البال مشغول ما تهدأ هواجيسه

[سلمى]

البال مشغول ما تهدأ هواجيسه
لو اخفي الضيق نظراتي مبينته

ابليس ملعون تلعب بي وساويسه
حتى لذيذ* الكرى ماني معينته

لاحت بروق الحنين وجت عواسيسه
وأنا جنابي لجزل الشعر لينته

لا اتعبني الصوت في جرة مناكيسه
غنيت مسحوب ولا قمت هيجنته

خل المفارق يولي والعن ابليسه
يا واحدٍ نادره في الناس عينته

أقسمت باللي خلق قلبي وأحاسيسه
لو صار ما* صار ما ياخذني إلا انته

اسبوع وانا البس الفستان واقيسه
واشوف جيدي بسلسالي مزينته

والعين حوراء لها في الرمش تقويسه
مع خصر منحول لامني تبينته

وإن قام كل اجودي يذكر نواميسه
يفرض علي الطغا والكبر هيمنته

حذفني الذل من كامل قواميسه
والعز ورثٍ لربعي ما تدينته

#سلمى

[النجلاء]

الله الله
ياسلام عليك وصح الله لسانك ملايين
ابدعتي وامتعتي شاعرتنا كما تعودنا من سموك
دمتي ودام جمال حرفك وروعة حضورك
تقديري وتقييمي لسموك
النجلاء

[رحيل]

الله الله
صح لسانتس شاعرتنا الجزلة
ابدعتي وامتعتي ياغالية
دام هالحضور وهالإبداع

[هزاع محمدالعاصمي]

الله عليك صح السانك شاعرتنا
ابيات جميلة تميزت بالسلاسة وقوة المعنى
ابدعتي اخيتي الشاعرة كل الإعجاب والمتابعة مع جزيل الشكر
على هذى النص الأكثر من رائع دمتي بخير

[ملكة الرواسي]

كعادتك مبدعه غلاي
يعطيك العافية ولا هنت

[الناقد/عبدالله الروقي]

صح لسانك ياسلمى على الأبيات الرائعة
والله لايهينك على حضورك العذب في تاج القصيد،،،

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرتنا الرائعه
تحياتي