[أنا لوجيت]: بصوت الفنان الدكتورعبدالله رشاد

[مبروك بن ماضي]

http://www.6rb.com/songer/x/ksa/rashad/rashad-ana_law_jeet.rm



( أنـــــا لـــــو جــيـــت )
****************

انا لوجيت بتنازل وابكشف لك عن أوراقـي =أخاف اني أبيّن لك خفايا اسـرار مكنونـه
ولوجيت أعترف لك عن مشاعر داخل أعماقي =أخاف انك تعاملني بديل اللطـف بخشونـه
انا وان خفت من نـارك فنـارك سبّـة إحراقـي =لانّي صرت مثل العُود لجل طيبه يحر قونـه
انا ياصاحبـي زرع ٍ اذا ماحصـل الساقـي =ورودة بالجفا تذبل وتسقط عالـي غصونـه
أبي يدك علي يـدي ويبقـى حبنـا باقـي =ونا كلي أمل انّك عليـه تْخـاف وتصونـه

*********
مبروك بن سالم بن ماضي

[غلا أبوها]

صح لسانك أخوي

ولاهنت على هالقصيده الجزله


أذن المغرب عندنا وبسمعها بعد الصلاه


دمت بود

[محمد القسامي]

حس مرهف
وألق أحاسيس
وعذوبة متقنه لاتضاهى
كل ذلك مبروك بن ماضي
ألف صح كلك وجعل السعد مايملك
وادام الله هالشاعريه بكل خير ومعزه

[عـشـق]

وينتثر الابداع بين طيّات القصـيد ..
صح لــسآنِك شآعرنآ مبروك بن مآضي

سلمت كفوف الجمآل
رآئِعه وأكثـر ...

[الجذع]

صح لسااانك ولاهنت على الابياات

[السيــ عمهوج ـف]

صح السانك وبيض الله وجهك

نص جزل من رأس جزل


لاهنت

[صاحب المعالي]

صح لسانك على الابيات الرائعه

[بدر بن الحميدي]

انا وان خفت من نارك فنارك سبّة إحراقـي
لانّي صرت مثل العُود لجل طيبه يحر قونـه
انا ياصاحبـي زرع ٍ اذا ماحصـل الساقـي
ورودة بالجفا تذبل وتسقط عالـي غصونـه

مبروك بن ماضي صح السانك مبدع يامبروك
تقبل تحياتي