منور العوني مع التحيه (اقرب لاهنت)

[محمد ابن براك العطاوي]

السلام عليكم ورحمة الله وبركاته
مساكم الله بالخير
اسمحوا لي بها الطاروق الله لايهينكم
استلم يابو سعود /

سلام رديه على الشعار والوضع مخبور = الطيب في بعض العرب ضمن الصفات السايده
حضر هنا منور وزاد النور ياشعار نور = ذا عيد والواجب نخليها فرح ومعايده

[محمد الروقي]

مشا الله تبارك الرحمن

جزل يابو براك وعوايدك الجزاله

ومنور كفو وننتظر محاوره عملاقه

بين شاعرين لهم صيت على روس الاشهاد

صح لسااانك ولسان منور مقدمااااا

تحياتي

[منور العوني]

ابو براك

والله ماشفت ابياتك الا قبل كم دقيقه

وانا ينومسني المحاوره مع اللي مثلك وشرواك

استلم



يامرحبا يامحمد البراك والدنيا تدور=والطيب بحرٍ والمراجل ياخويي كايده
انا هنا تلميذ للشعار والجمع الحضور=والعيد في شوفتك يانسل الرجال الرايده

[منور العوني]

محمد الروقي

صح بدنك

وماعليك زود

بس ماودك تعلمني

انت وين انت رايح في هالبران

هههههههههههههههههههههههههه

[محمد الروقي]

هلا يامنور

وصح لساااانك لين تقول بس خبري فيك وفي جزالتك

خلاني ادور عليك لين لقيتك وشرفني مثلك ,,,و

البر تطلع فيه الهواجيس يالطيب ونشا الله اعزمك انت وشرواك
في مكان يخليك تضهر هواجيسك صدق

تحياتي

[منور العوني]

صح بدنك


وشرواك الطيب يامحمد

[إبراهيم صبحي العضيله]

صـــــــــــــح لساانك اخوي محمد

صــــــــــــح لساانك اخوي منور

شعراء دواهي

الله يعطيكم العافيه

تحياتي

[محمد ابن براك العطاوي]

ابو براك

والله ماشفت ابياتك الا قبل كم دقيقه

وانا ينومسني المحاوره مع اللي مثلك وشرواك

استلم



يامرحبا يامحمد البراك والدنيا تدور=والطيب بحرٍ والمراجل ياخويي كايده
انا هنا تلميذ للشعار والجمع الحضور=والعيد في شوفتك يانسل الرجال الرايده


دام البقا لكن به ياصاحبي نقطة عبور=الرجل فيها يحتسب للناقصه والزايده
كل ادمي له مستوى وانته ترى مابك قصور=من يلعب القلطه معك لازم يروح ابفايده

[محمد ابن براك العطاوي]

محمد الروقي صح بدنك وماعليك زود

العضيله صح بدنك وشهادتك وسام

شرفتونا الله يشرف مقداركم ويجزاكم خير

[منور العوني]

العضيله


صح بدنك

وشهادتك وسام

[منور العوني]

العمر يبدا فالمهد ثم ينتهي وسط القبور=والرجل لازم يعتبر فأقوام قبله بايده
وانا ترى خابرك دايم مع طويلين الشبور=حقك مع الشعار كامل ماتروّح غاديه

[محمد الروقي]

الله الله

هذا الي حببني فيكم

اشهد ان الجزاله الي تعداكم ناقصه

انتم فخر للي لرواسي نجد يالجزلين

[محمد الروقي]

العمر يبدا فالمهد ثم ينتهي وسط القبور=والرجل لازم يعتبر فأقوام قبله بايده
وانا ترى خابرك دايم مع طويلين الشبور=حقك مع الشعار كامل ماتروّح غاديه

صح لسااااااااااانك اقتباس

مع الاعتراف بالجزاله يامنور

عساني ما اسمع بيومك ياشيخ اشهد بالله ان حروفكم تطربني

[منور العوني]

واشهد بالله انك بكلامك تفرض احترامك

على الجميع

وانت تبقى استاذ الجميع

[عمر العتيبي]

الشاعر الكبير / محمد بن براك

تحلّق بعيداً لأجدني بلا إرادةٍ ألوي عنقي
لكي ........ بالكاد أراك في السماء عاليا
لله ما أجملك من رجل

الشاعر العذب / منور العوني

يا هلا فيك مرحبا تراحيب المطر
أنرت المنتدى ، بل أنرت المكان
بحضورك العطر


صحت الألسن
وصفت القلوب



للجميع
ود و ورد


صادق الإحساس

[منور العوني]

استاذ الحرف

عمر العتيبي

صح بدنك

والله يبقيك ويسلمك

عساك دايم فالوجود ياعمر

[محمد ابن براك العطاوي]

العمر يبدا فالمهد ثم ينتهي وسط القبور=والرجل لازم يعتبر فأقوام قبله بايده
وانا ترى خابرك دايم مع طويلين الشبور=حقك مع الشعار كامل ماتروّح غاديه



الموت ياكل فالاوادم والبهايم والجزور = في كل ساعه ياطويل العمر يلقى مايده
الصقر مايكفخ ياكود الا مع فروخ الصقور = وفرخ الحمامه لا كفخ يلقى الصقور الصايده

[محمد ابن براك العطاوي]

الاستاذ الكبير : عمر العتيبي

شرفتنا بمرورك
وبيض الله وجهك على كلامك طال عمرك
وشهادتك وسام على صدورنا
الله يرحم والديك ويجزاك خير

[منور العوني]

الموت مامنّه مفر حتى ولو طال الظهور=حتى لو انك يالبنادم فالديار النايده
الحر يفرق لابدا اللازم وطارن الطيور=وبعض الطيور اليا بدا اللازم تهبي فايده

[محمد القسامي]

صح ألسنتكم شعارنا
طاروق رائع وجزل
واصلو متابعينكم والصفوف أزهلوها عندنا

[محمد الروقي]

ايه نعنشوناااا

بيض الله وجيهكم

والقهوه علي وقريبا انشا الله المحاورة صوتيه

مع تسجيلها لمؤسسة التراث الشعبي المتعاونه مع رواسي نجد

[منور العوني]

بيّض الله وجهك يامحمد على ردودك الوافيه

[السيــ عمهوج ـف]

بيض الله وجيهكم وصح اللسنتكم ولاهنتم