مطول الغيبة‎

[عادل الدوسري]

بسم الله أبدأ

الغايب اللي علينا طوّل المدّه
له اربع شهور لا كلّم ولا سلّم

وانا من الشوق قلبي واصلٍ حده
فيني صبابة غرام ٍ في الحشى علّم

ابو جديل اشقر ٍ يصفق على خده
من معهد الزين متخرج و متعلّم

اهيف خصر لا نطحني والهوا ضده
كن الخصر من هبوب النود متثلّم

اتلع دلع يا حلا مزحه على جده
كلّه تعابير لو ماهوب متكلّم

ما هوب حقي يجازيني بهالصدّه
وانا على شوفته جاهز و متولّم

الحظ عارض على ودي معا ودّه
وانا مع الحظ متشاكي و متظلّم

عاشق و عيا يبيح للعرب سدّه
وما زال في عالم العشاق متحلّم

قلمي

[محمد الغنامي]

الله الله
صح لسانك يالدوسري
نص فاخر وجزل لا ابعد الحدود
دمت بخير وعافيه
ولاهنت

[الجووهره]

هلا بك عادل الدوسري
نورت روآسي وتآج القصيد
وصح لسآنك مليوون ولا يكفوون
ويعطيك العآفيه على هالرآئعه

[هزاع محمدالعاصمي]

صح السانك شاعرنا على هذه
الابيات الجميلة والمعبرة سعدت من خلال مروري
كل الشكر وكل الاعجاب والمتابعة بالتوفيق اخي الكريم

[عبدالله الصقري]

صح بدنك و سلم نبضك العذب

تقبَّل مروري المتواضع

و لك كل ودي و احترامي

[ام ساره]

صح لسانك
ابيات جميله
سلم بوحك

[رحيل]

صح لسانك مدد
ولاهنت