حبَّها غير

[عبدالله الصقري]

تجرح العين سكَّان الصدور و تخيِّل
في سما المحروم برَّاق ٍ يلوح و يغيب

كلّما شفت لي ريم ٍ طَرَت لي . . . .
أعذب الريم والغزلان طيب ٍ و طيب

غيرها لو أحب و لو أميـل و أمـيِّـل
ما يداوي خفـاي الفين خل و طبيب

علَّمَتني نـقـوش الحب و آنا جهيِّـل
ياهلي كيف بـ انسآها وقلبي عطيب

مشرق القلب من غيم المسافه مليِّل
والمدى ضاق والمجمول جاله خطيب

قلت مبروك لو ينعاف درب السليِّـل
شاهـد جنازة الفرقـا و لون المغيب

لامني في شفاياها عتــاب الجـديِّــل
أسمعـه بس لو ناديت ما من مجيب

من عرفها خفوقي في ذراهـا مقيِّل
و البلا ما بقى من ظلَّها لي نصيب

يا قصيـدي يكفّ السيل و الاّ يسيِّل
ما يعـوِّضْـك لو هنَّـاك قلب ٍ غريب

حبَّها غير و السلوان عنهــا قليِّــل
واعـذاب الــذي يبكي فراق الحبيب

من الإرشيف
1415هجري

[محمد الغنامي]

الله الله

الصقري عبد الله

صح لسانك واعتلا شانك
مبدع وجزل كما عهدناك شاعرنا
مروري وتقديري

ولك اجمل

تحيه

[خيال مطير]

مشرق القلب من غيم المسافه مليِّل
والمدى ضاق والمجمول جاله خطيب
قلت مبروك لو ينعاف درب السليِّـل
شاهـد جنازة الفرقـا و لون المغيب

ي ســـــــــــــــــلاآآآمم عليك يابو محمد , قصيده جزلةة من جزل
صح لسَـــــــــــــــــــــــــــ،×/،،,’،,، نك يالامير , وبيض الله وجهك
تقيييمي لسموك الراقي ,,

[مهرة يام]

صح لسانك يالجزل
مبدع وجزل موغريبه عليك
يعطيك العافيه

[رحيل]

ياسلااام ياسلااام
صح لسانك لين ترضى
ودام إبداعك

[عبدالله الصقري]

صح بدنكم
و سلمت قلوبكم و ارواحكم
دمتم بكل خير و محبَّه
ولكم ودي و تقديري و احترامي

[النجلاء]

الصقري
صح الله لسانك مدد
ابدعت وامتعت شاعرنا الرائع
دمت ودام مداد قلمك ورقي حرفك الفاخر
تقديري لك
النجلاء

[عبدالله الصقري]

صح بدنك واحلى صباح بوجودك
دمت بالف خير و سعاده

[شاعرة نجد]

رووعه يـ الصقري
صح لسانك صح لسانك,’’

[عبدالله الصقري]

صح بدنك و كلِّك شاعرتنا القديره

و الأروع هو مرورك العطر

دمتي بكل خير و محبَّه

ولك ودِّي و تقديري و احترآمي