المساعد الشخصي الرقمي

مشاهدة النسخة كاملة : أموتك شوق وأحيـآبك ( آخر قصيده كتبتهآ / جديدي ) !!


بدر ال شافي
07-07-2009, 05:58 PM
مـدخـل :


أبطيت عني وأشوفك ماتكلمني=ماتدري إني أشوف النور من نورك
أبكي غيابك عشان أغريك ترحمني=مدري متى تستخير وتعتق غرورك
ماني معاتبك بس أبغاك تفهمني=حسسني إنك تبيني وإتبع اشعورك
وان كان تبغى فراقي لاتعلمني=خلك مقفي وانا بتأمل حضورك




أحبك يابعد نزف الشعور اللي ضماه الجور=أنا مالي سوى قلبك أموتك شوق وأحيابك
تباكاني طموحاتي وحلمي خاطره مكسور=قهر تستنزف جروح الغلا والود يزهابك
تعبت أبكي على غيابك وأجاوب صرختي مقهور=تعبت أعزف على أوتار الشقا والجرح غنابك
تعبت أحبس خيالاتي ولاكن الأمل مقبور=أنا كل مابغيت أنسى وداعك هاجسي جابك
يغص الضحك بأانفاس الحزن وأستوعبه مجبور=عجزت أتنفس افراحي عزيت الضحك بأسبابك
أخيلك والغلا باقصى محاديب أضلعي مأسور=وأحن لشوفتك وأشكي على السلسال واثيابك
حرام إنك تخليني وأنا كلي غلا وشعور=أسولف باالطريق اللي جرح قلبي وقفابك
تعالي يابعد وجه الصباح وياسبات النور=متى مابان نورك غاب نور الشمس بااهدابك
تبطايتك وأحس إن الفضا من غيبتك مهجور=قسم بالله من رحتي عجزت اتحمل اغيابك


مخـرج :


صبري نكرني من كثر ماأتصل فيك=مدري متى تعطف على اللي مقدرك
كل مانسيتك قمت أهذري بطاريك=ساعدنى أنسى وأوعدك ماأتذكرك

محمد القسامي
07-07-2009, 06:16 PM
.. ,, واحد واااااحد

والله الواحد .. ,,

وحجز فاخر للشعر الفاخر

ولي عودهـ تليق بالمقام وراعيه

حسين السبيعي
07-07-2009, 08:32 PM
أحسنت أخي العزيز/بدر آل شافي أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

محمد الروقي
07-07-2009, 08:40 PM
تسلم بدر وصح لسااانك

تقبل مروري وكل التقدير

عـشـق
07-07-2009, 08:52 PM
الشاعر الرآئِع بدر آل شآفي
صحت يمينك على القصيده العذبه
رآق لي كل مآوجد بهذا المتصفح ..

دمت بجمآل ..

هزاع محمدالعاصمي
08-07-2009, 08:18 AM
اخي الشاعر ...بدر الشافي
اسعد دوماً بالمرور من خلال متصفحك الذي يقطر شهداً
صح السانك وبدنك قصيدة تحمل من الحس الشعري اروعه
اجدت في ستعمال ادواتك الشعريه فلا فض فوك اخي الكريم
متابع لك دوماً واسجل اعجابي هنا دمت ودام حسك الشعري الجميل
اجمل تحيه

محمد القسامي
10-07-2009, 12:21 AM
حرام إنك تخليني وأنا كلي غلا وشعور ,,,,
,,,, أسولف باالطريق اللي جرح قلبي وقفابك
تعالي يابعد وجه الصباح وياسبات النور ,,,,
,,,, متى مابان نورك غاب نور الشمس بااهدابك

الله الله
يابدر
أعجبتني هالبيتين ببنائها وخلاصة الشعر فيها
ثقافة شعريه لاتوصف
وعذوبة لاتنتهي
فلك جل المتابعة والإهتمام بما توجد
صح كلك يابرد وجعل السعد مايملك
ودام هالشموخ الشعري بكل خير وموده

أميرة رواسي
10-07-2009, 03:29 AM
ولا أروع شاعرنا

صح لسانك ولاهنت

للقصيدة الشامخة الجميلة

الرحال
26-07-2009, 01:10 PM
رائعه واكثر
سلمت يمينك يالرائع
وصح لسانك ولاهنت

بدر ال شافي
04-08-2009, 02:50 PM
القسآمي حجزك أوكي طآل عمرك وفإنتظآر عودتك يالغالي !