ياللي كبريائك (شيله)

[فواز علي الروقي]

بسم الله الرحمن الرحيم

السلام عليكم ورحمه الله وبركاته

بعد هالغيبه حبيت اصافحكم بالغزل لانه يجمع قلوب العشاق ونحن هنا عشاق رواسي ونعشق

من يعشقها اتمنى ان تنال اعجابكم

http://up.ftahilah.com/up//uploads/9711fe69c5.mp3


ياللي كبريائك

ياعين ياللي كبريائك على الناس


..........أصبح على العشاق رقمٍ قياسي


صرتي عَلَمَ من هامتك لآخر الساس


..........وسرك جمال وكبريائك حماسي


من زين طبعك صار هرجك كالألماس


..........واللي تحدالك هروجه نحاسي


عزك لنفسك رمزك اللي ماينداس


..........يوم إن بعض الناس عزه يداسي


يابو خدودٍ الخجل فوقها راس


..........مافيه مثلك صار من فوق راسي


من طيب روحك قلت ياطيب الأنفاس


..........ولايكرهك غير العداء والخساسي


قلبي ليا شفتك بالأفراح قباس


..........وأنتي عدو إلضيقته والمآسي


حتى غلاك أمسى بلآ حد وقياس


..........وتضماك وتجوعك جميع الحواسي


شربتني كاسك وشربتك الكاس


..........وصرنا على متن الغرام الرواسي


مشاعري زادك وتشرب للإحساس


.........ولخاطري منته بكاسر وناسي


ولاجيت لك غادي ولاجيت عساس


.........جيتك غلاء يوم الغلاء في راسي


يكفيك إنك ماش في جنسك أجناس


.........ويكفيك إنك في علو الكراسي


.................................................. .................................................. .......


الشاعر :


فواز بن علي بن سريع الروقي

[مرهف الاحساس]

الله الله


صح لسانك يافواز


عذبه


جزله


رائعه



من شاعر مميز دائمااااااااااااااااااااااااااااا




محبكم مرهف الاحساااااس

[حسين السبيعي]

أحسنت أخي العزيز/فواز الروقي أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

[عـشـق]

الله عليك / عذب يآ فوآز الروقي
صحت يمينك ودآمتـ آمطآرك !

لاحُرمنآ

[محمد القسامي]

فواز بن علي الروقي
أستمتعت بهذه الرائعه
وأستمتعت بجمال بوحها
صح كلك وجعل السعد مايملك
ودام هالوجود بكل خير وموده

[محمد الروقي]

تسلم يافواز

وبيض الله وجهك وصح قلبك ولسانك

تقبل مروري وتقديري الابدي

[الجازي]

آخْر الغيِبَاتْ بأذنْ الله
وهَا أناَ أرى الأبيات في أبهى حُلة

..[فَوَازْعَليّ الرٌوقيْ]

َصح الأحسَاس وصْح كلكٌ
وإعجاب