جفت عروق

[نايف خويتم]

..

تثور الأشواق في صدري وتلمع بروق
اليا اقبلت صورتك تمشي على هونها

وودع الناس واسرح مع خيالي وتوق
لأيام كانت تلف النور بردونها

جمالك أعذب جمال وبينات الفروق
طهر وبراءه وروح الغيم مكنونها

عينك سحر للعيون تمد راحه وذوق
شمسٍ يسر العيون الناضره لونها

مزاجي المضطرب لا شاف حسنك يروق
ومشاعر القلب كان الله في عونها

ما بين حزن وعتاب وبين لهفه وشوق
ناخت حروفي على ذكراك بلحونها

يا هاجره بعد حال الحول جفت عروق
وبشاير الوصل حال البعد من دونها

ترين الأهمال عند العاشق أكبر عقوق
ينحر مشاعر هواه ويكسر غصونها

..

[روابي]

أبيات رائعه وجميله
نايف خويتم طرح مميز
ربي يوفقك

[الجووهره]

يا هاجره بعد حال الحول جفت عروق
وبشاير الوصل حال البعد من دونها

ترين الأهمال عند العاشق أكبر عقوق
ينحر مشاعر هواه ويكسر غصونها

أبدعت وأمتعت شآعرنا نآيف
صح لسآنك مليووووون
ويعطيك العآفيه
على هالرآئعه

[خيال مطير]

الشاعر نايف خويتم

قصيده جزله وابيات رائعه

صح لسانك

[رحيل]

ياسلام ياسلام
صح لسانك نايف مدد
ولاهنت على هالرائعة

[شاعرة نجد]

صح لسانك يـ الشاعر
ولاهنت على هـ الفاخرهـ

تقديري,’’

[ملكة الرواسي]

أبيارت راقيه برقيك
صح لسانك شاعرنا

[فارس الكلمات]

مزاجي المضطرب لا شاف حسنك يروق
ومشاعر القلب كان الله في عونها

رقي واحساس وجمال لاينزوي
احسنت وبوركت حروفك مثل احساسك