عبدالرحمن الحمد الحافي
30-06-2009, 06:27 AM
بسم الله الرحمن الرحيم
السلام عليكم ورحمة الله وبركاتة
أولاً أعتذر للجميع عن هذا الغياب , الدراسة ماخذة وقتي
وان شاء الله اكون متواجد بالفترة هذي , ف/أرجوا قبول العذر
مشاركتي وهي المشاركة الأولى في هذا المنتدى الرائع
قصيدة أتمنى أن ترتقي إلأى ذائقتكم
لـو المحبـة يالغـلا تمشـي علـى مانشتهيـه = ماكان شفت عروق قلبـي بالهـوى يرثـى لهـا
ولو الحزن لا جا على الرجال ماطبطـب عليـه = كان السنين الموحشـه صكـت عليـه غلالهـا
ولو السعـادة كـل أبوهـا نشتريهـا بالجنيـه = ماكان شفـت الحـزن دلـه والبشـر فنجالهـا
ما نيب م/تفلسف ولكن الحـزن طالـت يديـه = يعقـد بكفـة عقـدةٍ تصعـب علـى حلالهـا
كل مانتهـى حزنـي بقايـا ذكرياتـي تبتديـه = وماينتهـي ليـن السعـادة تعتـرف بهمالـهـا
حسبي على ظلم الفراق اللي غـرز بـي مخلبيـه = يومـه حرمنـي أكحـل المهـرة وأنـا خيالهـا
مدري من حظوظ الدهر وإلا من حظوظ النبيـه = بالحالتيـن الصبـر مفتـاحٍ يـفـك قفالـهـا
لا زال في صـدري غـلا والله مامثلـه شبيـه = لو ينتثر بعضـه علـى الدنيـا تـذوب جبالهـا
ياصاحبي لا تحدنـي أصافـح كفـوف السفيـه = ولا تجبر الأفـراح مـن جوفـي تشـد رحالهـا
قلي وش اللي تطلبه ؟ حاضر بكل اللـي تبيـه = هذي ضلوعي فدوتـك مـن جالهـا ل/جالهـا
ودي أضمك ضمـة المشتـاق ل/أمـه أو أبيـه = وطفي من الأشـواق جمـرة تشتعـل بلحالهـا
خذني على صدرك وخل الشوق يحكـي مالديـه = وإنت استمع للقصة اللي خافقـي يسعـى لهـا
من غبت ياعين الظبـي والـزاد ماعـاد أهتويـه = يمنـاي مـن دلـه غيابـك تممـت فنجالهـا
والضيقة اللي في خفوقي أصبحـت منّـه وفيـه = لقيـت لهـا بيـن الحنايـا حيـلـةٍ تحتالـهـا
لا جيت ابنسى من غلاته لاح طيفـه بالوجيـه = أضحك ونفسـي بالحقيقـه تشتكـي غربالهـا
وشلون يهجرني وأنـا بحبـه مخاشـر والديـه؟ = وشلون ترضى يالغلا روحـي تمـوت بفالهـا؟
وأنا على شانك ترى هلّيت دمعـي كـل ابيـه = وشلون ترخص دمعـةٍ لجلـك يهـل هلالهـا؟
إن كان جرحي يعجبك (إجرح) وش اللي تحتريه؟ = لكن تأكـد عزتـي منتـب كفـو ترقـى لهـا
وإن كان حبك بالمذله ذا تـرى بـدري عليـه = يعني : لبو حبٍ نـوى يرخـي جبيـن رجالهـا
بمشي على قول المثل (من باعنـي مـا أشتريـه) = لو كان بعده ينتـق عـروق الهـوى ويشتالهـا
أبيك تفهم شي واحد يشـرح اللـي باحكيـه = لو منت غالي هـ/ القصيـدة مانهمـر شلالهـا
السلام عليكم ورحمة الله وبركاتة
أولاً أعتذر للجميع عن هذا الغياب , الدراسة ماخذة وقتي
وان شاء الله اكون متواجد بالفترة هذي , ف/أرجوا قبول العذر
مشاركتي وهي المشاركة الأولى في هذا المنتدى الرائع
قصيدة أتمنى أن ترتقي إلأى ذائقتكم
لـو المحبـة يالغـلا تمشـي علـى مانشتهيـه = ماكان شفت عروق قلبـي بالهـوى يرثـى لهـا
ولو الحزن لا جا على الرجال ماطبطـب عليـه = كان السنين الموحشـه صكـت عليـه غلالهـا
ولو السعـادة كـل أبوهـا نشتريهـا بالجنيـه = ماكان شفـت الحـزن دلـه والبشـر فنجالهـا
ما نيب م/تفلسف ولكن الحـزن طالـت يديـه = يعقـد بكفـة عقـدةٍ تصعـب علـى حلالهـا
كل مانتهـى حزنـي بقايـا ذكرياتـي تبتديـه = وماينتهـي ليـن السعـادة تعتـرف بهمالـهـا
حسبي على ظلم الفراق اللي غـرز بـي مخلبيـه = يومـه حرمنـي أكحـل المهـرة وأنـا خيالهـا
مدري من حظوظ الدهر وإلا من حظوظ النبيـه = بالحالتيـن الصبـر مفتـاحٍ يـفـك قفالـهـا
لا زال في صـدري غـلا والله مامثلـه شبيـه = لو ينتثر بعضـه علـى الدنيـا تـذوب جبالهـا
ياصاحبي لا تحدنـي أصافـح كفـوف السفيـه = ولا تجبر الأفـراح مـن جوفـي تشـد رحالهـا
قلي وش اللي تطلبه ؟ حاضر بكل اللـي تبيـه = هذي ضلوعي فدوتـك مـن جالهـا ل/جالهـا
ودي أضمك ضمـة المشتـاق ل/أمـه أو أبيـه = وطفي من الأشـواق جمـرة تشتعـل بلحالهـا
خذني على صدرك وخل الشوق يحكـي مالديـه = وإنت استمع للقصة اللي خافقـي يسعـى لهـا
من غبت ياعين الظبـي والـزاد ماعـاد أهتويـه = يمنـاي مـن دلـه غيابـك تممـت فنجالهـا
والضيقة اللي في خفوقي أصبحـت منّـه وفيـه = لقيـت لهـا بيـن الحنايـا حيـلـةٍ تحتالـهـا
لا جيت ابنسى من غلاته لاح طيفـه بالوجيـه = أضحك ونفسـي بالحقيقـه تشتكـي غربالهـا
وشلون يهجرني وأنـا بحبـه مخاشـر والديـه؟ = وشلون ترضى يالغلا روحـي تمـوت بفالهـا؟
وأنا على شانك ترى هلّيت دمعـي كـل ابيـه = وشلون ترخص دمعـةٍ لجلـك يهـل هلالهـا؟
إن كان جرحي يعجبك (إجرح) وش اللي تحتريه؟ = لكن تأكـد عزتـي منتـب كفـو ترقـى لهـا
وإن كان حبك بالمذله ذا تـرى بـدري عليـه = يعني : لبو حبٍ نـوى يرخـي جبيـن رجالهـا
بمشي على قول المثل (من باعنـي مـا أشتريـه) = لو كان بعده ينتـق عـروق الهـوى ويشتالهـا
أبيك تفهم شي واحد يشـرح اللـي باحكيـه = لو منت غالي هـ/ القصيـدة مانهمـر شلالهـا