كل الغصون ان ضاقت اوطانك

[علي القرني]

السلام عليكم ورحمة الله
نعود اليكم بهذا النص واتمنى ان يكون الجميع بخير حال

ضايق فضا . ولا صدر ياطيـر
ولا جفـاك ... اعـز خـلانـك

خابرك لاضاقت عليك اتطير
وتضم جرحك بين جنحانـــك

سجادتك دمعه .. بها التعبير
عن كل شكوى . تعجز لسانك

لك في جناحيـن الدعـا تحريـر
من همك وسجنك .. وسجانك

يالمغترب.. والصمت لك تأطير
كل الغصون ان ضاقت اوطانك

ارمي بدلوك.. في سكات البيـر
حتى ظماك يصير . عطشانك

احترامي
علي القرني

[ناصر الهواوي]

ارحب يالقرني وصح لسانك على ـهــ الدره الرمزيه الاكثر من رائعه مبنى ومعني
الجميع بخير ونتمنى انت تكون بخير وعافيه
تحياتي لك

[ملكة الرواسي]

صح لسانك مليون
نص جميل لا عدمناك شاعرنا

[الجووهره]

هلا بك وصح لسآنك
ودآم ابدآعك

[هزاع محمدالعاصمي]

ياهلا بشاعرنا علي نورت ونورت ابياتك
الاكثر من رائعة باسلوبها المميز سهل ممتنع
راقت لي كثير وإن كانت الرمزيه تحط بظلالها والمعنى بلا شك
في قلب الشاعر صح السانك اسعدني المرور كن ب الجوار دمت في سعادة