عودة حمد

[ناصر الهواوي]

عسى اللي علينا رد خالي بعد طول الغياب
وانا اعني (حمد)يرد في منتدانا الغايبين

هلا مرحبابه ما غشا الارض همال السحاب
وكثر الثواني والدقايق والاشهر والسنين

بعد ما طوينا الياس دونه رجوعه فك باب
بساح الرجا / ما ودنا نكتب من القانطين

وشاح النظر للخلف واخاف ما شافه سراب
فياض الشقاوي مدهره ما بعد جاها غشين

سقا الوابل الصيب من الاصفر لذيك الهضاب
ووادٍ مسمى للحمايم على دوحه رطين

[حمد الحربي]

الله يسلمك و يبقيك يابو عبيد وصح لسانك على هالابيات الطيبه
والله يرد الغايبين..

[حمد الحربي]

الله يسلمك و يبقيك يابو عبيد وصح لسانك على هالابيات الطيبه
والله يرد الغايبين..

[شاعرة نجد]

صح لسانك يالهواوي
وعودا حميدا شاعرنا وعقبال الباقين
سالمين غانمين