عبدالرحمن الميموني
24-05-2009, 01:31 AM
أتركها لكم للتواصل
قم يا نديبي فوق توريد الألمان=اللي يدله ضايق الصدر ممشاه
توريد للجفال والختم برهان =ياقل ماتلقا شبيهه وحلياه
شبح جديد الصنع ماني بغلطان =من يعشق السكبه وقف ما تعداه
ماهي حسافه لأدفعت فيه الأثمان= ولاهي خساره دامها في مزاياه
راسين للماطور راهي ومليان = ست أميه أسود كامل الوصف يزهاه
اليا مشا قايد مشى وسط ميدان =واليا وقف شيخ ٍ هل العرف تنصاه
إبداع تصميمه لفة كل الأعيان =كم واحد ٍ من دهشته قام حياه
يعجبك تركيبه على كل الاوزان = ويعجبك بالتصميم عكفت حناياه
اليا أنطلق في سرعته تقل شيهان = واليا استوى بالخط فرّش زواياه
مجهزن مافيه خله ونقصان =ومولمه راعيه علم ٍ تحراه
ممشاك من دار الحويه مسيان = وملفاك في بيت ٍ على الجود مبناه
لمعزي اللي فالوفاء عالي الشان=اللي على الطالات بانت مداياه
لا من وصلته سلمه يا كحيلان =خط ٍ على المسحوب كشْـفت خفاياه
قله رساله جات من دون عنوان=من شاعر ٍ ترجم لقافه ومعناه
يشكي بها من لوعة أهموم الأزمان=ويجر صوتٍ يشبه الذيب بعواه
ويقول مال الرجل في بعض الأحيان=الا السكوت وجلبت الصمت لأرضاه
أشوف شي ٍ يودع القلب سقمان=طال وتعدا وأكثر الناس تهواه
يا بو مشاري مالها عنك مزبان=حيثك فهيم وتفعل الطيب يمناه
أبنشدك عن ملـّـت ٍ بين الأديان=وأبيك تنظر في زمان ٍ مشيناه
لاصار هذا الوقت يزمي بخوان=وش قيمة اللي بالوفاء يقهر أعداه
مادآم ميـّزها على كف يزان=وجاته رمايت خايب ٍ ما تعداه
وأصبح وسيع المعرفه بين الأوطان=مكروه والسبه غشيم ٍ تبلاه
يا معزي العالم تقل صابها جنان=ويا كثر من هو بالقفاء تركض أخطاه
أشوف وتشوفون صاحي ونعسان=لـــكن بلشنا بالحيا والمداراه
يا خوك وضح لي تراتيب واركان=حيثك فهيم وتخضع القوم لأرياااه
مضمون خطي جالكم عبر قيفان=وأنا أتحرى رايكم لا عدمناه
رد الشاعر ابو مشاري , معزي الشلاحي
ياراكب اللي مصدره صنع يابان=فكسارفل ابشن قليله حلاياه
اسطب لكزس والزنن والمجلان=كامل مكمل يطوي البعد مسراه
مديله السبعه بعد عام اللفان=من البريمي للوازم شريناه
ومن يشري الفكسار ماهو بخسران=ولاهو خساره فيه مالٍ دفعناه
قم يامشاري شغل الجيب عجلان=ملفاك قرمٍ يكرم الضيف لاجاه
في مجلسه تلقابه البن خولان=قرمٍ على الحايل عزوفن بيمناه
قل يابن فالح جيت لافي علشان=اعطيك خطٍ وتحيه بمبداه
من والدي رجلٍ لشوفتك شفقان=ومنزلك في قلبه رفيعاً بمبناه
جتنا رساله منك والهرج نيشان=مضمونها يالقرم ساعة قريناه
رحبت به ترحيب من قلب والسان=ترحيب من مبداه لاحد ملفاه
الرسالةٍ عطرتها عطر ريحان=والطيب لرجال من طيب مجناه
وسندة لي شكواك في كل ماكان=وانا اعرف الطيب يجي ماكثر اعداه
والوقت لو ايجور ياذيب سرحان=ساير زمانك ون تحدى تحداه
لاتستمع في هرجة افلان وفلان=هرج الضعيف اللي قريب معشاه
الناس به شيطان في صورة انسان=لاشاف له طيب مقفي تبلاه
يشعب ذلوله مالها شداد وعنان=عايش غلط يالقرم تايه بدنياه
وان كان باح الصبر والقلب وجعان=انا معك واطاء برجلي علباه
نذراً علي لفعلبه افعولن اتبان=راع الردا خابة عجوزن ترجاه
قبيح وجه ويعرف اقليل احسان=عساه يذلف ذلفة امقيط ورشاه
والدهر لاش انكان ماجاله اعوان=والحسد داء معروف وصعيبٍ ادواه
والله ماقول الهرج من دون ضمان=ولاسمع لمن صر النمايم بمخباه
وانته رجل سجل لك المجد عرفان=من روس ربعٍ للجزيله مضراه
اخذ الكلام الصدق وتقنته اتقان=لانك ولد عودٍ وانا اهتم برضاه
والمعذره لاصار بالهرج نقصان=ومنهو يبي فيك الردى الله يبلاه
وانا خوالي يابيض الوجه ضبطان=كيد العدا مثل السيوف المسماه
ولكم تقديري
عبدالرحمن الميموني
النداوي
قم يا نديبي فوق توريد الألمان=اللي يدله ضايق الصدر ممشاه
توريد للجفال والختم برهان =ياقل ماتلقا شبيهه وحلياه
شبح جديد الصنع ماني بغلطان =من يعشق السكبه وقف ما تعداه
ماهي حسافه لأدفعت فيه الأثمان= ولاهي خساره دامها في مزاياه
راسين للماطور راهي ومليان = ست أميه أسود كامل الوصف يزهاه
اليا مشا قايد مشى وسط ميدان =واليا وقف شيخ ٍ هل العرف تنصاه
إبداع تصميمه لفة كل الأعيان =كم واحد ٍ من دهشته قام حياه
يعجبك تركيبه على كل الاوزان = ويعجبك بالتصميم عكفت حناياه
اليا أنطلق في سرعته تقل شيهان = واليا استوى بالخط فرّش زواياه
مجهزن مافيه خله ونقصان =ومولمه راعيه علم ٍ تحراه
ممشاك من دار الحويه مسيان = وملفاك في بيت ٍ على الجود مبناه
لمعزي اللي فالوفاء عالي الشان=اللي على الطالات بانت مداياه
لا من وصلته سلمه يا كحيلان =خط ٍ على المسحوب كشْـفت خفاياه
قله رساله جات من دون عنوان=من شاعر ٍ ترجم لقافه ومعناه
يشكي بها من لوعة أهموم الأزمان=ويجر صوتٍ يشبه الذيب بعواه
ويقول مال الرجل في بعض الأحيان=الا السكوت وجلبت الصمت لأرضاه
أشوف شي ٍ يودع القلب سقمان=طال وتعدا وأكثر الناس تهواه
يا بو مشاري مالها عنك مزبان=حيثك فهيم وتفعل الطيب يمناه
أبنشدك عن ملـّـت ٍ بين الأديان=وأبيك تنظر في زمان ٍ مشيناه
لاصار هذا الوقت يزمي بخوان=وش قيمة اللي بالوفاء يقهر أعداه
مادآم ميـّزها على كف يزان=وجاته رمايت خايب ٍ ما تعداه
وأصبح وسيع المعرفه بين الأوطان=مكروه والسبه غشيم ٍ تبلاه
يا معزي العالم تقل صابها جنان=ويا كثر من هو بالقفاء تركض أخطاه
أشوف وتشوفون صاحي ونعسان=لـــكن بلشنا بالحيا والمداراه
يا خوك وضح لي تراتيب واركان=حيثك فهيم وتخضع القوم لأرياااه
مضمون خطي جالكم عبر قيفان=وأنا أتحرى رايكم لا عدمناه
رد الشاعر ابو مشاري , معزي الشلاحي
ياراكب اللي مصدره صنع يابان=فكسارفل ابشن قليله حلاياه
اسطب لكزس والزنن والمجلان=كامل مكمل يطوي البعد مسراه
مديله السبعه بعد عام اللفان=من البريمي للوازم شريناه
ومن يشري الفكسار ماهو بخسران=ولاهو خساره فيه مالٍ دفعناه
قم يامشاري شغل الجيب عجلان=ملفاك قرمٍ يكرم الضيف لاجاه
في مجلسه تلقابه البن خولان=قرمٍ على الحايل عزوفن بيمناه
قل يابن فالح جيت لافي علشان=اعطيك خطٍ وتحيه بمبداه
من والدي رجلٍ لشوفتك شفقان=ومنزلك في قلبه رفيعاً بمبناه
جتنا رساله منك والهرج نيشان=مضمونها يالقرم ساعة قريناه
رحبت به ترحيب من قلب والسان=ترحيب من مبداه لاحد ملفاه
الرسالةٍ عطرتها عطر ريحان=والطيب لرجال من طيب مجناه
وسندة لي شكواك في كل ماكان=وانا اعرف الطيب يجي ماكثر اعداه
والوقت لو ايجور ياذيب سرحان=ساير زمانك ون تحدى تحداه
لاتستمع في هرجة افلان وفلان=هرج الضعيف اللي قريب معشاه
الناس به شيطان في صورة انسان=لاشاف له طيب مقفي تبلاه
يشعب ذلوله مالها شداد وعنان=عايش غلط يالقرم تايه بدنياه
وان كان باح الصبر والقلب وجعان=انا معك واطاء برجلي علباه
نذراً علي لفعلبه افعولن اتبان=راع الردا خابة عجوزن ترجاه
قبيح وجه ويعرف اقليل احسان=عساه يذلف ذلفة امقيط ورشاه
والدهر لاش انكان ماجاله اعوان=والحسد داء معروف وصعيبٍ ادواه
والله ماقول الهرج من دون ضمان=ولاسمع لمن صر النمايم بمخباه
وانته رجل سجل لك المجد عرفان=من روس ربعٍ للجزيله مضراه
اخذ الكلام الصدق وتقنته اتقان=لانك ولد عودٍ وانا اهتم برضاه
والمعذره لاصار بالهرج نقصان=ومنهو يبي فيك الردى الله يبلاه
وانا خوالي يابيض الوجه ضبطان=كيد العدا مثل السيوف المسماه
ولكم تقديري
عبدالرحمن الميموني
النداوي