المبرقعه والمميز من حروف رواسي

[المبرقعه]

http://up.arab-x.com/Dec09/8VV05663.jpg (http://up.arab-x.com/)

اخوانى واخواتى
وبعد اذن الادارة :
تجولت بدهاليز وأرشيف :

رواسى الشعر الشعبى

فوجدت بصمات رااااااائعة بل حرووووف من ذهب لاخوان وشعار لنا هنا

وحروف تبعثرت هنااا وهناااك

ففضلت ان أجمعها هنااا وأختار ما يعجبنى منها ان اذنتم لى ......

واتشرف وانا اقوم بهذا العمل والله يجملنى امام الطيبين أمثااالكم


أختكم المبرقعه

[مشاري]

المبرقعه فكره رائعه جداً وكل مواضيعج رائعه
تقبلي مروري

[تلميذة الايآم]

بروووقه
http://www.badr1.com/vb/attachment.php?attachmentid=365&stc=1&d=1195114705
ياغناتي فكرتك بصراحه حلوه
وسوي اللي تبين واحنا معك<<تقولها بحماس

اتمنى اشوف مايعجب خيتو بروووقه ولك كل الشكر

تقبلي مروري خيتو
http://www.al-wed.com/pic-vb/115.gif

[غنادير]

بصراحه
موضووع رووعه وفكره جميله جدا
وتسلميين يالغلاا عليهاا
والله يعطيج العافيه

[المبرقعه]

شاعر تميز بهدوءة وبابياتة الرقيقة

شاعر وضع لة عدة بصمات هنااا ،، تصفحت قصايدة بعد اذنة فوجدت الرووووعة بين سطورة

فاخترتة هذة الليلة ... من غير قصور ببقية الشعار

انة شاعرنا العزيز ........


سطام الشمرى .






بين الـدلال وبيـن ذيـك المعاميـل=دنيت من بيض الورق مـا صفالـي
هز الحنايا صوت رجـف الفناجيـل=لانه على نفسـي عزيـزن وغالـي
وذكـرت دن حجيلهـا والخلاخـيـل=لامـن تهـزع مشيهـا بالرمـالـي




عزاااااه يا صدام يـا عـز الأوطـان=يا حيييييف توا الناس قالـوا عرفنـاه
مـع الفجـر تشهّـد بعـز وإيـمـان=ترجّـل وخـلا الجماهـيـر تنـعـاه
كنّه يقـول المرجلـه صعـب تنهـان=مثل الجبل مـا هـزّه الكلـب وعـواه



ويا هلّي عيوني عن النوم إعزفن=يسهـرن الليـل كلـه باكـيـات
من هواجيس(ن) علـي تـرددن=من تردادهـا عظامـي ناحـلات
من هواجيس(ن) إلى منهن طرن=تستوي عندي حياتـي بالممـات

[محمد الروقي]

سطام الشمري

شاعر تميز بروعة مفرداته والتحكم بها

وهذا يدل على عذب نهر الجزاله لديه فشربنا من نهر

سلسبيل الجزاله فصح لسانه(( فعلا فقدناه فعساه يكون بخير


المبرقعه احسنتي الاختيار

[الصيرمي]

المبرقه ..



صراحه إبدااااااااااااااااااااع ..


وسطاااااااام شاعر كفو ويستآهل ..

[أميرة رواسي]

موضع رائع

واختيارك للسطام ارواع

يعطيك الف عافيه

[المبرقعه]

شكرااا جزيلااااا من أول نك ولأخر نك

ما قصرتم احرجتونن ،،

وان شاء الله لنا لقاء آخر مع حروووف جديدة لشاااااعر من روااسى

[المبرقعه]

بحثت فى اروقة همس القوافى وبعثرت الارشيف فوجدت الجزااالة والذائقة الشعرية المميزة

فاخترت ما جاز على اعجابى مع احترامى لبقية القصايد ...


ضيفنا الثانى لـ


حروووف من رواسى


هو شاعرنا : بدر بن الحميدى

شاعر امتاز بالجزالة






السنيـن الماضيـه لــو أنـحـاول ماتـعـود=والسـنـيـن المقـبـلـه قـومــو جهّـزولـهـا

خمس أصابع فاليمين لا تنقص ولا تزود=وخمـس أصابـع فالقـدم ثابتـه برجولـهـا

وقّف وقّف يا بدر ونـه أبياتـك فـي ركـود=عشـره ومعـهـا أربـعـه وافـيّـن مدلولـهـا





قـالـو تـغــزّل قـلــت مالـلـغـزل دور=فـي دنيـتـي مـالـه مـكـان ومجـالـي
شعـر التـغـزّل فالغنـاديـر محـضـور=لاهـــوب هـمـلـي ولاهـــوب فـالــي
أنـا علـى الوقفـات للـذيـب مخّـبـور=مــا نـضّـم القيـفـان لـجـل الغـزالـي



http://i47.tinypic.com/2uqit15.gif



يالـيـل انـاويـاك والـعـمـر مـســرا=ادمنـت اناحبـك ولا اطيـق فـرقـاك
لاشفـت اناضلمـاك مـن غيرقـمـرا=لوكنت انا مهمـوم يازيـن مسـراك
اسري معك للغرب والشرق حـدرا=مالي ومال الشرق والشرق يفداك




أقـول الشعروأجيـده وصيغـه بالذهـب والمـاس=أجـيـب البـيـت تـلـو البـيـت مقفـيّـه ومـوزونـه
معانيـهـا صعيـبـه مــا يــحللها فطـيـن الـنـاس=أن كــان جـتـه بالمكـشـوف ولاّ حـيـل مدفـونـه
وليا بغيت الشعر مضّرب الأخمـاس فالأسـداس=أجيبه حاضر بحاضـر مـا حسّـب جملـة ديونـه
شعراً مثل صرف الذهب ما هوب فضةً ونحاس=مثل الذهب لو أختلف في شكلـه وأختلـف لونـه





النـايـفـه نـايـفـه والـواطـيـه واطـــي=والنايـفـه تنثـنـي لـلـي لـهـا سـاطـي

والواطيه ضمـة المسكيـن والخاطـي=تبغى الحقيقه حقوق الطبع محفوضه

ياللـي تغنـي علـى المـوال بالفـاضـي=للمملـكـه حـاكـم وللمحكـمـه قـاضـي




http://i47.tinypic.com/2uqit15.gif


ولنا لقاء مع شاعر آآخر مع

حرووووف من رواااسى

[محمد الروقي]

روعه يعطيك العافيه

جزل ولا يحتاج تعريف وشاعر فرض نفسه على الكل

بالاحترام وسبك المفردات فصح لسااانه وشكرا المبرقه على الاختيار الطيب تقديري


(ابن الباديه)

[المبرقعه]

ضيفنا الجديد لـ


حروف من رواسى الشعر الشعبى

شاعر امتاز بالجزاالة

شاعر جميل المفردة

شاعر كتب جميع اغراض الشعر بانواعة

شاعر جزل جزل جزل


انة شاعرنا



نايف العصيمى




وأليكم ما اخترتة فاليعذرنى مما اخترت ::






http://up.arab-x.com/Jan10/xy126292.gif (http://up.arab-x.com/)




يالله دخيلـك يالكريـم الجـلالـي=يالله دخيلك من شرور الصواديـف
دنيـاي شانـت والبـلاا لا يزالـي=بين الضلوع العوج شبعان ومريف
من كثر همي ياعرب بـري حالـي=امسيت انا وهموم قلبـي مواليـف




لعنبوهـا ضيعـت قلبـي وانـا قلبـي كسيـر=بنت الرجـال الـي مـن العالـم تـرا ماهمهـا
ماهي ببنـت ملـوك لا والله ولا بنـت الاميـر=الا بدويـه لنتخـت كــل ٍ تسـابـق يمـهـا



http://up.arab-x.com/Jan10/xy126292.gif (http://up.arab-x.com/)



الا يامقشـر الفرقـا تشـب القلـب ليـن يفـوح=تذل عيون حـرً مـن ضـرا بالصيـد ماهابـت
ليا غنيت همـي جـاء يواسينـي حمـام الـدوح=ويبدع لي من الحان الفرح والحـزن بـي ثابـت




ابطال غـزة منبـع لكـل مقـدام=صاغو رجـال" للشهـاده لهايـف
يمشون درب العز لو كلـه الغـام=وياطون جمر النار مابه حسايـف
واليوم ضاق الدار والجـار هـدام=مات الحويـر وافقـدوه العطايـف





واثـر المحبـه بعضهـا هـم وجهـاد=ياليـت روحـي جنبـت عـن شقاهـا
اربـع شهـور الهـم صـادر ووراد=واربع شهـور العيـن ماجـف ماهـا
واربع شهور الكبـد ماتقبـل الـزاد=واربع شهور الضعـف حالـي براهـا
اربـع شهـورً ماتهنـيـت بـرقـاد=بسباهـا راحـت وانـا فـي رجـاهـا
ماهي ببنت الشـام ولا بنـت بغـداد=بنـت السعوديـه عسـانـي فـداهـا



http://up.arab-x.com/Jan10/xy126292.gif (http://up.arab-x.com/)



ولنا لقاء مع شاعر آآخر مع


حروووف من رواسى

[عبدالرحمن الجميعي]

جدا قمة الابداع في الفكره

تقبلي مروري

دمتي بود

[الصيرمي]

نآيف آلعصيمي ..


شآعر مبدع .. بكل مآتعنيه آلكلمه ..


آلمبرقعه ..مشكورهـ على آلفكرهـ ..آلمميزهـ..

[المبرقعه]

همس الشعر يقودنا للسحر فتتراقص القصائد


وتتكسر الأوزان والأحزان فتتدفق كل بحور الشعر دون سابق إنذار فينشد بأعذب الأشعار



انة شاعرنا وضيفنا


فهم العتيبى




واخترت مايلى مما حاز على ذووقى :





http://www.almlf.com/get-1-2010-almlf_com_21g1thde.gif (http://www.bawasel.net/)





في مهرتي ياسعـود غنيـت الاشعـار=اسمع صهيل الطرس وانشر سطوره
رحـنـا وجيـنـا مــن بعـيـدات الامـصـار=والـكـون خضـنـا فــي مغـبـة بـحـوره




للشريف القاف مرسل ومضمونه=اشتكي من قايـد الريـم عنانـي
قال في برج العرب حجز تلقونه=اسكنوبه ياعطارد علـى شانـي
في جناحن حطو الورد بركونـه=وعطروه بعود من غال الاثماني




يابنات العُربِ هبـن للجهـادي=آدم المسكين بيدينـه قيـودي
حاربن عنا خنازيـر الفسـادي=طغمة الكفار وعيال القـرودي




وادلهم الليل ثم عسعـس دجـاه=ويختنـا باليـم وحنـا مبحريـن
والهلال يداعبـه نـور النجـوم=والبشر في اليابسـه متشطريـن
والسكون يغازله موجن خفيـف=رقص اليخت ورقصنا ضاحكين



http://www.almlf.com/get-1-2010-almlf_com_21g1thde.gif (http://www.bawasel.net/)




ياسيدي ياسيد سـادات الأوطـان=لوغبت حبك في قلوب الملاييـن
راع اليدين البيض سموك الأنسان=تدعي لك الرملا وكل المريضيـن
حاتم زمانك مشبعن كل جوعـان=هداج تيما ياذراهـم مـن الديْـن




بالكـرم نكـرم كرامـن تكرمنـا=نذبح الحيـل واللطمـه لغاويهـا
بالحرايب حرابن تحرب الحـارب=ناخذ الذود لـو الشيـخ حاميهـا




ولنا ان شاء الله لقاء مع شاعر آخر فى

حروووف من رواااسى





http://www.almlf.com/get-1-2010-almlf_com_4douqpr4.gif (http://www.bawasel.net/)

[الصيرمي]

للشريف آلقآف مرسل ومضمونه=ىشتكي من قآيد آلريـم عنآنـي
قآل في برج آلعرب حجز تلقونه=آسكنو به يآعطآرد على شآنـي
في جنآحن حطو آلورد بركونه=وعطروه بعود من غآل آلآثمآني


صح لسآآآآآآن آلشآعر فهم آلعتيبي .. مبدع وآسلوب في كتآبة آلقصيده يعجبني ...


يجيد صيآغة آلآبيآت بلآ تكلّف وبكل إختصآآر ..



مشكورهـ يآلمبرقعه ..

[مذكر الروقي]

الاخت المبرقعه


نشكرك على فكرتك المقتبسه

والا الامام ياالمبرقعه

[هزاع محمدالعاصمي]

اختيار موفق المبرقعه وموضوع جميل تشكرين عليه
دوماً رائعه.................اجمل تحيه

[سكر نبات]

المبرقعه

سلمت يمينك على الفكرهـ والطرح

يعطيك العافية

وصحت قلوب شعراءنا

دمتي بخير


.
.
.


أختكمـ الخياله

[المبرقعه]

http://www.almlf.com/get-1-2010-almlf_com_oj3w5yta.gif (http://www.bawasel.net/)





وهاهي سفينة حرووووف من رواااسى

تمخر عباب هذا البحر المتلاطم بأمواجه العاتية , وكلها ثبات ورباطة جأش , على تحدي الصعاب

وتجاوز العقبات, لتصل لبر الأمان , ولترسوا في ميناء الشعر , بعد أن غامرت ,

وصبرت وصابرت, وكان لزاماًَ عليها , أن تأتي بالجديد من الجواهر,التي جمعها غواصها

وهاهى سفينتنا ترسوا بميناء شاعر امتد حرووفة من باكورة رااسة

ضيفنا العزيز والغااالى على قلوبنا ...



هزاااع العاصمى




قلـوب احبـاب يجمعهـا محبـه صافـيـه وهـيـام=تمـوت بسـاعـة الفـرقـا وتـتـوارى ولا تـطـري
تمـوت الرفقـة السفلـى وبدفنـهـا بقـايـا ركــام=نويـت الغـي معالمهـا وعانـق نجـمـي الــدري
طريـت ولا طريـت الا غريـب بزحـمـة الاقــدام=نظرتك نظرة المقفي ومات الشوق في صدري
وشوفك غيمةٍٍ شحـت سحابـه مقتفيهـا عسـام=وعرفـك قـاع ماتنـبـت ومـاهـا شــح ماتـغـري







مقادير الزمـن تاتـي مـن المـولا علـى الانسـان=رضيـنـا بالـقـدر ولـلـي كِـتـب نـرضـا ونمشـيـبـه
رحـلـت بزحـمـة العـالـم مجـاديـفـي بـــلا ربـــان=مراسيـنـا تجافيـنـا وطــول الـوقــت فـــي ريـبــه
مــعَ ألامــواج تلعـبـي نـذيـر ومـركــبٍ غـرقــان=امـانـي تنطـفـي بلحـظـه وحـلـمٍ مـــات مشفـيـبـه



http://www.almlf.com/get-1-2010-almlf_com_vkobyv3i.gif (http://www.bawasel.net/)




الـوقـت جـايــر والـعـيـون الحـزيـنـه=سالـت مدامعهـا عـلـى خــد مشـتـاق
وقـلــبٍ فـقــد غـالـيـه ربـــي يـعـيـنـه=فـــي داخـلــه نـــارٍ تـوقــد وحــــراق
يـسـري مــع الـونـات زايـــد ونـيـنـه=ونـيـن سـاطـي فــي محـانـيـه دفـــاق



لوكان قلبي مـن غلاتـك بيـدك=حرٍ يعاف الهـون للمجـد طـلاب
ون جار وقتك هان منهو يضـدك=اذكر رفيقٍ كل ماشنت لـه طـاب
اسمح لي ارحل لوحياتـي بحـدك=اموت في القمه على راس مرقاب





ولنا لقاء آخر مع ضيف من

روااااسى نجد الادبية




http://www.almlf.com/get-1-2010-almlf_com_vkobyv3i.gif (http://www.bawasel.net/)

[محمد الروقي]

كفو كفو

اخترتي وحسنتي الاختيار

وصح لسانه الى يوم الدين ونعم الخوه والله




المبرقعه مشكوره يالطيبه

على ماتقومين به من جهد لرفع راية الشعر بيض الله وجهك

[خالد العتيبي]

عز الله مبدعيييييييييييييييييييين


وجهود تشكرين علييييييييييها



الله يعطيك العافيه


وإلى الأمام

[شهد الكويت]

فكره راااائعه يالغاليه المبرقعه

والله يعطيج الف عافيه وماقصرتي

[هزاع محمدالعاصمي]

الاخت العزيزه المبرقعه
اجد نفسي بين اروقة موضوك الجميل والرائع
حقيقة اسعدني المرور من هنا كل الاعجاب والمتابعه
وفي انتظارك دوماً لروعتة يسحتق الاشاده والتميز والتثبيت