أكذب !!

[أحلام رماديه]

1
صحيح اني انسى الحوداث.. والملامح .. والأسامي
لما أكتب عن آلامي .. شعر ابعد ما يكون ..
عن مجرد جرح دامي .. والأساور .. والمرايه .. والهوى القاسي الحنون ..
عندي هموم القصيدة .. غامضة .. صعبة .. عنيده ..
وانت عاشق للوضوح ..
يتعبك بحري ظلامي ..
ودك بسري أبوح .. وانا آخر همي بوح ..
تكفى لا تزيد فـ خصامي .. وقلي ما تفهم كلامي ..
انا انسى .. الحوادث .. والملامح .. والأسامي ..

2

لما أكتب أغنية مثل (الرسايل ) .. وانا أكذب ..
والخيال العذب كذب ..
كنت لازم أخفي سري وما اقول ..
إن هالمرة شعوري .. هو خيالات الحقول ..
تطرد اسراب الطيور .. عن حقيقة .. عن شعور
ما هو في حب السنابل .. انما تحت الجذور ..
كسروا العشاق بابي .. قطعوا لحمي ثيابي ..
خلعوا الأدراج .. طاحت مزهرياتي الجميلة ..
شققوا جفني كتابي ..وسألو وين ( الجديلة )
( وبسمة العين الكحيلة ) .. ما لقوا في بيتي إلا ..
ما لقوا في صدري إلا.. مالقوا في قلبي إلا ..
أمنياتي المستحيلة ..
وإني احلم .. بس أحلم ..
3

أعبر الشارع معاي .. في الرصيف الثاني قهـــــــــوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهــــــــوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة فـ ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..
وإلا تدري .. قله أكذب

بـ قلم / آلبدر ~


وللبدر ..|


صوره بقلوبنا .."

[سكر نبات]

أختي

سلمتي على نقلك وذائقتك

الرائعة

يعطيك الف العافية

تقبلي تواجد

.
.
.


أختكـ الخياله

[محمد الروقي]

سلمتي على النقل

ويعطيك لعافيه ولو اني لا افهم في مثل

هذا بس المفردات تجذبني

[لهفة شوق]

كلمات رائعة من انسانة اروع

ابدعتي احلام بانتقاء الطرح

تحياتي لك لاعدمناك

لهووووفة

[أحلام رماديه]

الخياله

ميرسي الغلا على المرور

,,


محمد الروقي

حياك , وهذه أحد روائع البدر,,<<هنا شعر حر أعلى من الخاطره وأقل من النظم

والشعر الحر يعطي نفس طويل للكتابه , ويوصل الفكره بأكثر من معنى


تقديري لحظورك



,,,


لهوووفه

هلابك ,, وممنونة حظورك الغلا

[غنادير]

الله روووعه
عجبني مآآآره <<ماتقلد ملاكـ ^^..
.
مشكوووره يالغلااا
ولاعدمتج
تحيتي

[فايز الحارثي]

احلام رماديه
انتقاء جميل وهذا البدر لها عالمه وله محبينه وكما يبدوا لي انكي تفضلين النثر عن القصيد وهو واضح بكتاباتك ونقلك الممير فقلمك لا يقل تميز عن ما قرئناه هنا اسجل حضور تقبلي احترامي وتقديري اختي الغاليه

[أحلام رماديه]

غنادير & فايز

ميرسي ع الطله والمجامله الحلوه