داورد

[ناصر الهواوي]

عم الناقد هو الاستاذ هزاع الغبيوي
صديقي من الصغر وتزاملت معه 9سنوات بالثانويه واصبح جاري في ضريه
رحل الى الدوادمي قبل ايام وقلت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

‏

داورد جعل الغيث يسقي جنابه=دوا/آدمي من بعد ما كان داء/وِرِد
من شرقي القرنه لغربي هضابه=يعم وديانه مع عباله الجرد
من شان شيخٍ شد عنا وجابه=امسا ولا اصبح راح متنحر البرد
راعي كرم يفرح ليا طِق بابه=يوم البخيل يصير وجهه كما الهِرد
ادب وعلم وطُلق وجه وذرابه=من لابةٍ وقت اللقا تلحق الحِرد
كل المراجل حاشها في شبابه=لها رسا كما رسا للدهر بِرد
لو بس وادعنا لو بنصف جابه=او في بعض ماهو يصخر من الشِرد

‏
‏
‏

ــــــــــــــــــــــــــــــــــــــــــــــــــ ـــــــــــــــــــ
الهرد/ الكركم
بِرد/ جبل في الشمال

[حمد الخالدي]

ما شاء الله أثر الثانويه على وقتكم كانت تسع سنوات (:
الله يوفقه ويسمح امره ويديم المحبه والمعروف
صح الله لسانك يا ابو عبيد

[خيال مطير]

صح الله لسانك يا ابو عبيد
الثانويه
ع وقتكم تعادل الدكتوراهـ

صح لسانك ثم صح صح لسانك
الله يجمع بينكم . بالمحبه والرضاء

[رحيل]

صح لسانك ياابوعبيد ابدعت ..
الله يديم الصداقة ويطول بعماركم
لاهنت شاعرنا



تم التنسيق

[عبدالله الصقري]

صح لسانك و دام مدادك الجميل

لك جل تقديري و احترامي

[روابي]

طرح جميل ورائع
الهواوي
الله يوفقكم جميعاً

[ناصر الهواوي]

صحت ابدانكم ودمتم بحفظ الله ورعايته
وشلون الثانويه تسع سنوات
ابو فارس كان المدير وانا مرشد طلابي/تصحيح فقط

[هزاع محمدالعاصمي]

صح السانك مبدع شاعرنا ومميز من خلال ماتقدمة
الله يعطيك العافية بالتوفيق

[ملكة الرواسي]

أبداع صح لسانك والله يديم السعادة
يعطيك العافية لا هنت