مريتك

[ناصر الهواوي]

تاج القصيد ان كان ردت الحقيقه
لما اريد وانت تريد ما فيه تحقيق

مريتك افضفض عن الصدر ضيقه
ويزيد صدري كل ما امر بك ضيق

علاقةٍ بيني وبينك وثيقه
وتلقى بصفحاتك لما اقول توثيق

بايام ريفٍ به غصونك وريقه
ضل وذرا وقطوف وردٍ مفاتيق

واليوم ما دل السعد لك طريقه
سود الليالي تمنعه عنك وتعيق

وغارات بقعا كل لحظه مويقه
ولا به طليقاتٍ ولا من مطاليق

[الجووهره]

بايام ريفٍ به غصونك وريقه
ضل وذرا وقطوف وردٍ مفاتيق

انا اشهد
كانت أيام حلووه
الله يذكر الجميع بالخير
ويحفظهم ويسعدهم

وصح لسآنك
ودآم ابدآعك شآعرنا

[ناصر الهواوي]

هلا بك يالجوهره وصح بدنك ولاهان راسك ودمتي وسلمتي
الله يسعدك

[شاعرة نجد]

ولا به طليقاتٍ ولا من مطاليق

يحول يالهواوي,يجيب الله مطر ههه

صح لسانك على هـ الراائعه
ومادمت موجود ماعلى الرواسي خلاف
مورقه ومزهره بـ ابداعك

تقديري للشعر والشاعر,’’’

[ناصر الهواوي]

تسلمين شاعرتنا وصح بدنك المواري بينه
لكن القنوط لا يجوز هههههههههههههه
حياك مولاك

[خيال مطير]

صح لسانك يالامير

[عبدالله الصقري]

صح اللسان و سلم القلب و الجنان

التاج مزهر بك دوم ولا بد ما بكره تزين

لك جل تقديري و احترامي

مع أرق و اجمل تحيه

[ناصر الهواوي]

اهلا يابو محمد وصح بدنك ولاهنت ودمت وسلمت