عارف العتيبي
14-05-2009, 04:11 PM
ابارك لكم هذا الزي الجديد لهذا المنتدى الشامخ ، واعتذر عن قلة حضوري ومشاركاتي وذلك بأسباب المشاغل وظروف الحياة ، وارجو منكم تحمل ذلك التقصير
اليوم أضع بين أيديكم هذه القصيدة وهي من بنات أفكاري المقربات لما تعنيه لي مناسبتها من ذكريات جارحة .
صباح الخير من قلب ٍ أبد ماسج عن ذكراك = يهزه طاري اشواق ٍ بقت فالقلب مقبوره
أجل وش رايك اني كل ما احاول عجزت انساك = اهدّي روعة الاشواق لو هي تعلن الثوره
أنا ما ابيك ترجع لي مادام ان الزمن سلاّك = ترى نفسي عيوف ولاهي بزلّتك مجبوره
انا اللي كنت متفاني وهمّي بس كيف القاك = تخطيت الصعاب اللي تقول الناس محضوره
وانا اللي كنت متغاضي عن الزلاّت لجل رضاك = واجامل وابتسم واضحك لو ان النفس مقهوره
اداري شوقي اللي سلطنك فالحب لين اطغاك = وصارت عاطفة قلبي من الاشواق مهجوره
تسمّع في قصيد ٍ مثل ماقد ضحّكك بكّاك = مشاعر شاعر ٍ جاب القصيد وترجم شعوره
أنا ما ابيك تلبس ثوب ماهوب الك لو غطاك = ترى ثوب العرى لوتلبسه مايستر العوره
كشفت الواقع اللي غيّرك واخلفك لين اعماك = خساره ليه ماحطيتني وياك فالصوره
أنا ما اكتب على شان استفزّك معلن ٍ فرقاك = ولكن خابرك لاجبت قافي همت ببحوره
ولا كنت اعتقد بأنك تغير يوم في مبداك = صراحه نفسي بما صار لين اليوم مبهوره
ولا فكّرت فيه احد ٍ يحاول لين جاب اقصاك = ولكن ! طمّعك واغراك غصب بقوّة حضوره
اخوكم / عارف العتيبي
اليوم أضع بين أيديكم هذه القصيدة وهي من بنات أفكاري المقربات لما تعنيه لي مناسبتها من ذكريات جارحة .
صباح الخير من قلب ٍ أبد ماسج عن ذكراك = يهزه طاري اشواق ٍ بقت فالقلب مقبوره
أجل وش رايك اني كل ما احاول عجزت انساك = اهدّي روعة الاشواق لو هي تعلن الثوره
أنا ما ابيك ترجع لي مادام ان الزمن سلاّك = ترى نفسي عيوف ولاهي بزلّتك مجبوره
انا اللي كنت متفاني وهمّي بس كيف القاك = تخطيت الصعاب اللي تقول الناس محضوره
وانا اللي كنت متغاضي عن الزلاّت لجل رضاك = واجامل وابتسم واضحك لو ان النفس مقهوره
اداري شوقي اللي سلطنك فالحب لين اطغاك = وصارت عاطفة قلبي من الاشواق مهجوره
تسمّع في قصيد ٍ مثل ماقد ضحّكك بكّاك = مشاعر شاعر ٍ جاب القصيد وترجم شعوره
أنا ما ابيك تلبس ثوب ماهوب الك لو غطاك = ترى ثوب العرى لوتلبسه مايستر العوره
كشفت الواقع اللي غيّرك واخلفك لين اعماك = خساره ليه ماحطيتني وياك فالصوره
أنا ما اكتب على شان استفزّك معلن ٍ فرقاك = ولكن خابرك لاجبت قافي همت ببحوره
ولا كنت اعتقد بأنك تغير يوم في مبداك = صراحه نفسي بما صار لين اليوم مبهوره
ولا فكّرت فيه احد ٍ يحاول لين جاب اقصاك = ولكن ! طمّعك واغراك غصب بقوّة حضوره
اخوكم / عارف العتيبي