ليت للعشق دين وللمحبه رسول

[بشير العتيبي]

يا نبيل الصــفـات وياكريم الخصال
ليت للـعـشـق ديــن وللمحـبه رسول

نرسله لـتـواضـــع والـوفـا والوصال
وينبذ الـكـبـر ويـكـذب كـلام العذول

كـان خليت عنك الكبر فـي كـل حال
ولا تعذب خفوقن يرتجـيك الوصول

من عرفتك وقلبك مثـل صـم الجبال
كل ماجيت صـدك عن وصالك يحول

ما يهزك قـصـيـدي والـقـصـايد جزال
كل يوم اشتـكـي منك لطيفك واقول

راضـيـن بالـتــغـلـي والــدلــع والدلال
دام تبقا يا عـمـري في محيطي تجول

وكل ما جـيـت في بالـك تـدق اتصال
لو دقـيـقـه ولـو ودي اتـصـالـك يطول

الـرقـم فـي يديـنـك واتـصـالك محال
لـو يصـلـي الـيـهـود ويعـقلون الخبول

شاعرك عـايــش بحلم وطموح وخيال
كـنـي اللـي يـحــده عــن مـنـاه القفول

ذاق مـر اللــيــالــي بـعـد عــذب الزلال
غـربـلـه حـظـه الـعـاثـر وطيش العقول

واشهد ان الفرج لا قلت يا ابـن الحلال
يصهل الشوق في قلبي صهيل الخيول

لا تـطـول يا نــور الـعـيـن تـكـفـى تعال
والله ان احبي لوصلك واشيل الحمول

لجل عـهـدن قـطـعته لك يا رمز الجمال
ولايـخــون الــعــهــود الا قليل الاصول

ادمح اللـي مـضــا لعـيـون صعب المنال
واطـوي ادروب يـخــشـاها كبار الزحول

لـو تـصـد وتـهــاجــر مـن تـلال ال تلال
مـن خـفـوقــي غـلاك ومـنـزلك ما يزول

منزلك في محـيط الصدر باقصا الشمال
حاكماً تـحــكـم الـخــفـاق فـي كـل حول

الشاعر بشير العتيبي

[روابي]

بشير العتيبي
تسلم على الأبيات الرائعه والمميزه
ومشكور على الطرح الجميل

[سحاب]

صح لسانك شاعرنا
ابدعت وامتعت
يعطيك العافيه

[عاشق]

صح لسانك على هاالشامخه
مبدع وجزل
لاهنت شاعرنا

[ملكة الرواسي]

صح لسانك ولا هنت شاعرنا
نص رااااقي يعطيك العافية

[الجوريه]

صح لسانك مدد
مبدع شاعرنا الرائع
يعطيك العافيه

[خيال مطير]

صح لسانك سفيرنا
وبيض الله وجهك

[النجلاء]

الله الله
ياسلام عليك وصح الله لسانك ودام ابداعك شاعرنا المتألق
مبدع وجزل وشهادتي فيك مجروحه
دمت ودام مداد قلمك ورقي حرفك
تقديري وتقييمي لسموك
النجلاء

[جراح]

صح لسانك واعتلا شانك
ابداع في ابداع
قواك الله,,,,

[مناهل]

صح لسانك مدد
نص فاخر
يعطيك العافيه شاعرنا
دمت بود

[مهرة يام]

صح لسانك شاعرنا
قصيده فخمه وجزله
يعطيك الف عافيه
تقديري لك

[ذايع الصيت]

صح لسانك شاعرنا
ننتظر جديدك القادم