طرا على بالي من الشعر فكره

[سلمى]

بين القيام وبين وقت التراويح
طرا على بالي من الشعر فكره

جتني هواجيسي كما عاتي الريح
مالي على رد الهواجيس قدره

وقمت اغني وارفع الصوت واصيح
ياليت مالي ف الطواريق خبره

تأتيني الأفكار من دون تلميح
كتبت لين إن القلم جف حبره

وأنا قضيت الشهر حمدٍ وتسبيح
ما انساني الشيطان ربي وذكره

اسجد لوجهه والضماير مجاريح
وارجيه وأدعي بانكسارٍ وعبره

يدمح خطاي ويغفر الذنب ويريح
قلبي بتوفيقه ولطفه وجبره

وطموحي اللي دونه اقوم واطيح
عليه لاحقني حسافه وحسره

دايم على شوفه عيوني مشافيح
ودي يصير اليوم قدام بكره

أحققه واعطي بطاقه وتصريح
للهم يطلع من خفوقي بكبره

دنياي ظلمى والأماني مصابيح
‏وحكم القدر نرضى بعسره ويسره

والعمر مره والليالي مراويح
وللموت عند منازع الروح سكره

يارب وجهي من وجيهٍ مفاليح
لا قام كلٍ ينفض تراب قبره

#سلمى
#جديدي

[صالح العازمي]

صح لسانك ياسلمى شاعرة رائعة
ومن العايدين والفايزين

[روابي]

قصيده جميله ورائعه
سلمى
شكراً على هذه الرائعه المميزه

[ملكة الرواسي]

صح لسانك ولا هنتِ غلاي
نص راقي يعطيك العافية

[محمد الغنامي]

الله عليك ياسلمى
صح لسانك مليون يالجزله
مبدعه شاعرتنا الله لايظرك
دمتي بخير

[حمد الحربي]

والعمر مره والليالي مراويح
وللموت عند منازع الروح سكره


الله الله ابداع من ذهب
والله يتقبل طاعتك وصيامك وقيامك

[النجلاء]

الله الله
صح لسانك ملايين شاعرتنا الرائعه
وكل عام وانتي بخير
دمتي ودام مداد قلمك ورقي حرفك
تقديري لسموك
النجلاء

[مهرة يام]

صح لسانك ياشاعرتنا
نص جزل وفخم لاهنتي

يعطيك العافيه

[سعود العتيبي]

صح لسانك واعتلا شانك
جديدك وقديمك كله جزل

[الناقد/عبدالله الروقي]

مبدعة ياسلمى صح لسانك على القصيدة الجزلة
سلمى والإبداع قرينان,تستحقين الإشادة حقيقة
وكل عام وأنتِ بخير وتقبل الله من الجميع الصيام والقيام

[هزاع محمدالعاصمي]

صح لسانك على الابيات المميزه
والتي لاتصدر إلا من شاعرة متمكنه وانتي كذالك
دمتي ودام مداد قلمك الجميل

[رحيل]

الله عليتس ي سلمى
وعلى ابداعتس
صح لسانتس مليووووون شاعرتنا