ترا على ظهر الحنش جايكم ضيف=وانا على يمناه نبغا وصالك
للصاحب اللي مايحب التكاليف=لاقلت من هو قلت لك كيف حالك
نبغا لزومن عندكم والنخل ليف=يعني ماجاله غير جالي و جالك
في حشمته كبّرت بعض السواليف=العين لاجله والحشا لا زما لك
مايلحقك شرهه ولا يلحقك حيف=خابرك ماقد قلت ذا لي وذا لك
ولاّ انت عينك شرفت فالمشاريف=قندت راسك من حلالك ومالك
ماهمني لاجلك تزود المصاريف=شفقن على ضوك وصفوت دلالك

بن كوثان

يامرحبا ياريف لاجيت للريف =ترحيبتن ترضيك لاقلتها لك
يامرحبا ياجزل ذيك التواصيف= انا وبيشه كلبونا فدالك
شعمت ضو الضيف في البرد والصيف=يامرحبا والعود لاجيت فالك
اقلط على نسنوس حايل مراديف= واقندك بن اليمن لا استوا لك
لاجيتني جيتك ورا نجد وطريف = وآكل مفاطيحك و ابيح حلالك
بن هباش

يامرحبايموصف القاف توصيف =ترحيبتن مادام جوي صفالك!
ما ينفع إلا سل سيف ورى سيف=وابدع من القيفان فيما طرالك
انردها ياسعيد للهند وجنيف=واحذر من مبارك ليا من نوالك
يرويك من عدن بليا مجاديف=واضرب مثالي وانت تضرب مثالك
واشوفكم في روس عوجن محاريف=واللي مضالي ياولد ما مضالك
القير

دام البقابك والفنا للملاقيف=الله يزيد الهاجس اللي عنالك
مابينك وبيني تبادل معاريف=عنيت نفسك وانت ماحدن سرالك
وش فيك يامحمد تحت المخاريف=والقيت نفسك في طريق المهالك
وش دخلك تفتح قفول المظاريف=كشفت خطتنا وفاز الزمالك؟
لو جبتها باسلوب ثاني وحرّيف= رديت قافن مايجي في خيالك

[الصيرمي]

صح آلله لسآآآآآآآآآآآآآنك .. يآلقير ..


وآلله كلكم جزلين .. ومبدعين ..


تقبل مروري .. وترآك هيضتني للقهوهـ .. وآنآ في ديرتن كيفهآ مآهوب جآيزن لي ..

[طيف المشاعر]

قصيدهـ وابيااات جدا راااائعه
االف شكر على ذوووقك واختياركـ العذب والجميل
لاعدمنا ذوووقك وحضوركـ وجديدكـ

[محمد الروقي]

حلووووووووووه

وكايفه ويعطيك الف عافيه ياسعيد

وصح لسانك لين ترضى

[أميرة رواسي]

صح لسانك

طرح الجميل وكلمات الرائع

الله لا يحرمنى من جديدك

[فايز الحارثي]

ماشاء الله تبارك الله
قيفان من الوزن الثقيل
لا هنت ياسعيد وكلكم صح الله السنتكم
وافي والله يبيض وجهك