واعميتها

[ناصر الهواوي]

ما ادري علامي ما محيت ارقام من عنا رحل
ابقيتها عن قصد والا دون قصد ابقيتها

وصارت ليا فتشت بالارقام للضيقه محل
ياليتها اقتصرت على تك الصدر ياليتها

كثر الطواري لالمحت الرقم خلية نحل
صار الفكر مع ما اجتول به من همومه بيتها

وسع الصدر لو ماش سبتها تلاشا واضمحل
وصفر ابتساماتي ابت لاتكتمل والغيتها

والخاطر المكسور زادن انكساره وانسحل
وحاولت بالمحايه اكحل عينها واعميتها

[خيال مطير]

كثر الطواري لالمحت الرقم خلية نحل
صار الفكر مع ما اجتول به من همومه بيتها

وسع الصدر لو ماش سبتها تلاشا واضمحل
وصفر ابتساماتي ابت لاتكتمل والغيتها

صح لسانك يالامير

[ناصر الهواوي]

صح بدنك يالخبال ولاهان راسك ودمت وسلمت

[رحيل]

يا سلام يا ابو عبيد
صح لسانك شاعرنا مدد بلا عدد
ودام حضورك المتميز

[ناصر الهواوي]

اهلا يارحيل وصح بنتس والله يحفظك
تحياتي وتقديري

[محمد الغنامي]

الله الله
ابو عبيد صح لسانك واعتلا شانك
جزل ومبدع كالعاده
دمت بخير شاعرنا
مروري وتقديري
لاهنت

[الجووهره]

أبدعت شآعرناا
صح لسآنك ودآم ابدآعك

وهلا بك مديرنا
نورت بعد الغيبه

[ناصر الهواوي]

ابو بندر تكفيني طلتك

[ناصر الهواوي]

اهلا يالجوهر وصح بدنك ولاهنتي
تحياتي واحتراماتي