سيد المزايين

[خالد ابن هجيره]

السلام عليكم ورحمة الله وبركاته

بدون مقدمات اطرح بين ايديكم هاذه الابيات وان شاء الله تنال اعجابكم




البارحه عديت عال المراقيب=من زود همن ف الضماير يلوفي
اسرح مع الهوجاس واحط واجيب=حلو المعاني باالنقط والحروفي
بسباب غيبت زين كل الرعابيب=اللى سلب قلبي وقلبه عطوفي
وش حاجتك تكويه بالبعد وتغيب=كوى الطغاه اللى تولو ضعوفي
ياما تراسلنا بحلو المكاتيب=تشكى اظروف الوقت واشكى ظروفي
والحين في صدتك ويش المكاسيب=معاد تبغا الحب معاد توفي
يادورة الايام شفنا التعاجيب=من واحدن جعله على مخلوفي
اليا رجع يبشر بكثر التراحيب=منزال حبه في حشاى معروفي
وليا رحل جريت زين اللواعيب=من هاجسن يشكى فراق الهنوفي
وترى الزمان ايدور دور الدواليب=كم دايرن داره وعينه تشوفي
ياسيد الخفرات خل الهناديب=البعد يطعني بحد السيوفي
ولاتنكر المعروف ياراعى الطيب=ابطيت في رجواك وارحم وقوفي
ويادورة الايام شفنا التعاجيب=من واحدن جعله على مخلوفي

[حنين الذكرى]

صح لسانك اخوي خالد
بجد رووووووووووعه
يعطيك الف عافيه

[سراج الجعيد]

صح لسااااااااااااانك ياخالد
اشهد بالله انها جزله
من شاعر جزل
ولا اقول غير الله يلين قلبه
واهديلك هالبيتين
يامعدي المرقاب خله لمشتاق=حول وخل امعذب القلب يرقا
ياليت ربي ماخلق حب وافراق=والا خلق حبن على غير فرقا

[إبراهيم صبحي العضيله]

صــــــــــــــــح لساااااااااانك على هذه الرائعه


الله يعطيك العافيه


تقبل تحياتي

[يوسف عبدالله الغنامي]

صح لسانك يابن هجيره


قصيده وافيه من شاعر وافي

[عناوين الشموخ]

صح لسانك ويعطيك العافيه
قصيده رائعه وكلمات رقيقه وأحساس عالي
في انتظار المزيد بكل شوق ولهفه
تحياتي

[محمد القسامي]

خالد

صح كلك ولاهان راسك

تم النقل من قبلي لتكرار البيت السابع

في البيت الأخر مع العلم بأن بينهما خمسة أبيات فقط

وعدد الأبيات المسموح به والمتعارف عليه هو ستة أبيات وفي البيت

السابع يجاز للشاعر إعادة الوقفة أو جزء من البيت

وإن تمت إعادته كاملآ فذلك يعد ضعفآ في القصيده

[محمد الروقي]

قصيدة

لا غبار عليها اذا اتينا الى شاعرها كمبتدي

ناتي للاعاده في البيت الاخير

البيت هو خارج نطاق القصيدة

ولا يلغي من جمالهااا ولا يحسب خلل في القصيدة


استخدم الشاعر حرف الواو في الاعاده مثلا

ويادورة الايام

لذالك لا غبار على القصيدة

مررت من هنا حسب طلب الاخوه

[خالد ابن هجيره]

قصيدة

لا غبار عليها اذا اتينا الى شاعرها كمبتدي

ناتي للاعاده في البيت الاخير

البيت هو خارج نطاق القصيدة

ولا يلغي من جمالهااا ولا يحسب خلل في القصيدة


استخدم الشاعر حرف الواو في الاعاده مثلا

ويادورة الايام

لذالك لا غبار على القصيدة

مررت من هنا حسب طلب الاخوه


بيض الله وجهك يامحمد الروقي
هاذا اللى ابي اوصل له

والحين اقدر اقول طال عمرك يامحمد القسامي رد القصيده

لقسم قصايد الاعضاء
وعندى ملاحظه طال عمرك
بدون زعل
انا توى لاحظت تحت اسمك
مشرف الابداعات النثريه والادبيه
مو الشعر النبطى
بس بيض الله وجهك على ماسويت
والحين اعتقد حسم الامر
بشاعرنا الكبير محمد الروقي

[محمد القسامي]

قصيدة

لا غبار عليها اذا اتينا الى شاعرها كمبتدي

ناتي للاعاده في البيت الاخير

البيت هو خارج نطاق القصيدة

ولا يلغي من جمالهااا ولا يحسب خلل في القصيدة


استخدم الشاعر حرف الواو في الاعاده مثلا

ويادورة الايام

لذالك لا غبار على القصيدة

مررت من هنا حسب طلب الاخوه


تعاد لقسم الشعر

بعد إجازتها من الشاعر محمد الروقي

والذي احترم رأيه وتوجيهاته

وإن كنت أحتفض بوجهة نضري المتواضعه

وأتقدم بالأعتذار لصاحب القصيده الأخ / خالد بن هجيره

على نقلها لقسم النقد

ألف ألف صح لسانك

ولاهنت على هالرائعه ياخالد

كفيت ووفيت

ودمت ودام وجودك بكل خير وموده

أما بالنسبه للإشراف فما دعاك للنضر تحت الإسم يجعلك تنضر لقائمة مشرفي الشعر

[خالد ابن هجيره]

على العموم ماحصل الا كل خير
يالغالى وحنا اخوان مهما كان
والراى والخلاف في وجهات النظر لايفسد
الاخوه والمحبه
ومازالت القصيده تحت النقد
الهادف والبناء

[حسين السبيعي]

أحسنت أخي العزيز/خالد بن هجيرة أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز



ويا سلام على هذا الحوار الأدبي النقدي الجميل

وأشكر كل المشاركين فيه على إثراء ذائقة المتلقي

وأنا مع رأي الأخ/محمد الروقي ، ليس لأنه رئيس

المنتدى ، ولكن لأن رأيه هو الأصوب ، فالشاعر

ختم القصيدة بتكرار بيت ذي معنى خاص ، ولم

يكرره عبثا ، بل كان التكرار مقصودا لحاجة في

نفس يعقوب ، وذلك كعادة الشعراء عندما يختمون

قصائدهم بالبيت الأول دائما ، وإن كان الشاعر

خالف المتعارف عليه ، فهو لم يضعف القصيدة.

وهمسة في أذن أخي العزيز/خالد بن هجيرة:

هناك مجموعة من المشرفين كلهم يؤدون نفس

الدور ، وهدفهم واحد وهو الرقي بالمنتدى

فلا يعني أن مشرف الإبداعات النثرية والأدبية

ليس له علاقة بالشعر ، فهو شاعر قبل أن يكون

مشرفا ، والشعر والنثر كلاهما من الأجناس الأدبية

وجهة نظر متواضعة أتمنى أن تكون صائبة