ايّــام حلــوه

[عبدالله الصقري]

كل ما اقرب منك خطوه
تبـتـعــــد عـنّي عـشــر

نصف حبّك صار قسوه
و نـصفــه آلآم وهجــر

ماكفى انّ الروح فـدوه ؟
و انّـك اغلى من العمـر !؟

عشت معك ايّــام حلــوه
و متّ من دونــك قـهــر

بي حنين و فيـك جفـوه
بي عتـــاب ولـك عــــذر

إنت لي محبوب وعزوه
و انت لي قلبــــ و نظــر

ذاب ليلي و فـاض دلـوه
و نام في عيني السهـــر

ما يـذوق الطـرف غفـوه
كل ذا . و مـا بي صبـــر !!؟

[هزاع محمدالعاصمي]

الله عليك وصح السانك ابيات
تحمل في طياتها شعر جميل ومعنى رائع
اعجبتني في مضمونها وعتبها الرقيق كما أسعدني
المرور من خلالها دمت بخير

[خيال مطير]

صح لسانك يالامير ,,

[محمد الغنامي]

عبدالله الصقري
صح لسانك واعتلا شانك
مبدع وجزل كما عهدناك شاعرنا
سجل اعجابي وتقديري
ولك اجمل تحيه

[الناقد/عبدالله الروقي]

صح لسانك يابو محمد وبارك الله فيك
تقبل مني فائق التقدير،،،

[رحيل]

الله الله
صح لسانك على هالرائعة
ولاهنت

[ملكة الرواسي]

يعطيك العافية شاعرنا
نص راقي لا هنت

[النجلاء]

الصقري
صح الله لسانك مدد
ابدعت وامتعت شاعرنا الجزل
دمت ودام مداد قلمك ورقي حرفك
تقديري لسموك
النجلاء

[عبدالله الصقري]

صح بدنكم و سلمت قلوبكم
و مساؤكم ورد جوري
دمتم بكل خير و محبَّه
ولكم كل الود و التقدير و الإحترام

[مهرة يام]

صح لسانك واعتلى شانك
لاهنت نص جميل وجزل
يعطيك العافيه

[عبدالله الصقري]

صح بدنك و سلّمك ربي يالمهره
دمتي بكل خير و محبّه
ولك ودّي وتقديري و احترامي

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي

[عبدالله الصقري]

القديره سحآب
صح بدنك و سلمك ربي
دمتي بكل خير و محبَّه
ولك كل الود والتقدير و الاحترام