حلو الحزن

[عبدالله الصقري]

حلو الحزن لاصار لعيون الاحباب
أحـلـى من الفرحـه بليّـا حبآيب

الـقلـب لا منّه ذكـر غآليٍ غـآب
يحـن لجــروح بهــا كان طآيب

كنّا أنا والروح في عالم اغراب
وكانوا يقولـون المحبه عجايب

إلين حلّ بخافقي سهمها وصآب
و آنا وحـزن الكـون كله قـرآيب

الحب ذوّقنـا عـذآبـآت و اسبـاب
و بـه التقينـا من عـلايلـه نـآيب

والهجر جبنا له مواويل وعتاب
مكتـوب للـخلآن مـن قلـب ذايب

واصدق دموع غارقه بين الاهداب
دمعــة لقـا العشّـاق لا عــاد غايب

يقوله اللي من جروح الهوى طآب
ليتـه يعــود الحب لـو بــه مصآيب

[خيال مطير]

صح لسانك
شاعرنا
وبيض الله وجهك

[النجلاء]

الصقري
صح الله لسانك ملايين شاعرنا
مبدع وجزل وشهادتي فيك مجروحه
دمت ودام مداد قلمك ورقي حرفك
تقديري لسموك
النجلاء

[محمد الغنامي]

الله الله
عبدالله الصقري
صح لسانك واعتلا شانك
مبدع وجزل كما عهدناك شاعرنا
سجل اعجابي وتقديري
ولك اجمل تحيه

[ملكة الرواسي]

صح لسانك ولا هنت شاعرنا
يعطيك العافية

[الجووهره]

واصدق دموع غارقه بين الاهداب
دمعــة لقـا العشّـاق لا عــاد غايب


رووووووعه
أبدعت عبدالله الصقري
صح لسآنك مليوون ولا يكفوون
ويعطيك العآآفيه على هالرآآئعه

[ريم الفلا]

مبدع شاعرنا صح لسانك مدد ولاهنت

[عبدالله الصقري]

صحت ابدانكم و سلمت قلوبكم

و صبَّحكم الله بالف خير و عافيه

دمتم بكل خير و محبه

ولم ودي و تقديري و احترامي

[رحيل]

ياسلام عليك وعلى ابداعك
صح لسانك مدد بلا عدد
ولاهنت

[عبدالله الصقري]

يسعد مساك و كل أوقاتك
وصح بدنك وسلمك ربي
دمتي بكل خير و محبه
ولك ودي و تقديري و احترامي

[سعود العتيبي]

دائما مبدع يابو محمد

حتى في احزان الحب مبدع
صح لسانك وزان حالك

[عبدالله الصقري]

صح بدنك وسلم قلبك اخوي سعود
والله يسعد صباحك و كل أوقاتك
دمت بكل خير و محبه
ولك ودي و تقديري و احترامي

[غطرسة قلم]

صح لسانك يالجزل

[عبدالله الصقري]

صح بدنك وسلمك ربي
دمتي بكل خير و محبه
ولك ودي و تقديري و احترامي

[مهرة يام]

صح لسانك شاعرنا
نص جزل وفخم
يعطيك العافيه
تقديري لسموك

[عبدالله الصقري]

يسعد صبآحك رب كل العالمين
يا ... أول انسان التقيته بـ صباحي

يا فال صبحي و اجمل اشرآقة جبين
اشكر تواجدك العزيز بــ مـرآحي

ما اظن ابد ينـرد فـآل مصبَحيـن
لاشك هو سعدي و فجر انشراحي

هو نبض كل الشوق .. فوح الياسمين
و احسآس يجعلني لك أرمي سـلآحي