جيت كلي

[ناصر الهواوي]

‏
سبحان مهلك عاد في صحرا الاحقاف=بذكره صعيبات المشاكل اتحلي
مايلحق اللي يبتدي باسمه خلاف=بقول الله اكبر كل مارد يولي
وبعد السلام ورحمته يابو نواف=تحيه احلى من حليب المتلي
خلفه ثنو زينة طبايع وميلاف=حلابها من حلبها ما يملي
عام انتصف من بعد عامٍ قبل طاف=ماجاء مهلاً به ولا اسمع مهلي
اقصد من اهل المدن لنزول الارياف=ايام وانا اقول ليتي وعلي
وثبت لي انه لو بدا نجم ينشاف=واولتها من باب صلى المصلي
لاجا المساجد من بعدها ولا اطاف=او شانت الدعوى ولا هيب باللي
لا اتضيق ذا تقديم وانصت لهالقاف=عساك مع نضم الغزل تسفهلي
يوم الصله مرسول والمركبه هاف=ما فيه نت ولا لكيشن يدلي
احاول استرجع هاكلوت واخاف=واصد عن مابه حصل واستزلي
يعرض شريط الذاكره ترف الاطراف=واف الخصال اللي كلامه يسلي
قلب الشقا لاحل طاريه ينلاف=وانا ليا طروه لي جيت كلي


‏

[رحيل]

مكاني (:

[رحيل]

الله الله عليك شاعرنااا
صح لسانك مدد ودام هالحضور العذب
لاهنت

[النجلاء]

ابو عبيد
صح الله لسانك ملايين شاعرنا المتألق
ابدعت وامتعت كما تعودنا من سموك الابداع والحضور المميز
تقديري لك
النجلاء

[عبدالله الصقري]

الله عليك ياجد
صح لسانك مدد بليا عدد

[ملكة الرواسي]

صح لسانك ولا هنت شاعرنا
نص راقي كعادتك

[هزاع محمدالعاصمي]

صح السانك حد رضاك
ابيات بحق جميلة وتحمل من الشعر أجزله
لاعدمناك ويعطيك العافية