@@@

[شاعرة نجد]

السلام عليكم

أبيات لـ التواصل مع التاج...

https://i.ytimg.com/vi/YuKQ1PSTMj0/mqdefault.jpg


قسم كل ماغنت على الغصن ورقاا جبت
خفايا الضمير اللي عن الناس مستوره

أعاف الشعر واتوب,لَـ سْمعتها ماتبت
ترده واوده واكتبه وابحر بْحوره

أواجه امواجه لو تحديتها وتْعِبت
مغروره تقول الناس وأقول مجبوره

مشاعر كسرها عد يوم الاحد والسبت
مسار,انتظار, بْدون لاصوت لاصوره

سكون المساا وان كانِي اخطيت والا صبت
علي هب باخذ مع نسيم الهوى دوره

أنا خاطري طايب وعن من بقلبي طبت
لو اني على سطح القمر عشت مسروره

بعيده عن اهل الأرض لو خاطري لاغبت
عنَّ ناسي يضيق وشاشة الوصل مكسوره!

[نهر]

وعليكم السلام ورحمة الله وبركاته
يامرحبا ومسهلا
حيها وما جابت
صح لسانك واعتلى شانك ولاهو غريب عليك الجزاله والإبداع

[ناصر الهواوي]

بعيده عن اهل الأرض لو خاطري لاغبت
عنَّ ناسي يضيق وشاشة الوصل مكسوره!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
لله درك شاعرتنا المبدعه وقبله عليكم السلام ورحمة الله وبركاته
وصح لسانك ولا فض فوكي
بس لو تقصريت شوي في مدة الغياب لاننا ننتظر هذي ومثلها تحفز الهجوس
وتشجعنا على الاستمرار
تحياتي واعجابي

[محمد الغنامي]

الله الله
شاعره نجد
صح لسانك واعتلا شانك
مبدعه ولاهو غريب عليك الابداع
دمتي بخير وسعاده شاعرتنا

[خيال مطير]

صح لســــــــــــــــــــــــــــــأنك شاعرتنا

الفخامه والجزاله مرسومه رســـــــــــــــمم <>

تحياتي لشخصك العذبــ