يالليل السعد

[ناصر الهواوي]

بسم من له الدنيا وما تحتوي مثبوت
ويوم الحشر عليه ياهون لمتهم

يعلم من اسر بقول والا جهر بالصوت
بتقديره افعال الخلايق ويمتهم

ياليل السعد شعارنا الحاضرين سكوت
مع ان الشعر في هالمواقف مهمتهم

ما ادري بخل والا من حيا بعضهم مكبوت
والا عادة جدودٍ قديمه وعمتهم

والا قولهم نصبر دقايق ولا من فوت
نسمع منطق الشعار ونشوف سنتهم

وعلى نهجهم من ما تيسر نجيب بيوت
لجل نعتلي في مستوى الشعر قمتهم

لكن ياهجوسي رتب اللول والياقوت
انضمها بسلك الماس هيظ قريحتم

ابيها كما غيدا بلدت نظرها الموت
خل ابداعك الليله مناسب لجيتهم

تحايا غلا امزجها بطعم العسل والتوت
وبريح الخزامى نسمة الليل مرتهم

هلا مرحبا ما نبت في هالزمان نبوت
بها فرحوا البدوان والحضر سرتهم

عدد ما درج فوق الوطا من عدن للكوت
ومن عاش بجبال السراة ووراها اتهم

[الجووهره]

هلا بك ملاييين شآعرنا
وصح لسآنك مليووون
ويعطيك العافيه على هالرآئعه
وبانتظار شعرآء روآسي
الله يردهم بالسلامه

[هزاع محمدالعاصمي]

صح السانك وبدنك جزل وافي الله يطول عمرك
ابيات لاتصدر الا من شاعر مميز وانت كذالك لاهنت وبالتوفيق

[محمد الغنامي]

صح لسانك يابو عبيد
هههههههه هذي اتوقع اني انا المقصود الاول فيها

[خيال مطير]

صح لسانك يابو عبيد