ساجر

[ناصر الهواوي]

قصيده بمناسبه
//////////////////////////////

‏

بسم العظيم منزل الداء وطبه=وتاروت في بابل جمع معه هاروت

من رحمته من تابع الرسل احبه=ونجا الكليم وفك يونس من الحوت

ومن بعد هذا دق سلفه وعبه= من الأحمر اللي يشبه بلونه التوت

لو ذاك منه ارخص بالاثمان كبه=فرقه عنه ياعبيد بيِّن ومثبوت

الابيض اللي من ركب به رغب به=مايلحقك فوقه على لازمك فوت

حرف(l إل)وسمه مابه احدٍ يسبه=وجه وقفا وجنوب روعه وكبوت

واستودع الله والدك لاركب به=ان فزت في بره تراك انت مبخوت

ليا غنت سيوره ودق المنبه=وعدا اربعين ابي عليه ارفع الصوت

شاش الهجوس ولعب فاره بعبه=والفكر ترجم ما اختلج فيه ببيوت

ودي بساجر قبل نوره نشبه=فيها اجمع الوقتين والفرض موقوت

وادخل على جمعٍ عزيزٍ واحبه=في حفل من لااطروه ماهو بمشموت

ابو سعد داعيه بالحال لبه=من حشمته دوك القصر عُقل وبشوت

ذوي مطر حشا يجيهم مسبه=مقر نعم وعنهم الذم مشيوت

في قبةٍ للروقه اوي قبه=باطراف اعنة خيلهم يكمن الموت

يامن بها الخايف من امان ربه=ويشبع بها الجايع زمن قلة القوت

وحشاي ما الحق ساير الناس سبه=عز القبايل بالسجلات مثبوت

وصلوا عدد ما كال فلاح حبه=وما خط في سن القلم بابيض النوت

على رسولٍ كلبونا نحبه=ونحيا على هديه وما قال ونموت

‏

[نايف خويتم]

صح الله لسانك ياابو عبيد كفو وقصيدك كفو ولا غرابة ابداعك ويستاهل من مدحت وتراني لو ما علقت على مشاركاتك الا أني متابع لك ومستمتع بجزلاتك يالجزل تحياتي يالقرم

[الجووهره]

أبدعت وأمتعت شآعرناا
صح لسآنك مليوون ولا يكفوون
ويعطيك العآفيه على هالرآئعه

[رحيل]

يا سلام يا ابو عبيد مبدع دائمًا وابداً
صح لسانك مدد بلا عدد شاعرنا


تم التنسيق (:

[سعود العتيبي]

جعلها السيل
وصح لساانك مدد

[ملكة الرواسي]

مدائن من الشكر لقلمك الراقي
يعطيك العافية شاعرنا
ارق التحايا