القيض

[سعيد القير]

لو اشتكي لبجاد وعنـاد مافـاد=من قيض ولا بـرد ولا زهـادي
ابسط يدي للي له الخلق تنقـاد=اللي رفع سبعن بلايـا عمـادي
هون على ابراهيم من بعد مازاد=همه وخلا النار سلم وبـرادي
يارب هونها على العبد ماعـاد=يقدر على قيض الدهر والنكادي
متى تشوف العين غيمه ورعاد=واشوف شعبانن تسيل وحمادي
واشوف لي مخضار تبتل الاكباد=في شوفته وتعيش مع جو هادي
العيشه اللي بين ريضان وبـراد=ارخص لها حالي ومالي وزادي
هذا وانا مانيب هـاوي وقصـاد=شاعر وقدح البيت قدح الزنادي
ماجيت ادور شرهتن بين الاجواد=اهيم والشعـار فـي كـل وادي
الشعر له هيبه وحكـام وبـلاد=ويفرض علينا نلتزم في المبادي

[محمد الروقي]

صح لساااانك ياسعيد

جزل وبيوتك تطربني تقبل تقديري لا عدمتك

[المبرقعه]

الشعر له هيبه وحكـام وبـلاد=ويفرض علينا نلتزم في المبادي




صدقت لاهنت

ابيات جزلة من شاااعر جزل

صح لسااااانك ياسعيد القير وماقصرت

اسجل اعجابى بما قرات هنااا

[تغريد البرقاوي]

صح لساااااااانك شاعرنا
قصيده طيبه لاهنت اخي الكريم على هالقصايد الجزله
تقبل مروري المتواضع