المساعد الشخصي الرقمي

مشاهدة النسخة كاملة : حسبي على الثلج ,,,, الناااااايف


نياف العتيبي
01-06-2009, 10:07 PM
مـادام تنشـد عـن همومـي وسبتهـا=أبشـر بعـزك بوضّـح كـل الأسبابـي
أعطيك موجز عـن القصـه وسيرتهـا=قـدّام يكثـر عنـاي وتكثـر أنشـابـي
مع احتفاظـي ببعـض رمـوز شفرتهـا=في دسـك مضغـوط ماسجلـت بكتابـي
السالفـه مـن بـدت حتـى نهايتـهـا=الله وكيلـك وجـرح القلـب ماطـابـي
عقـب البطـا جيتهـا شفـقٍ لشوفتهـا=أسابق خطـاي وجـل القلـب مرتابـي
مدري وش اللي بقي لـي مـن محبتهـا=مدري بقـى ولـف والاَ سـد الابوابـي
قلـت أستثيـره وحـدد ويـش غايتهـا=أهديـه وردٍ يقـدم بـيـن الأحبـابـي
كـان قبلـتْ وردتـي عرفـت نيتـهـا=وإن ماخذتها وضح ماكـان لـي غابـي
قدمـت خطـوه وعينـي يـم نظرتهـا=أشوف فيهـا رضـا والاَ بهـا عتابـي
لمحت فيهـا خجـل مـع زود رعشتهـا=وأهديت ورده وعـض التـرف بالنابـي
حسبي على الثلج ليـه يعـضْ شفتهـا=حسبي على النـار ليـه الثلـج ماذابـي
حسبي على الردف يوم يضيـم مشيتهـا=حسبي على الردف يقصر ضاف الاسلابي
حسبـي علـى النـود لاهـبت تقفتهـا=ياليل راع الهـوى مـن حظـه الهابـي
اقفت وهي تلتفت تقصــّر بخطوتها = تغضي بنجل ٍ هزعها طول الاهدابي

محمد القسامي
01-06-2009, 10:37 PM
رقم واحد والله الواحد

ماأحلى من هالقصيده

غير وجودك يالنايف

كايفه ومن راس كايف إبداعه جزاله

صح كلك يالنايف وجعل السعد مايملك

ودام هالوجود بكل خير وموده

حور
01-06-2009, 11:27 PM
صح لسانك نياف العتيبي على عذوبة حرفك
دمت بكل الخير
حــُور

محمد الروقي
01-06-2009, 11:48 PM
يالنايف


اسمعني زين

صح لسااانك لين ترضى ونت لا ترضى

خلني اغني يالاح ياملاحي وصح لسان النايف

ولك بعدها

الشي الي انت خابره

تريلة ورد
وتريلة ند كنبودي اصلي

وتريلتين ود صادق من القلب

نايف العصيمي
02-06-2009, 12:28 AM
صح لسانك يالنايف

......,, عدد بلا مدد ,,.......

كايفه كعادة صاحبها المتألق

تحياتي لك ,,..................................... .

يوسف عبدالله الغنامي
02-06-2009, 02:30 AM
الرائع النايف


صح لسانك وعلا شانك

جزل كما عهدتك يالغالي

سيف الجهيم
02-06-2009, 12:56 PM
قلـت أستثيـره وحـدد ويـش غايتهـاأهديـه وردٍ يقـدم بـيـن الأحبـابـي
كـان قبلـتْ وردتـي عرفـت نيتـهـاوإن ماخذتها وضح ماكـان لـي غابـي






نياف العتيبي صح لساانك وعلا شاانك جزلة




بيض اله وجهك ولا هنت


لك ودي

فواز علي الروقي
02-06-2009, 02:39 PM
صح لسانك

يانياف

لاهنت على ماقلت

تقبل تحياتي

شاعرة نجد
02-06-2009, 08:02 PM
صح لسانك يالنايف

ولاهنت على هالعذبه

تحيتي’,,

نياف العتيبي
03-06-2009, 03:21 PM
رقم واحد والله الواحد

ماأحلى من هالقصيده

غير وجودك يالنايف

كايفه ومن راس كايف إبداعه جزاله

صح كلك يالنايف وجعل السعد مايملك

ودام هالوجود بكل خير وموده

الله يديم وجودك يالخال

ولاخليت منك انت وشرواك

وصح بدنك

ولاهنتتتتتتتتت


النااايف

حسين السبيعي
04-06-2009, 09:12 AM
أحسنت أخي العزيز/نياف العتيبي أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

مرهف الاحساس
04-06-2009, 11:49 AM
الله عليك



صح لسانك



قصيده في قمه الرووعه والجزاله




لك ودي واحترامي





مرهف الاحساااااس

نياف العتيبي
07-06-2009, 09:29 PM
صح لسانك نياف العتيبي على عذوبة حرفك
دمت بكل الخير
حــُور


حور

صح بدنك

ولاهنتي

كل الشكر لاطلالتك

الناايف

نياف العتيبي
09-06-2009, 10:07 AM
يالنايف


اسمعني زين

صح لسااانك لين ترضى ونت لا ترضى

خلني اغني يالاح ياملاحي وصح لسان النايف

ولك بعدها

الشي الي انت خابره

تريلة ورد
وتريلة ند كنبودي اصلي

وتريلتين ود صادق من القلب



هلابك يالبدوي

تغمرني بطيبك لاخليت منك


الناااايف

خالد الغنامي
09-06-2009, 10:17 AM
مع احتفاظـي ببعـض رمـوز شفرتها=في دسـك مضغـوط ماسجلـت بكتابـي

الله الله يالنايف

فكره واقتناص لم يسبقك عليه احد

صح لسانك مدد لا عدد


مودتي واحترامي

الأصيلة بنت أبوها
09-06-2009, 07:56 PM
عافاك والشرماجاك

صح لساااااانك يانياف العتيبى

كفيت ووفيت لاعدمناك