السباريت

[ناصر الهواوي]

لقطع الفيافي خابرك يالمغربل ذرب
توصلني لو اتحول السباريت من دونه

وانا وانت نبي نغرد اليوم برا السرب
ولوم اللوايم ياسود اللون ياهونه

انا للسفر ولشيلة الصوت فوقك طرب
احاسيسي لفزعتك يالجيب ممنونه

ياطول الطريق اللي له ايروح مابه قرب
فلاشات ساهر فيه ماهي بمامونه

قال اره اللوازم من وقود وطعام وشرب
وانا اقداه لك في حفظ ربك وفي عونه

انا حافظه حفظ الذكيه لجدول ضرب
لو يغمض السايق ليا حرك عيونه

مع خنت سيوري غن قافٍ يزيل الكرب
عن مجنونةٍ بالمزرعه صح لمجنونه

مادام انت لك عن شوفة اللي تبي ما يرب
عن (شهور) وعيونك بلاماه مفتونه

وتقول الجفن مع غفوته داخلٍ في حرب
ابا اوصلك داره والاباليس ملعونه

[خيال مطير]

الله الله صح لسانك يابو عبيد

ذكرتني بابن عون يوم يقول

...............................
واللي على بعده من البعد حنيت

وينتابني عقب الحنين اشتياقي

نجد وهواه وشوف هاك السباريت

اللي لها في وسط قلبي رواقي

ومنادمة روس الرجال المناعيت

كل أبلجن له فالطويلة مراقي

[شاعرة نجد]

راائعه من رواائعك ناصر
صح لسانك وداام الشعر والشاعر

تقديري,’’

[كديميس السيحاني]

لقطع الفيافي خابرك يالمغربل ذرب
توصلني لو اتحول السباريت من دونه

وانا وانت نبي نغرد اليوم برا السرب
ولوم اللوايم ياسود اللون ياهونه

انا للسفر ولشيلة الصوت فوقك طرب
احاسيسي لفزعتك يالجيب ممنونه

ياطول الطريق اللي له ايروح مابه قرب
فلاشات ساهر فيه ماهي بمامونه

قال اره اللوازم من وقود وطعام وشرب
وانا اقداه لك في حفظ ربك وفي عونه

انا حافظه حفظ الذكيه لجدول ضرب
لو يغمض السايق ليا حرك عيونه

مع خنت سيوري غن قافٍ يزيل الكرب
عن مجنونةٍ بالمزرعه صح لمجنونه

مادام انت لك عن شوفة اللي تبي ما يرب
عن (شهور) وعيونك بلاماه مفتونه

وتقول الجفن مع غفوته داخلٍ في حرب
ابا اوصلك داره والاباليس ملعونه







لسانك ما ينلجم ويمينك ما تنشل
لا يستغرب الابداع من اهله

[ملكة الرواسي]

صح لسانك شاعرنا
أبدعت يعطيك العافية