صدى اووووووووووف الهواوي

[كديميس السيحاني]

هذه الابيات صدى لصوت
اخي الغالي ابو عبيد 👍🏻😁




يا اوووووف لهلالي بحور القصايد
تاسوع ناصر ما يقيّل ربوعها

تاسوع عاشور الهواوي تهيض
و نجم الكليبين الحراره يزوعها

نشّف عروق الزرع والعود صارم
وما فيه شجرة ما تباكى جذوعها

و قلب الهواوي مثل نبت اقحوانه
يذبل ليا فاخت نجوعه نجوعها

في عشقته هايم ويشكى غرامها
ويجاوب القمري ليا اوحى سجوعها

وليا عطا منهاج مع جرهديه
يرفع بصوته كود ياصل سموعها

هذا صدى قافه و ونات خافقه
لج الضلوع اللي شكت من مزوعها

صار الوصل مقطوع بيني وبينها
و العهد باقي و اترجى رجوعها

[رحيل]

ياسلام عليك شاعرنا
صحح لسانك مدد بلا عدد
ولاهنت

وننتظر رد الهواوي (:

[كديميس السيحاني]

ياسلام عليك شاعرنا
صحح لسانك مدد بلا عدد
ولاهنت

وننتظر رد الهواوي (:

رحيل

هلابك
صح كلك ولا هنتي
انرتي متصفحي بمرورك العطر
دمتي بخير
،

[الجووهره]

أبدعت شآعرناا
صح لسآنك مليووون
ويعطيك العآفيه على هالرآئعه

[ملكة الرواسي]

كل الشكر لك على روعة قلمك الجميل وكلماتك الرائعة
دمت بالف خير

[شاعرة نجد]

مجاراة كايفه ونايفه
صح لسانك ولاهنت على هـ العذبه

تقديري,’’

[عبدالله الدّنّيش]

صدى فاخر .. صح لسانك وما قصرت
أووووووف من أبو عبيد أووووف
أجدت شاعرنا صح كلك ،،

[عبدالله الصقري]

صح لسانك ملاييين يالعذب
تقبَّل مروري المتوآضع
مع أرق واجمل تحيه

[ناصر الهواوي]

لله درك يابو منصور صدى غطى الصوت
لاهنت وصح الله لسانك ولا فض فوك
تحياتي وتقديري