ديرة الأحباب

[عبدالله الدّنّيش]

السلام عليكم وأسعد الله أوقاتكم
تواصلا مع تاج القصيد .. هذه الأبيات عسى تروق للذائقة .

مريت من ديرة الأحباب والناس ممسين =وشفت بيت الحبيب وهاض هجسي عليه
كني على شوفة المحبوب والعين بالعين = يقتّص وأقتصّ ، والقلبين راحت ضحيه
ودرت والشوق يلعبي سواة المحبين = وهاض شوقي لها باللعب والسامريه
على لساني رسالة وأختصرها بحرفين = يعجز لتوصيفها القاموس والأبجديه
يا زين ( أحبك) وموّلها بكل التلاحين = وغنّها ع الوتر بالعود والسمسميه
غرام حبك رقص بالقلب ما بين ضلعين = والحال مجنون كنّه قيس والعامريه
أهيم في وادي الشّعار مثل المجانين = وأنظم لها العقد بالأشعار حب وهْديه
وأطوف في ديرة الأحباب وأتخيّل الزين = وأندب لها حظي الطايح صباح وعشيه

^^
وسلامتكم

[ملكة الرواسي]

سلمت شاعرنا
وصح لسانك ولا هنت على روعه ابياتك وجمال قلمك
يعطيك العافية

[عبدالله الصقري]

صح لسانك اخوي عبدالله و كلك ابداع

[رحيل]

وعليكم السلام ورحمة الله وبركاته
واوقاتك اسعد واجمل


وانت سالم
وصح لساااانك مدد على هالرائعة
لاهنت

[هزاع محمدالعاصمي]

صح السانك جميل مانثرت مشاعر
زاخرة بالشعر والجمال اسعدني المرور من الأعماق
كل الشكر اجمل تحية

[شاعرة نجد]

عليكم السلام ورحمة الله

عودا حميدا شاعرنا
وصح لسانك على هـ العذبه والابدااع المعهود

تقديري,’’

[النجلاء]

الدنيش
صح الله لسانك ملايين
مبدع وجزل وشهادتي فيك مجروحه شاعرنا
دمت ودام مداد قلمك ورقي حرفك
تقديري وتقييمي لسموك
النجلاء

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي

[عبدالله الدّنّيش]

الأحباب الأعزاء //

ملكة الرواسي

عبدالله الصقري

رحيل

هزاع العاصمي

شاعرة نجد

النجلاء

سحاب

الشكر والتقدير لكم جميعا على حضوركم الكريم
وصحت أبدانكم .. ولكم أجمل التحايا والتقدير ،،

[الناقد/عبدالله الروقي]

صح لسانك ياأبو عامر يقولون من طول الغيبات جاب الغنايم
أسعد الله مساءك بكل خير وتحيةً طيبة لك ياقدير,,,

[مهرة يام]

صح لسانك شاعرنا المبدع
نص جزل وجميل
يعطيك العافيه
دمت بخير

[عبدالله الدّنّيش]

الجميع لكم كل الشكر والتقدير على حضوركم وإشادتكم
سلمتم وطابت أوقاتكم .. وأسف ع التأخير لرد جميلكم ،،

[عاشق]

صح لسانك ويعطيك العافيه
نص جزل شاعرنا الرائع
تحياتي

[جراح]

صح لسانك واعتلا شانك
ابداع في ابداع
قواك الله,,,,

[خيال مطير]

صح لسانك
شاعرنا
وبيض الله وجهك

[عبدالله الدّنّيش]

عاشق

جراج

خيال
صحت أبدانكم وشكرا لحضوركم الكريم
لكم كل الشكر وأطيب التحايا ،،