إن قتـلت النـور : احييت العتَـــم

[علي القرني]

السلام عليكم ورحمة الله
هذا النص كان نتاج حوار بيني وشخص عزيز آمل ان يصل لسمو ذائقتم


لاتذكــرني .... بــ مالك بـن فهَــم
الرجال تْمـوت ... وتعيش الفعـال

اللسـان القـوس ... والكلمه سهـم
خيـرها او شـرها ... قصـد النّبـال

يابعيــد الشـوف : افهـم واغتنــم
الخساره ميـل ... والفوز اعتـدال

جيت افضفض والغلا بصدر جَــم
مابقى الا الصمـت . لا عـز المقـال

الغنيـمه .... قــوّتـك قبـل الهــرم
والليـالي بين صحـه ... وإعتــلال

خذ من المجنـون .. لاقال الحكـم
ماحــدن كامـل ..... ولله الكمــال

إن قتـلت النـور : احييت العتَـــم
لا تدوَّر .. للبـراهيــن .... احتمـال

الكبيــره ... ما تسمى با للَّمــــم
لو يسمون الضَّلاله ... بالظِّـــلال

والتخلـف ... كوننا ديـن وقيَــم
لاغدا معنى الحضارات .. إنحلال

الحمـام : الي هجـر حــدِّ الحـرم
كان قبل الحِــل ... صيـدٍ ماينـال

والمحَجَّــه البيَّنه ... وام الشيَّــم
لو تضيـع ... نْـضيع مافيها جدال

بين أمنك والرخا .. خوف وعدم
والشتا والصيف .. رحله وانتقال

من سبـا جاك النبا .... أو من إرَمْ
انشد السيل العَرِم . وشلون سال

ما خفـاك .إن النقـم عكس النـعم
والزياده شكر .... والكفر الزوال

ما نجا مع نوح . والموج احْتدَم
من يظن بتعصمه . روس الجبال

لا مُعـزِّ لمن يـذِل .... ولا جَــرَم
لا مُـذلِّ لمن يعـزِّ .... بكل حــال

يابعيـــد الشوف ... مافاد الندم
والاجل محتوم مهما العمر طال


اعذب تحاياي : علي القرني

[هزاع محمدالعاصمي]

جميل شاعرنا مانثرت هنا كنت رائع واكثر
ابيات وحوار جميل جاء في ابيات شعرية سلسله ولها مذاق مميز
ومن الجمال هنا وضوح المعنى سهل ممتنع شاعرنا بالتوفيق وصح السانك
دمت بخير

[رحيل]

وعليكم السلام ورحمة الله وبركاته
الله الله
ياسلام صح لسانك مدد
ولاهنت

[روابي]

علي القرني
تسلم على الطرح الجميل والرائع
الله يوفقك

[عبدالله الصقري]

الذهب دآيم مدآدك ،، و القلم
روحك اللي دوم تسقينا الزلآل


صح لسانك يا علي لين ترضى

مع اجمل و ارق تحيه

[الجووهره]

أبدعت على القرني
صح لسآنك مليوون
ويعطيك العآفيه على هالرآئعه