غازي رفع يا ناس شلفاته

[سامي الرقيب]

غازي رفع يا ناس شلفاته = يا عود قله ليش يرفعها
وقله يجي واكتب له وصاته = وان كان اله ثرواة وزعها

[غازي العتيبي]

هلا حياك ياسامي مدري تباني ولا تبا العود لاكن ابرد
هههههههه
وفي راسي موضوعين لاكن ابرد على النهج الاول
استلم استلم
غازي رفع سكينه الشاته = والعود خابر ناس تشبعها
انكان عنك علم قم هاته = والطيبه بالطيب نجمعها

[سامي الرقيب]

وانعم ببن عمي وطلعاته = وعلومنا بالطيب يسمعها
يرخي على ام جنيب ضرباته = يوم الحنش يمسح مدامعها

[غنادير]

الله

صح لساانكم


متااابعه ^_^



دندونه<< من هنا،، مرت

[غازي العتيبي]

هههههههههههههه

ماني ذخر عزوات فلاته = عن ربعي الشينات ابدفعها
اللي يخاوز تحري اوفاته = حقن له الشينه ومن معها

[محمد الروقي]

ياسلام

ايه ايه الصفوف يالموجودين
صحة السنتكم جميع

[عـشـق]

الله الله
صحت ألسنتكم
وآصوآ متآآبعين http://www.rwasynjd.com/vb/images/icons/icon7.gif..


دمتمْ بخير

[سامي الرقيب]

غازي بطل ونشوف وقفاته = في ددسنن لا طاحة انتعها
الله عليم بكل نياته = لقمته كبرة كيف يبلعها

[سامي الرقيب]

دانتيلا
ــــــــــ
محمد الروقي
ــــــــــــــــــ
ملاك البحرين
ــــــــــــــــــــــــــــــــــــ

صحة ابدانكم ومتابعتكم تشرفنا
بس الي منكم عنده كنافه يجيبها لي ترى القهوه جرحت حلقي هههههههههههه

[غنادير]

غازي بطل ونشوف وقفاته = في ددسنن لا طاحة انتعها
الله عليم بكل نياته = لقمته كبرة كيف يبلعها


الله عليك يااسامي

صح لسانك وانا بشجع بصفك ^_^

ولا يهون غازي

اقول سامي ما عندي كنافه في حلوى ورهش وغريبه وزلابيه تنفع :)


دندونه<< من هنا،، مرت

[محمد الروقي]

كنافه

عاوز حاقه تانيه يابيه
قل رطب حليب كنافه عاد يامتحضر هههه

[سامي الرقيب]

دانتيلا صح بدنك
عطينا حلا وبس لو تجيبين بنت الصحن
هههههههههههههه

اتركيك من محمد راعي الرطب والحليب
شوي ليا شاف نعمة الله اول ما يلقط الصحن هو ههههههههههههههههه

[الدانة]

هههههههههههههه

ماني ذخر عزوات فلاته = عن ربعي الشينات ابدفعها
اللي يخاوز تحري اوفاته = حقن له الشينه ومن معها


الله عليك يا غازي


صح لسانك لاهنت

وانا معك رووووووووح فالك البيرق



ولا يهون شاعرنا الرقيب

[غنادير]

دانتيلا صح بدنك
عطينا حلا وبس لو تجيبين بنت الصحن
هههههههههههههه

اتركيك من محمد راعي الرطب والحليب
شوي ليا شاف نعمة الله اول ما يلقط الصحن هو ههههههههههههههههه



ههههههههههههههههههههههههههههههه

خلاص اجيب الصحن واوزع على الموجودين


دندونه<< من هنا،، مرت

[محمد الروقي]

ايه يادانه

تعالي خلينا ضد الحضر حقين الكنافه

[الدانة]

الروقي كنافتهم وتحضرهم مهو بنافعهم


دنتيلا روحي سوي القهوه التي تقعد الراس ؟؟

واذا ما تعرفين مو مشكله راضين كابتشينو او موكاااااااا يالحضريه خخخخخخخ

[بدر بن الحميدي]

غازي و سامي
صحة السنتكم جميع
للأسف فاتتني المحاوره والحليب والرطب والكنافه
تحياتي للجميع

[سامي الرقيب]

بدر بن الحميدي
صح بدنك ولا هنت وشرفتنا

بس ما يجتمع الحليب والرطب والكنافه
اختار يا رطب وحليب يا كنافه وقهوه
هههههههههه

[غنادير]

الروقي كنافتهم وتحضرهم مهو بنافعهم


دنتيلا روحي سوي القهوه التي تقعد الراس ؟؟

واذا ما تعرفين مو مشكله راضين كابتشينو او موكاااااااا يالحضريه خخخخخخخ


حبيبتي احنااا بدووو

انا بدوي وثوبي على المتن مشقوق ... مثل الجبال السمر صبري ثباتي

واعرف اسوووي قهوه تقعد الراس .. مو قهوتج كابتشينو ومدري شنو

<<تطرف بالعجراا


عاااش سااامي
<<تشجع



دندونه<< من هنا،، مرت

[سامي الرقيب]

دانتيلا لا يهمونك هاتي الكنافه بس ودلة الرسلان عانيها على شق النار عندي
هههههههههههههههه
لا يغرك الرطب والحليب ترى نياقهم معها حمى البعارين ههههههههههههه

[بدر بن الحميدي]

الشرف لي ونا خوك ومادام خيرتني بختار الحليب والرطب والقهوه
اما الكنافه خلها مع الكبتشينو والموكا هههههههه تحياتي

[الدانة]

دانتيلا عفيه على الشاطره


الا صج تبين ابره وخيط ؟ خخخخخخخخخخخخ

[محمد القسامي]

صحت ألسنتكم طاروق ناري
وباقي له صول وجول
متابع لكم وأنا بروح بدف ددسن غازي أذنه ينتعها ولا نشرك لها
بجيبه لكم هو وددسنه

[الدانة]

يا حلو حمى البعارين ببرنا


ولا انفلونزا الخنازير بتحضركم ههههههههههه



السالفه ضحك وكلكم على راسي


دانتيلا تحيه خاصه لج يالغاليه

[غنادير]

دانتيلا عفيه على الشاطره


الا صج تبين ابره وخيط ؟ خخخخخخخخخخخخ




لا مااابي مشكوووره بدووويه وافتخر ان ثووبي مشقوق ^_^

دندونه<< من هنا،، مرت

[غنادير]

هههههههههههههههههههههههههههه

دانه تسلمين يالغلااا

بس ماراح اعطيج من الحلوى والرهش ^_^

وينه غاازي طوول علينا بانتظااره


دندونه<< من هنا،، مرت

[بدر بن الحميدي]

ماتجتمع ثنتين ثم خيروني=واخترت لاكن العرب هملوني

يالله عسى ماتخيب فيهم ضنوني=ألم تكن ذئباً كلتك الذيابه

[مالي شبيه]

السلام عليكم جميعا

صح لسانكم ابدعتم

وانا بصف سامي مع دندونه ولا يهون غازي





مالي شبيه

[سامي الرقيب]

خيرتكم بين الرطب والكنافه = واخترتهم وتقول لا وا حسافه
اقرب لصفي شوف حسن الضيافه = ان لم تكن ذئباً كلتك الذيابه

[سامي الرقيب]

السلام عليكم جميعا

صح لسانكم ابدعتم

وانا بصف سامي مع دندونه ولا يهون غازي





مالي شبيه



وعليكم السلام ورحمة الله وبركاته
حياك الله يا مالك شبيه
والله انك لترحب
حياك الله من ممشاك ليا ملفاك

[محمد الروقي]

وينك يا غازي عطنا الرد عجل

ترانا في صفك شكل الاتصال مطينهاا معك

[محمد الروقي]

لا تغيرون المنحا ياسامي انت وبدر

[بدر بن الحميدي]

خيرتني ياصحبي ثم قفيت=هملت ضيفاً من ضيوفك وصديت

والحين بضيافة هل العز والبيت=الم تكن ذئباً كلتك الذيابه

[بدر بن الحميدي]

صدق محمد يا سامي والمعذره

[غنادير]

اقووول

ليش خربتووو المحااوره
<<تطرف بالعجرا


دندونه<< من هنا،، مرت

[بدر بن الحميدي]

مافيه شي خرب متابعين للمحاوره
وتراني مدرب صفك ياغازي تحياتي للجميع

[تلميذة الايآم]

ههههههههههههههه

ماشاء الله عليكم
دندوشه انتي عجرتك بس جاهزه هاه

صحت السنتكم لاهنتو

[غازي العتيبي]

ماهي تمشا جر وناته = سامي وجرعه صار يجرعها
وقفات عازي في مسراته = جنيتك لابد نصرعها

[محمد الروقي]

الله الله ياغازي

الميل عليكم ياصف سامي وبدر جبناه معناا

يالله يا اهل الكنافه

[بدر بن الحميدي]

ماهي تمشا جر وناته = سامي وجرعه صار يجرعها
وقفات عازي في مسراته = جنيتك لابد نصرعها

الله الله
صح السانك
الليل الليل

[بدر بن الحميدي]

مرحبا يامحمد بدر معكم من البدايه يدون تردد

[غنادير]

صح لساانك

وبانتظاار سامي



دندونه<< من هنا،، مرت

[بدر بن الحميدي]

حاول سامي يغريني بالكنافه بس ماطاوعته هههههه
تحياتي لك ياسامي

[سامي الرقيب]

غازي وقف تابع ملذاته = يبغى العرب تترك مرابعها
اثره جمل ما طاحة لهاته = لا من لقي علبه يقربعها

[محمد الروقي]

اقعدي اسامي مغير انت ودانتلا فالخلااا

الميل عليكم يالله ياغازي اقدحه ولع النار عليهم ياغازي

خلك قريب يابدر لا تروح هجدناهم الكنافه ضيعوهااا

[غازي العتيبي]

ماهوب انا اللي جات زلاته = والطرقه الزانه ابتبعها
ماني بجيزاني عبد قاته = نروي قراحن من منابعها

[غازي العتيبي]

حي الله الجميع
وخاصتن صفوفي هههههه
لاهنتم جميعن
الليل الليل
.....

[غنادير]

الله يحييك يا غااازي

محمد انا بشجع سااامي ^_^

عاااااش سااامي صح لساانك
<<من زماان مو مشجعه


دندونه<< من هنا،، مرت

[بدر بن الحميدي]

ماهوب انا اللي جات زلاته = والطرقه الزانه ابتبعها
ماني بجيزاني عبد قاته = نروي قراحن من منابعها

ابك البقى وصح السانك
قريب يا محمد ابشر بعزك دام غازي شاعرنا
والله الله سوا سوا في صفنا من قدنا

[سامي الرقيب]

ما انته بكافر عابدٍ لاته = واهل الكرم نعرف تواضعها
لاكن قلتو قول وحجاته = حنا البنيه رهن اصابعها

[غازي العتيبي]

سامي نعرفه من حراكاته = منا ومنا لو يطوبعها
بعض البشر متشال شرهاته = والبنت تلقا رجل يقرعها

[بدر بن الحميدي]

سامي نعرفه من حراكاته = منا ومنا لو يطوبعها
بعض البشر متشال شرهاته = والبنت تلقا رجل يقرعها

الله الله صح السانك
هذا والله الهجاد

[سامي الرقيب]

سامي كتب وارسل ملفاته = واهل الردى بحرفين يلسعها
يومن قرت مكتوب اده جاته = تبغى الرضاعه قام وارضعها

[بدر بن الحميدي]

غازي و سامي صحة السنتكم جميع

وتحياتي لجميع المتواجدين

[غازي العتيبي]

لاكن حرف في ملفاته = كلمه لسامي كان يسمعها
ماشفت انا للبنت هداته = يومن بنت الناس نردعها

[غازي العتيبي]

هلا يابدر وجودك شرف لاهنت
تحياتي

[سامي الرقيب]

ابحث خفاها تشوف هجداته = بين الجبال الي تروبعها
درب الردى كثرة مطباته = يالله بهذا الليل تقلعها



صح لسانك يا غازي وبيض الله وجهك
والنهايه عندك يالذيب

وصحة ابدان الربع الي شرفونا بمرورهم واسعدونا
ولنا لقاءات ان شاء الله اخرى

سبحان اللهم وبحمدك واشهد ان لا اله الا انت استغفرك واتوب عليك

[غنادير]

صح لسانك يا سامي وصح لسانك ياغازي

والله يعطيكم العافيه

واستمتعت بالمتابعه الممتعه


دندونه<< من هنا،، مرت