رد على أبيات ناصر الهواوي

[الناقد/عبدالله الروقي]

بلَّغني أبو عبيد بالجوال عن أبياته، فأجبته بهذه الأبيات

‏
على سكة الابداع جينا نحث السير=لجل ناصر اللي جاء يدوِّر لفزعاتي
لو إن الهوى راعيه فيه العقول تْحير=وفتوى الهوى ماهيب ضمن اختصاصاتي
لَكَن جتني الشكوى ولا تَقْبل التأخير=أبا اشحذ لك الهمّة واسوق اقتراحاتي
علاجك تجيب الفحص مع موجز التقرير=ليا مِنْ ضمَنْت كْمَيْت نضمن لك مْراتي
ولا صار سهم الحب ما يقبل التطوير=فعِدِّه مع الحيين مِن ضمن الأمواتي
وأنا خابرك لمَّاح تفهم بلا تكرير=عوايد لبيب العقل رهن الاشاراتي
وخل الهوى في حب مهره، وبنت بعير=وبيت الحرم، وفياض نجد العذياتي
وإذا مرَّت الذكرى وجاب الفكر تصوير=لذيك القصور اللي شوارع ولمباتي
تماكن عفيف وخلك أسرع من المعصير=على ضِلْعه الاصفر اخذ خمس لفاتي
وترى الضلع فيه مْقيم ولّا الطيور تطير=وما فات يا ونيَّان ما ينفع الآتي

‏

[ناصر الهواوي]

هذا رد وافي واضح ولا يبي تفسير ******** ياخذ عشر من عشر ان وضع له علاماتي
لكن فيه جمله كدرت خاطري يا امير ********ابيَّن من لميع سهيل ما به مواراتي
اخص الخصوصيات تكشفت وش غير****** لو اعلنت بالتكتك ما ظنيت احد ياتي
مادام البدي سكراب كلش يبي تغيير****** شف في ساحة التشليح نطل الونيتاتي

[نايف خويتم]

أساتذة شعر صوت وصدى للابدااع والجزالة صحت الالسسسسن

[الجووهره]

شآعرنا عبدالله الروقي
شآعرنا الهواوي
صحت الالسن. ودام الابداع
ويعطيكم العاافيه