ما تخيب ليا احتزمت ابـ باني

[ناصر الهواوي]

باني بن مرشد الباني الكثيري
حفيد من قال
(ياحشر ولم طبخةٍ للمسايير= قبل يروحون المسايير عنا)
قصيده مشهوره
هو صديق لي قديم شيخ جماعته من الرجال الذين يعتد بهم
قدم لي خدمه وقلت
ــــــــــــــــــــــــــــــــــــــــــــــــــ ـــــــــــــ
بسم من لاقال كن للشي بامره كاني
سير ياسن القلم فوق الورق واكتبه

من بنات الفكر نضم الهاجس البطراني
عقد لولو شكه الصواغ حبه حبه

الحكيم اللي مجرب قال لي يفلاني
لاتنصى اللي من الحبه يسوي قبه

إشر عرف الطيبين بغالي الاثماني
والردي لو يلبس البشت المقصب كبه

واعرف انك ما تخيب ليا احتزمت ابـ باني
عيدهيٍ من رجالٍ نارهم مشتبه

احتزم به وارق للعليا بكل اماني
وفيه لو ودك تطب بعمق الاطلس طبه

كل كايد له يهون برادة الرحماني
كاملٍ في كل خصله والكمال لربه

شيخ قوم وهيف كُوم وعز جار وعاني
ريف ضيف وحد سيف ومن يعرفه حبه

له وجاهة وجه مع حكمه وذرب لساني
لاتعذر طب ملزومك ترا هو طبه

وابن راجح ما توفي حقه القيفاني
من نصى عبد الاله بحاجته ما سبه

ابلجٍ للطيب عنده والمراجل شاني
لفعلهن تقول في راسه يدق منبه

ياعسى تفدا اللواء ابو خالد الردياني
ومن بالاعذار ان نخيته كل ريعٍ ذبه

ولا غرابه/ذا وذاك معودين لباني
لمن يقول لحشر فنجال الطراقي صبه

مجذوي الجمر للبغداد والرسلاني
ما يحسب للخساير بالقناد وحبه

وللهواتيش يعبون البر والطلياني
يا عسى من ذي سواةٍ له لرحمة ربه

[شاعرة نجد]

اللهم آمين
الله يرحم كل نشمي وكريم وملفى ومنصى
والله يصح لسانك
ويستاهل الطيب منهو يفعل الطيب
نص فخم وجزل وكايف ونايف
تقديري للشعر والشاعر,’’

[ناصر الهواوي]

صح بدنك وكلك شاعرتنا المبدعه
ولاهنتي ودمتي وسلمتي
تقديري وفائق احترامي

[كديميس السيحاني]

ابو عبيد
لافض فوك ولا انلجم لسانك
لا شلّت يمينك وبا انثبم قلمك

ومن حصل على المدح يستاهله
و ذكر الحيا والطيبين يبين
وبيض الله وجهك و وجهه

[مشاعر ساكنه]

صح لسانك شاعرنا الرائع
قصيده وافيه من شاعر مبدع
لاهنت ولاهان منطوقك

[رحيل]

صح لسانك شاعرنا على هالتحفة
ويستاهل كل طيب المدح