في مثل هذا اليوم

[عبدالله الصقري]

قوم يـ المنجرح و اسمع وَلَه قلب ٍ شدى
و انتظر . علّ يبرأ سآري الشوق مْهَدي

يا جنـآح ٍ حملني لـ آخــر حــدود المـدى
نبرتك جت على جرحي أنا منين ابتــدي

لآح بـرق ٍ عتيـم الليـل يسبيـه ان بـدى
يرجم الموق و ما طفَّت سعـآيـره بردي

طآل صمتي و نـوره للـديآجيـر اهتـدى
و انطفى بي وانا توِّي أبـ اجمعه بيدي

خآن مطلع صبآح امسي ولا عندي جدا
ما حكم بـ الفـرآق و كلما جيت يغــدي

جيت اضمَّه واصونه عن متآهآت العدا
و اثرني تآيـهٍ واصبح عليَّ المعتــدي

حطّني له مثل يرميه من حين اقتـدى
بسهم يطلقه من قوس العذآب السرمدي

أسأله كيف خليت الـشـرآييـن فـردى
تنزف بـ خآفق ٍ لمّ احتضآري و مولدي

و اسأله كيف لو شوق المحبّين افتدى
و اصطفى صرخة الكتمآن عن همس رعدي

كيف اعوِّض غصني من الدمع عن قطرة ندى
لا اقتلعني من جذور الأمل يأسُ ردي

و كيف مبهم غرآمه يلمع بـ عمر ٍ سدا
لو بلحظه خسرت من الأبو قول ولدي

ليتني طعته وليتك يالحمآم اللي شدى
ترسم الحـآل مرسـآل ٍ يبي رد وعَدي

و سلامتكم

17 ذوالحجَّه 1419 هجري

[خيال مطير]

صح لسانك وبيض الله وجهك ~

[جراح]

صح لسانك واعتلا شانك
ابداع في ابداع
قواك الله,,,,

[عبدالله الصقري]

صحت ابدانكم و سلمت قلوبكم
وصباحكم رضا من رب العالمين

[رحيل]

ياسلاااام عليك ي الصقري ..
ابدعت
صح لساانك مليووون ولاهنت

[عبدالله الصقري]

القديره رحيل
صح بدنك و سلمك ربي
ولك ودي و تقديري و احترامي

[النجلاء]

الصقري
صح الله لسانك ملايين
ابدعت وامتعت شاعرنا المبدع
دمت ودام مداد قلمك ورقي حرفك
تقديري لسموك
النجلاء

[ملكة الرواسي]

صح لسانك ولا هنت شاعرنا
نص راقي برقيك

[شاعرة نجد]

صح لسانك عبدالله
وتسلم ولاهنت على هـ الدرهـ

تقديري,’’

[عبدالله الصقري]

صحَّت ابدانكم و سلمت قلوبكم
و يظل تواجدكم هو الاجمل دوما
دمتم بكل خير و محبَّه
ولكم كل الود والتقدير و الاحترام