من مداعبات سجن القوافي

[هزاع محمدالعاصمي]

يقول الأخ والشاعر ناصر الهواوي بعد ماشاف اسمئنا معلقة في سجن القوافي شيء من القديم للتواصل معكم

يانور ليه معلق الأسم يانور=ويالعاصمي وشفيك مانتب تكلم
الصبر ساح وساحة الصبر للسور=لاشك اشوفه هالزمن امتثلم
قلبٍ على حب أريش العين مفطور=مايلحقة عاقل ملام إن تألم
يبيه ابد يبيه لويلحقه جور=عيا رغم ماجاه منه يتعلم
واللي يبيه بطول هجره عدا الطور=وزاد الخطر يمربه مايسلم

ردي على الأخ ناصر الهواوي......

عسى لياليكم سعادة وديجور=ادعي لكم في الغيب لو ماتكلم
ورجي نسيم الليل لاصار ممطور=يأتي لكم باليل ورده يسلم
وتعانق المعنى تغنيه مسرور=ياتي معك بالصوت حبكة معلم
أما على المنكوس وحيان مجرور=مشتاق للمنكوس لوهو يألم

معني كلمة ديجور الليل المظلم أو الغيم الكثيف وأنا اقصد الغيم الكثيف الماطر
دمتم بخير ..اخوكم العاصمي

[حمد الخالدي]

صوت رائع وصدى جميل

صحت الألسن ودام الوصال

لا هنت يا ابو محمد

[الجووهره]

إبدآآآآآآع
مدآعبآت رآئعه وجميله
صح لسآن شآعرنا الهوآوي
وصح لسآنك شآعرنا هزآع
ويعطيكم العآفيه ودآم ابدآعكم

[هزاع محمدالعاصمي]

صوت رائع وصدى جميل

صحت الألسن ودام الوصال

لا هنت يا ابو محمد

يعطيك العافية اخي حمد مرور اسعدني
وصح بدنك ولاهنت على جمال مرورك لاعدمتك

[هزاع محمدالعاصمي]

[quote=الجووهره;610091]إبدآآآآآآع
مدآعبآت رآئعه وجميله
صح لسآن شآعرنا الهوآوي
وصح لسآنك شآعرنا هزآع
ويعطيكم العآفيه ودآم ابدآعكم[/quot

لاهنتي جوهرتنا الغالية مرور اسعدني كثيراً
والله يعافيك دمتي بخير

[خيال مطير]

صح الله السنتكم جميع وبيض الله وجهيكم

_______________________________________

مداخله راقةةة لي


من سجن القوافي


الشيخ زيد بن راجح


ياالربع يوم الهواوي جتنـي ابياتـه=فتحـت قلبـي لهـن حتـى يخشنـي
عساه يلقـي رفيقـه عنـد هقواتـه=وان ظن فيه الوفاء ماخاب لـه ظنـي
راعـي ضريـه بعيـدات مسافـاتـه=لكن نفحـات جـود الشيـخ مرنـي
مع كل ربعـه ركـز للطيـب راياتـه=مكرم ضيوفه حليـف الهيـل والبنـي
وجهه عليه الرضى في كـل حزاتـه=يضحك ويرشد ويكتب شعـر ويغنـي
يا طالبين المراجـل سـووا اسواتـه=اللي عن الواجبه مـا هـوب متونـي



الشاعر ناصر عبيد الهواوي


الله على اللي تشـوق القلـب فزاتـه=منوة غريبٍ طـرت لـه داره وحنـي
عامين بالسجن ليل الناس مـا باتـه=يقضي جزاء ما اقترف بالقيد متثنـي
واجهـد بحفـظ الكتـاب وردد آياتـه=وعليه اعانه عظيم الفضـل والمنـي
وحفظ وطاحت عنه باقـي عقوباتـه=واخلوا سبيله وهو من قبـل ماظنـي
عدا يبا النقـل لكـن باصهـم فاتـه=وبيض الليموزين من قدمـه يمرنـي
والاجر غالي وهو عدمـت امكاناتـه=ولا عاد ينظر بهن راحن ولـو جنـي
خمسـة وعشريـن باقيـةٍ بمخباتـه=ولايعرفـه بالبلـد هنـة ولا هـنـي
وفطن له اللي ذرا المضهود فزعاتـه=شروى شيـوخٍ جمايلهـم يشوقنـي
ويانجم قافٍ شعت هجسـي عباراتـه=(يضحك ويرشد ويكتب شعر ويغنـي)
يضحك لشوف الرفاقة من حسن ذاته=ولو كشّرت شفتـي لأوطيتهـا سنـي
ويرشد يبي رحمة المولى ومرضاتـه=وله قدوةٍ في نذيـر الأنـس والجنـي
ويكتب شعر لو طـرا للقلـب مافاتـه=ويهيضنـه قوافـي زيـد ويغـنـي
يا نجم هجسي خذلني فـي مجاراتـه=ان كان هجسك يطيعك جاوبـه عنـي



الشاعر نجم السمرين


حي الله اللي يسـوق العلـم باثباتـه=لوكان ماهو مـع الطـاروق متعنـي
عريب جد وعلـى الجـزلات هَدَّاتـه=هذاك لنَّه / ولـو ماقلـت أنـا لنَّـي
من فوق صلب الصخر جا ينحت إبياته=ياكـم وياكـم وياكـم فوقهـن دنـي
كن البحـر منهلـه والغيـم يقتاتـه=ماهو على قولت الـرَّوَّاي ليـت إنـي
أما أنت يامسنـدي فالـروح موَّاتـه=دونك ودون الخـوي والديـن لكنـي
من يوم طاحت عيوني قل على ايَّاته؟=طاحت على قولتك (لاوطيتها سنـي)
أخلفت علمي معـه واخلفـت مَدَّاتـه=كف ٍ يالـو قصـرت قصيتهـا منـي
لكـن يالقـرم رد العلـم أو هـاتـه=لوجيت أحث القلم ماجيت أبـا اثنـي
إلا اني اطرد هـوا بالـي ومشهاتـه=وآسج معك القدم مـن ويـن ودنـي
شيخ ٍ تضيع المكـارم فـي مداراتـه=مدَّات كفك علـى النمـرود والسنـي

[هزاع محمدالعاصمي]

لاهنت خيال مرور اسعدني من الاعماق كل الشكر
لاعدمتك

[رحيل]

صح لسانك ابو محمد ولسان ابو عبيد
صوت وصدى ولا اجمل
لاهنت شاعرنا

[عبدالله الصقري]

صحت السنتكم جميعا

ابداع في ابداع

[هزاع محمدالعاصمي]

صح لسانك ابو محمد ولسان ابو عبيد
صوت وصدى ولا اجمل
لاهنت شاعرنا

صح بدنك ولاهنتي على المرور الأكثر من رائع
يعطيك العافية ولا حرمني المولى مرورك دمتي بخير