من زواج الابن

[ناصر الهواوي]

تم بمعونة الله وفضله في يوم الجمعه اللتي تلت العيد زواج عبيد بن ناصر
ومن ما قيل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
إلـ كل ما بالقلب بالوقت ماحي
الا حريف ازرا الزمن عنه يمحاه

اليا بحثت بقوقله جاء متاحي
وبدون همزة زر تفتح وتقراه

لبهو الصدر في ما حواه اجتياحي
سمه رسيل السهر والوجد والــ آاه

للذاكره يرد ما كان راحي
اللي تحاول طول عمرك تناساه

وطيبٍ تعرفه قبل كم عام فاحي
قبل الفراق إهدا اللقا منك لــ إياه

برق الغلا في غيمة الشوق لاحي
واظلم خياله بالجفن وانتثر ماه

بالصدر ما خلا سعه وانشراحي
والابتسامه والفرح صارت غثاه

بالكبد وابلا عمد سبب جراحي
لاشك الومه يوم قفا وخلاه

جاهل ويحسب قتل غيره مباحي
افتا غروره فايق الزين واغواه

وعلى الطلول غريب البين صاحي
وسود الليالي راحت بداه ودواه

[خيال مطير]

الف مبروك يابو عبيد الزواج .. منه المال ومنها العيال وصح لسانك

ورا ماعزمتنا ... وليش المنتدى مختفي له فتره

[شاعرة نجد]

جعله مبارك والله يفرحك يتوفيقه

من عنوان القصيده توقعتها خاصه بالحفل ههه
صح لسانك على هـ العذبه،،

[ناصر الهواوي]

مرحبا يالخيال وصح بدنك هو انت خليت لنا مجال نعزمك او نتواصل معك؟؟؟؟؟
المنتدى قالي ابو بندر وكأنه متململ منه ابا اسكره وقلت بكيفك وحسبت انتسكروقبل كم يوم ارس لي الناق
رابط وقال انه شغال

[ناصر الهواوي]

مرحبا يالخيال وصح بدنك هو انت خليت لنا مجال نعزمك او نتواصل معك؟؟؟؟؟
المنتدى قالي ابو بندر وكأنه متململ منه ابا اسكره وقلت بكيفك وحسبت انتسكروقبل كم يوم ارس لي الناق
رابط وقال انه شغال

[ناصر الهواوي]

مرحبا بشاعرتنا والله يبارك فيك ويحييك نعم في قصايد وشيلات لكن هذي كتبتها للشباب لانهم يطالبون بشي يعجبهك
لاهنتي ودمتي وسلمتي

[هزاع محمدالعاصمي]

صح السانك ابوعبيد والف مبروك والله يوفقنا وياكم ويرزقه الذريه
الصالحة وانت ما قصرت عزمتني لكن حصل ظرف منعني عن الحضور وظطريت للسفر
وبإذن الله نجتمع قريب ويكون بينا تواصل والله يطول عمرك والجميع على الطاعة بالتوفيق

[محمد الغنامي]

صح لسانك يابو عبيد
والف شكر لك على حسن الاستقبال وحسن الضيافه
وهذي ماهي غريبه عليك
دمت بخير