ياليل بنشدك

[كديميس السيحاني]

بطاقة معايدة لرواسي نجد
،
،،
،،،

‏
يا ليل ابا انشدك عن سر الغياب=هو صح ياليل والا هو خطا
اقابل الطيف من فوق السحاب=ولا قدرت انشده ليه البطا
ياليل مافيه طبٌ للصواب=الا بوصلٌ يحث ءله الخٌطى
ياليل قطعه لوصلي سم داب=مابينه وبين شرياني غطا
ياليل وان كان ما رد الجواب=روحت ياليل مرواح القطا
الشعر عندي مثل طرد السراب=ومنزالنا فوق ما ننزل وطا
اخاف لا اسهب ، يقول انه عتاب=واللي عطى العهد لا ينكر عطا

‏



ارجو من المشرفين تنسيق الابيات
،
،،
،

تم التنسيق

[الجووهره]

هلابك كديميس السيحآني
نورت رواسي والقسم
وصح لسآنك مليوون ولا يكفوون
ويعطيك العآفيه على هالرآئعه


مع الاسف مالي في التنسيق
وان شاء الله ما يقصرون معاك اللي يعرفون

[عبدالله الدّنّيش]

هلا وسهلا بشاعرنا كديميس والحمد لله ع السلامة
وعودا حميدا وكل عام وأنت بخير ،،
وصح لسانك على هالنشدية


ولك أطيب التحايا والترحيب ،،

[النجلاء]

ياهلا والله بالشاعر كديميس
حياك الله عودآ حميدآ وكل عام وانت بخير ان شاء الله
صح الله لسانك ملايين
ابدعت وامتعت كما تعودنا من سموك الابداع وفخامة الحضور
دمت ودام ابداعك ورقي حرفك
تقديري لسموك
النجلاء

[ناصر الهواوي]

ارحب يابو منصور ومن العايدين

‏
يامرحبا فيك طاب القاف طاب=اسرج لها الهجس مهره وامتطا
وش ذي تساوي معا طول الغياب=نعدها منك عربول العطا
ماغاب من طوَّل الغيبه وجاب=اقبل لنا اقبل بعجلات الخطا
اول تناقيط رشراش السحاب=بشرى السما لا احتكم ياس الوطا
تجاوزت بالعلو روس الهضاب=ترمى لك العقل من دون وسطا

‏

[محمد الروقي]

+مرحبابك ياكديميس عند ربعك
وصح لسااااااتك سبقني ابو عبيد ولا ناويك هههه
وعيدك مبارك وعيد الجميع في رواسي وبرا رواسي

[الناقد/عبدالله الروقي]

بطاقة معايدة لرواسي نجد
،
،،
،،،

يا ليل ابا انشدك عن سر الغياب =هو صح ياليل والا هو خطا
اقابل الطيف من فوق السحاب =ولا قدرت انشده ليه البطا
ياليل مافيه طبٌ للصواب =الا بوصلٌ يحث ءله الخٌطى
ياليل قطعه لوصلي سم داب=مابينه وبين شرياني غطا
ياليل وان كان ما رد الجواب = روحت ياليل مرواح القطا
الشعر عندي مثل طرد السراب = ومنزالنا فوق ما ننزل وطا
اخاف لا اسهب ، يقول انه عتاب =و اللي عطى العهد لا ينكر عطا



ارجو من المشرفين تنسيق الابيات
،
،،
،

يامرحبا تراحيب المطر يابو منصور
ياالله إنك تحييه عقب البطا
شرفتنا وآنستنا بزيارتك يالحصان وصح لسانك حتى ترضى على الإبداع
وعيدك مبارك وكل عام وأنت بصحة وسلامة,الله يشفي مريضكم ويلبسه لباس الصحة والعافية,,,

[رحيل]

الشاعر كديميس السيحاني
نورت رواسي حياك الله وبياك

شرفتنا واسعدتنا بهـ الرائعة المتميزة
صح لسانك مدد ولاهنت

[مهرة يام]

ياهلا وغلا بشاعرنا الجزل
كل عام وانت بخير وصحه
نورت الرواسي
صح لسانك على النص الجزل والفخم
يعطيك العافيه

[مناهل]

صح لسانك شاعرنا
نص جزل ورائع
تحياتي

[جراح]

صح لسانك واعتلا شانك
ابداع في ابداع
قواك الله,,,,

[ملكة الرواسي]

صح لسانك ولا هنت شاعرنا
كعادتك مبدع يعطيك العافية

[شاعرة نجد]

بطاقة معايدة لرواسي نجد
،
،،
،،،

‏
يا ليل ابا انشدك عن سر الغياب=هو صح ياليل والا هو خطا
اقابل الطيف من فوق السحاب=ولا قدرت انشده ليه البطا
ياليل مافيه طبٌ للصواب=الا بوصلٌ يحث ءله الخٌطى
ياليل قطعه لوصلي سم داب=مابينه وبين شرياني غطا
ياليل وان كان ما رد الجواب=روحت ياليل مرواح القطا
الشعر عندي مثل طرد السراب=ومنزالنا فوق ما ننزل وطا
اخاف لا اسهب ، يقول انه عتاب=واللي عطى العهد لا ينكر عطا

‏



ارجو من المشرفين تنسيق الابيات
،
،،
،

تم التنسيق


صح لسانك يـ الشاعر
وتسلم ولاهنت على الكايفه والابدااع

تقديري,’’