قمة طويق

[شاعرة نجد]

ياليتني أطلع على قمة طْويق
واجر موالي واغني لْحالي

ماحولي الا الشامخات الشواهيق
اللي صداها مع صدا الصوت عالي

لي مع جديد القاف عهْد ومواثيق
شعر ومشاعر وان بغيته تسالي

معناي مابين الضلوع المغاليق
من ماضياتٍ مالها اوّل وتالي

هي هكذا الدنيا حْظوظ وتوافيق
وكلٍ على ليلاه والعمر بالي

ياطير ياللي تاخذ الجو تحليق
عطني جناحينك وانا اعطيك شالي

واصير طير وكل ماحافني ضيق
أفرد جناحي وارتفع فـ العلالي

[الجووهره]

هلا بك شآعرتنا المبدعه
نووورتي ي الغآليه
فرحت بشوفتك والله
وصح لسآنك مليووون
ويعطيك العآفيه على هالرآئعه

[ناصر الهواوي]

مرحبا شاعرتنا المبدعه صح الله لسانك مليون ولا يسدون
اتقان وابداع ليس مستغربا ابدا تعودنا عليه
لاهنتي ودمتي وسلمتي
اعجابي وتقديري

[هزاع محمدالعاصمي]

الله عليك شاعرتنا المبدعه نص شعري مميز
فيه من الروعه والجمال الكثير بدعتي اختي الشاعرة
صح السانك الحد رضاك وسجلي اعجابي بالتوفيق

[محمد الغنامي]

شاعرة نجد
صح لسانك على هالابداع
شاعره جزله ولاهي غريبه
دمتي بخير

[خيال مطير]

صح الله لسانك شاعرتنا ـ

[كديميس السيحاني]

لي مع جديد القاف عهْد ومواثيق
شعر ومشاعر وان بغيته تسالي

لله درك
ابداع ما نستغربه منك

[حمد الحربي]

ياسلام صح لسانك شاعرتنا

[شاعرة نجد]

هلا بك شآعرتنا المبدعه
نووورتي ي الغآليه
فرحت بشوفتك والله
وصح لسآنك مليووون
ويعطيك العآفيه على هالرآئعه


الهلا والغلا بك جوهرتنا
والنور نورك
وصح بدنك ويعافيك🌺