عسا الله مير يجمعنا

[بشير العتيبي]

دخـيـلك لا تـقـولـي حـبـنـا دمـره كـبـر السيل
تـرى صـدق الغلا ما يـطـفـي الـمـاطر براكينه

ولوطبع بـنـو جنسك وحـكـامـك مع اسرائيل
قـسـم بالله ما يــنـقـص غـلاك اللـي تخبرينه

على كبر الخـطا قلبي على ستر العيوب يميل
لـجـل حـبً قـديـمــاً سـاكـن القلب وشرايينه

ادافع عن وطن جدك وعن ربعك حماة الخيل
هل الـوقـفـات والـنـومــاس والمجد وعناوينه

مخاويكم خـويـاً لــي مـعـاديكم يشوف الويل
اليا حـان الـوعـد واخـطـا يجـيه الردفي حينه

لك الله مـن تـفـارقـنـا عـيـونـي ما تـنـام الليل
هـجـرنـي الـنـوم وبشوفك بعد ما اقفا تردينيه

عسا الله مـيـر يجمعنا ويحفظنا من اهل الفيل
عواذل من ثـمـان اسـنـيـن تحسدنا على الزينه

ما فيهم واحدن يذخر على التعذيب فينا حيل
وانا لا زلت اكـافـح والـعـذول الـعـود في عينه

عـلـيـهـم حـبـنـا يـهـجــم ويـرسـل طيرن ابابيل
يـدافـع عـن مـحـانـي بالوفا فـي الماقف اتعينه

صنع من عشقنا الجزل العظيم احجار من سجيل
تصون الـحـب من خـبـث العذول اللاش واتهينه

وصنع من فكري السيف الصقيل بقبضة الحلحيل
مــجــرد دون دارن مـا يـــفـــكــر فــــي مـعـادينه

لـجـل ظـبـيـاً بـعـد فـرقـاه ما فـكـرت في التبديل
اشـوف اخـطـا هـلـه فـعـلاً صحيح بعكس شانينه

الشاعر بشير العتيبي

[سعود العتيبي]

صح لسااانك واعتلا شانك
ابداع وشاعر مبدع

[خيال مطير]

صح لسانك
يابشير
وبيض الله وجهك

[رحيل]

صح لسانك
ولاهنت بشير

[ملكة الرواسي]

صح لسانك ولا هنت
نص راقي كعادتك شاعرنا

[عبدالله الدّنّيش]

قصيدة جميلة وهادفة
صح لسانك بشير
تقبل تحياتي وإعجابي ،،