المميزة لهذا الاسبووع((العمدة + معجب العتيبي))

[][ الــعــمــدهـ ][]

العمــــــدة




يا معجب الفارس اللي مات نص أخوياه


ما ندري أولى عليه الحرب وألا الدفـن


قدامه أهل السيوف ومن وراه الرمـاه


واخاف روحه بعد بكره تصير الثمـن





معجب العتيبي




يالعمده الناس تمشي مع ضرورف الحياه


الحي موجـود والميـت كسـاه الكفـن


معجب ياعمده يقف في واجبـه ماعـلاه


بس انت قلي سواتك مع ضروف الزمن





العمــــــدة




عشرين تمثال لو تملى عيون الهواه


عند الملمات ماهي درع دون الوطـن


من فرعة الذيب فالمرقاب تسمع عواه


يالله لعلك سليم من الرمي والطعـن





معجب العتيبي




اللي عن الحق غط العين يقرب عماه


والزين ياصاحبي ماهوب مثل العفن


الذيب لاشافني ياذيـب عـوّد وراه


من خوف لايفقد العينين قبـل الاذن





العمــــــدة




صلف الهوى هب والباكور وقته حناه


ما ينعدل لو بغينا ندهنـه بالسمـن


البحر دف الجزيرة لين شق القنـاه


وش عاد لو جات قدامه بيوت العهن






معجب العتيبي




الفقر ياصاحبي ماقارنه بالغنـاه


ولو طول الوقت بالثنتين ماوقفن


والبحر قدمه جبالٍ راسيات وصفاه


الا ان ربي يبا ينفعبه اهل المدن





العمــــــدة




الرجل يحتاج يا معجب حزام وعباه


ماهو لحاه مع الطرقه يسوق الضعن


مجنون ليلى بلي في حبها من صباه


لكنها شام والمجنـون روح يمـن





معجب العتيبي




من دور المجد ياعمده بنفسه لقـاه


واللي يبا المجد عينه مالحقها وسن


مجنون ليلى يبا ليلى وليلـى تبـاه


ياوجد حال المعذرب في زمان الفتن





العمــــــدة




يا طيب الراس لو تحسب جبال السراه


اللي تناقص عددها ما سلمـت الغبـن


العمر ولى وكلً مكتسـي مـن شقـاه


واللي بلا ظهر يضرب فوق عمر البطن





معجب العتيبي




لله سنه بكونه وانت اخذها وصـاه


ياطيب الصيت جود زين حبل الرسن


الصاحب اللي يعز الصاحب ليا نصاه


جعل البنيـات مايبكنـه ليـا بكـن


ـأنـــــتـــــضـــــر ردودكـم

[محمد الروقي]

كاااااااااااااااااااااااااااااايفه
ولا فيها جدال ومن العيار الثقيل
صحة السنتكم لين ترضون فتل ونقض ولا اروع
مروري وتسجيل الاعجاب

[أميرة رواسي]

رأق لــــي مآأإقترت..

كلمات رائعه

صح السنتكم

وربي لايحرمنا من جديدكـ ..:.

[][ الــعــمــدهـ ][]

تـسلم يا محمد ولا قصرت

تحياتي

[صاحب المعالي]

صح لسااانك

[غازي العتيبي]

صحت السنتكم ولاهنتم
تنقل للصفحه المحاورات المنقوله
تحياتي

[بــحـــر]

العمده ومعجب العتيبي
صح السنتكم
والله روووعه على ان فهمي لها قليل جدا
بس أكتفي بقول كلكم روووعه وبس

[][ الــعــمــدهـ ][]

اميرتنا تشكري على المرور العطر

تحياتي العمدهـ

[][ الــعــمــدهـ ][]

صــاحب المعالي

صح الله بدنكـ

تحياتي العمدهـ

[][ الــعــمــدهـ ][]

صح الله بدنكـ يا غازي

سو الي تسويع ما عندك اشكال يا مشرفنا

تحياتي العمدهـ

[][ الــعــمــدهـ ][]

بحر صح بدنك

تحياتي العمدهـ

[][ الــعــمــدهـ ][]

""""" تــــنــــبيهـ هـــأأأأأم """""

يـــأ شباب وبنات القصيده مهي لي منقوله من منتدى ثاني

تحياتي العمدهـ

[فزاع]

صح لسان الشاعرين ولاهنت على النقل